Punjabi Sufi Kalam/Poetry | ਪੰਜਾਬੀ ਸੂਫ਼ੀ ਕਲਾਮ

ਪੰਜਾਬੀ ਸੂਫ਼ੀ ਕਵਿਤਾ ਦੇ ਬਹੁਤੇ ਅਲੰਕਾਰ ਜਾਂ ਦ੍ਰਿਸ਼ਟਾਂਤ ਪੇਂਡੂ ਜੀਵਨ ਦੇ ਕਿੱਤਿਆਂ ਅਤੇ ਚੌਗਿਰਦੇ ਵਿੱਚੋਂ ਲਏ ਗਏ ਹਨ। ਸੂਫ਼ੀ ਕਵਿਤਾ ਦੀ ਮਹਾਨਤਾ ਇਸਦੀ ਸਾਦਗੀ ਅਤੇ ਗੰਭੀਰਤਾ ਵਿੱਚ ਹੈ। ਇਹ ਰੱਬ ਦੇ ਪਿਆਰ ਵਿੱਚ ਡੁੱਬ ਕੇ ਤਰਦੀ ਹੈ। ਇਹ ਕਵਿਤਾ ਸਹਿਨਸ਼ੀਲਤਾ ਅਤੇ ਸਾਂਝੀਵਾਲਤਾ ਦਾ ਸੰਦੇਸ਼ ਦਿੰਦੀ ਹੋਈ, ਧਰਮਾਂ ਅਤੇ ਜਾਤਾਂ ਦੀਆਂ ਹੱਦਾਂ-ਬੰਨੇ ਤੋੜ ਕੇ ਸਭ ਲੋਕਾਂ ਵਿੱਚ ਇਕੋ ਜਿੰਨੀ ਹਰਮਨ-ਪਿਆਰੀ ਹੈ। ਸੂਫ਼ੀ ਕਵੀ ਸੱਚੇ-ਸੁੱਚੇ ਸੂਰਮੇ ਸਨ, ਜਿਨ੍ਹਾਂ ਕੱਟੜਤਾ ਅਤੇ ਜ਼ੁਲਮ ਦਾ ਜ਼ਿੰਦਗੀ ਦਾਅ 'ਤੇ ਲਾ ਕੇ ਵੀ ਵਿਰੋਧ ਕੀਤਾ।