بھائی نند لال گویا

بھائی نند لال جی گویا (1633–1713) دا جنم غزنی (افغانستان) وچ ہویا ۔ اوہناں دے پتا چھجو ملّ جی شاہزادہ دارا شکوہ دے منشی اتے بہت چنگے ودوان سن ۔ بھائی نند لال جی نے باراں سال دی عمر وچ کویتا لکھنی شروع کیتی اتے اپنا تکھلس 'گویا' رکھیا ۔ جدوں اوہ ستاراں سال دے ہوئے تاں اوہناں دے ماتا جی اتے استوں دو سال بعد اوہناں دے پتا جی دا دیہانت ہو گیا ۔ بھائی نند لال جی پنجاب مڑ آئے اتے ملتان وچ رہن لگے ۔ جدوں اوہناں نوں پتہ لگیا کہ اؤرنغزیب اوہناں دا دھرم بدلنا چاہندا ہے تاں اوہ پریوار سمیت گورو گوبند سنگھ جی کول انندپور صاحب آ گئے ۔ اوہناں نے گورو جی نوں اپنی رچنا بندگی نامہ پیش کیتی، گورو جی نوں ایہہ رچنا عینی پسند آئی کہ اوہناں نے اسدا ناں بدلکے زندگی نامہ رکھ دتا ۔ اس طرحاں بھائی صاحب گورو جی دے درباری کویاں وچ شامل ہو گئے ۔ اوہناں دیاں رچناواں ہن : دیوان-اے-گویا (غزلاں)، زندگی نامہ، توصیف-او-ثنائ، گنج نامہ، دستور-ال-انشا، عرض-ال-الفاز، خاتما، جوتِ بگاس (فارسی اتے پنجابی)، رہت نامہ اتے تنخواہ نامہ ۔