ਮੁਨਸ਼ੀ ਪ੍ਰੇਮਚੰਦ
ਮੁਨਸ਼ੀ ਪ੍ਰੇਮਚੰਦ (੩੧ ਜੁਲਾਈ ੧੮੮੦–੮ ਅਕਤੂਬਰ ੧੯੩੬) ਦਾ ਜਨਮ ਵਾਰਾਨਸੀ ਤੋਂ ਚਾਰ ਮੀਲ ਦੂਰ ਲਮਹੀ ਪਿੰਡ ਵਿੱਚ ਹੋਇਆ ਸੀ। ਉਨ੍ਹਾਂ ਦਾ ਅਸਲੀ ਨਾਂ ਧਨਪਤ ਰਾਏ ਸ਼ਰੀਵਾਸਤਵ ਸੀ ।ਉਨ੍ਹਾਂ ਦੀ ਸਿੱਖਿਆ ਦਾ ਆਰੰਭ ਉਰਦੂ, ਫ਼ਾਰਸੀ ਪੜ੍ਹਨ ਤੋਂ ਹੋਇਆ ਅਤੇ ਰੁਜ਼ਗਾਰ ਦਾ ਪੜ੍ਹਾਉਣ ਤੋਂ। ੧੮੯੮ ਵਿੱਚ ਮੈਟਰਿਕ ਦੀ ਪਰੀਖਿਆ ਪਾਸ ਕਰਨ ਦੇ ਬਾਅਦ ਉਹ ਇੱਕ ਸਥਾਨਕ ਪਾਠਸ਼ਾਲਾ ਵਿੱਚ ਅਧਿਆਪਕ ਨਿਯੁਕਤ ਹੋ ਗਏ । ੧੯੧੦ ਵਿੱਚ ਉਹ ਇੰਟਰ ਅਤੇ ੧੯੧੯ ਵਿੱਚ ਬੀ.ਏ. ਪਾਸ ਕਰਨ ਦੇ ਬਾਅਦ ਸਕੂਲਾਂ ਦੇ ਡਿਪਟੀ ਸਬ-ਇੰਸਪੈਕਟਰ ਪਦ ਉੱਤੇ ਨਿਯੁਕਤ ਹੋਏ।ਉਨ੍ਹਾਂ ਦੀਆਂ ਪ੍ਰਮੁਖ ਹਿੰਦੀ ਰਚਨਾਵਾਂ ਹਨ; ਨਾਵਲ: ਸੇਵਾਸਦਨ, ਪ੍ਰੇਮਾਸ਼੍ਰਮ, ਨਿਰਮਲਾ, ਰੰਗਭੂਮੀ, ਗਬਨ, ਗੋਦਾਨ; ਕਹਾਣੀ ਸੰਗ੍ਰਹਿ: ਨਮਕ ਕਾ ਦਰੋਗਾ, ਪ੍ਰੇਮ ਪਚੀਸੀ, ਸੋਜ਼ੇ ਵਤਨ, ਪ੍ਰੇਮ ਤੀਰਥ, ਪਾਂਚ ਫੂਲ, ਸਪਤ ਸੁਮਨ; ਬਾਲਸਾਹਿਤ: ਕੁੱਤੇ ਕੀ ਕਹਾਨੀ, ਜੰਗਲ ਕੀ ਕਹਾਨੀਆਂ ਆਦਿ ।
