ਗਿਆਨੀ ਗੁਰਮੁਖ ਸਿੰਘ ਮੁਸਾਫ਼ਿਰ

Giani Gurmukh Singh Musafir

ਗਿਆਨੀ ਗੁਰਮੁਖ ਸਿੰਘ ਮੁਸਾਫ਼ਿਰ (੧੫ ਜਨਵਰੀ ੧੮੯੯ - ੧੮ ਜਨਵਰੀ ੧੯੭੬) ਇੱਕ ਪ੍ਰਸਿੱਧ ਰਾਜਨੇਤਾ, ਦੇਸ਼ ਭਗਤ, ਸੁਧਾਰਕ ਅਤੇ ਲੇਖਕ ਸਨ। ਉਹ ਕੁਝ ਸਮੇਂ ਲਈ ਪੰਜਾਬ ਦੇ ਮੁੱਖ ਮੰਤਰੀ ਵੀ ਰਹੇ। ਉਨ੍ਹਾਂ ਨੂੰ ਉਨ੍ਹਾਂ ਦੀ ਕਹਾਣੀਆਂ ਦੀ ਕਿਤਾਬ ‘ਉਰਵਾਰ ਪਾਰ’ ’ਤੇ ਸਾਹਿਤ ਅਕਾਦਮੀ ਪੁਰਸਕਾਰ ਵੀ ਮਿਲਿਆ। ਉਨ੍ਹਾਂ ਦੀਆਂ ਪੰਜਾਬੀ ਕਵਿਤਾ ਦੀਆਂ ਰਚਨਾਵਾਂ ਵਿੱਚ ‘ਸਬਰ ਦੇ ਬਾਣ’, ‘ਪ੍ਰੇਮ ਬਾਣ’, ‘ਜੀਵਨ ਪੰਧ’, ‘ਮੁਸਾਫ਼ਰੀਆਂ’, ‘ਟੁੱਟੇ ਖੰਭ’, ‘ਕਾਵਿ ਸੁਨੇਹੇ’, ‘ਵੱਖਰਾ ਵੱਖਰਾ ਕਤਰਾ ਕਤਰਾ’ ਅਤੇ ‘ਦੂਰ ਨੇੜੇ’ ਸ਼ਾਮਲ ਹਨ। ਉਨ੍ਹਾਂ ਦੇ ਕਹਾਣੀ ਸੰਗ੍ਰਹਿ ਹਨ: ‘ਵੱਖਰੀ ਦੁਨੀਆਂ’, ‘ਆਹਲਣੇ ਦੇ ਬੋਟ’, ‘ਕੰਧਾਂ ਬੋਲ ਪਈਆਂ’, ‘ਸਤਾਈ ਜਨਵਰੀ’, ‘ਅੱਲਾ ਵਾਲੇ’, ‘ਗੁਟਾਰ’, ‘ਸਭ ਹੱਛਾ’, ‘ਸਸਤਾ ਤਮਾਸ਼ਾ’।