خاتما بھائی نند لال گویا ترجماکار گنڈا سنگھ

خاتما (انت)

اسمان وی اس ستگورو دیاں سنگتاں دا غلام ہے ۔
دیوی دیوتے وی اس دے خالصے دے سیوک ہن ۔۔1۔۔

اس دیاں سنگتاں دا ہردا اننت دا کونا (انت) ہے ۔
اس دیاں سنگتاں دی مٹی سورگ دا توشہ ہے ۔۔2۔۔

جمدوت اوہناں (سنگتاں) توں بھے کھاندا ہے ۔
اوہناں کرکے عرش کرس دیاں نیہاں پکیاں ہن ۔۔3۔۔

اوہناں کرکے جل تھل نوں ساز سامان پراپت ہے ۔
اوہناں کرکے ہی سورج چن نوں روشنی ہے ۔۔4۔۔

گیان اتے نمرتا دے لکھاں سمندر اوہناں
دے دل-دریا توں اکو نقطہ لین والے ہن ۔۔5۔۔

دھرت آکاش اوہناں صدقہ قایم ہن ۔
پاتال توں آسمان تک (دے جیو) اوہناں صدقہ جیؤ رہے ہن ۔۔6۔۔

گنگا دی پوترتا اوہناں دی چرن-دھوڑ صدقہ ہے ۔
اٹھاہٹھ تیرتھ اوہناں دے بولاں توں پراپت کیتے نقطیاں صدقہ یاترا یوگ ہن ۔۔7۔۔

دس اوتار اوہناں دی رکھیا کرن لئی ہن،
چارے وید اوہناں دے گن گاؤن وچ رجھے ہوئے ہن ۔۔8۔۔

تنے برہما، بشن، مہیش، اوہناں دا جس گاؤندے ہن ۔
چھ شاستر بھی اوہناں دی تعریف وچ جٹے ہوئے ہن ۔۔9۔۔

نوں ناتھ اوہناں دی صفت کر رہے ہن ۔
چراسی سدھ اوہناں توں وڈیائی پراپت کردے ہن ۔۔10۔۔

باراں دھرم اوہناں دی صفت صلاحَ کردے ہن ۔
سنسار دے چوداں کھنڈاں نوں اوہناں دی کرپا کرکے روزی ملدا ہے ۔۔11۔۔

ستائی نچھتر اوہناں دے دوارے دے منگتے ہن ۔
چالی جوگ وی اوہناں لئی ہی راکھویں ہن ۔۔12۔۔

اٹھاراں پوتر پران، پنجے پیر، ستے رشی،
پورب اتے پچھم دے سارے لوک، دکھنی اتے
اتری وسنیک، دھرت اتے آکاش دے واسی،
مات لوک اتے پاتال دے رہن والے، اچے
آسماناں دے دیوی دیوتے، مات-لوک دے
ناشوان لوک اتے برہم-لوک دے نورانی
دیوتے، پروانت پتونتے اتے بھگت لوک-
ایہہ سارے دے سارے (ستگورو دیاں سنگتاں
دے) سوہلے گاؤن والے ہن اتے اوہناں دے
امرت بھرے پیالے 'چوں گھٹّ بھرن والے
ہن ۔۔13،14،15،16،17،18۔۔

ستگورو اوہناں (سنگتاں) دا متر سہائی ہے ۔
ستگور دی وڈیائی دا ہتھ ہمیشاں اوہناں دے سر تے ہے ۔۔19۔۔

ستگور دے چرن سدا اوہناں دے دل وچ وسدے ہن ۔
اوہناں دا ٹکانا سدا ستھر رہن والا ہے ۔۔20۔۔

واہگورو کرے، نند لال دا سر سدا اوہناں دے چرناں تے چلدا رہے ۔
واہگورو کرے، نند لال سدا اوہناں دے گن گا گا کے آنند پراپت کردا رہے ۔۔21۔۔

سماپت ہوئی پستک توسیفو-ثنائ-او-خاتما رچت منشی نند لال گویا ملتانی