واہگورو جیو حاضر ناظر ہے
گورو گوبند گوپال گر پورن نارائنہِ ۔
گر دیال سمرتھّ گر گر نانک پتت ادھارنہِ ۔۔

میرا دل اتے جان ہر سویر اتے شام،
میرا سر اتے متھا صدق اتے صفائی نال
اپنے گورو توں قربان جاوے،
نمرتا ساہت لکھاں وار قربان ہووے ۔۔1-2۔۔

کیوں جو اسے نے منکھاں وچوں دیوتے پرگٹ کیتے،
اس نے مٹی دے جیواں دے مان ستکار ودھا دتے ۔۔3۔۔

اس دے ستکارے ہوئے سارے ہی اس دے چرناں دی دھوڑ ہن،
سارے دیوی-دیوتے اس توں قربان ہن ۔۔4۔۔

بھاویں ہزاراں سورج چن پئے چمکن،
پر اس گورو توں بناں سارا جہان گھور انھیرا ہے ۔۔5۔۔

پاک پوتر مرشد ربّ دا ہی نور ہے،
اسے کارن اوہ میرے دل وچ وسیا ۔۔6۔۔

اوہ منکھ جہڑے اس نوں یاد نہیں کردے،
سمجھو کہ اوہناں اپنی جان اتے دل دا پھل اننجائیں گوا لیا ۔۔7۔۔

اس سستے پھلاں نال بھرے کھیت نوں
جد اوہ دوروں رجّ کے ویکھدا ہے ۔۔8۔۔

تاں اس نوں ویکھن وچ آنند پراپت ہندا ہے،
اتے اوہ اناں پھلاں نوں توڑن لئی نسدا ہے ۔۔9۔۔

پر اس کھیت 'چوں اس نوں کوئی پھل پراپت نہیں ہندا،
اتے اوہ پھیر بھکھا تہایا اتے کمزور مڑ جاندا ہے ۔۔10۔۔

ستگور توں بناں سبھ کجھ اسے طرحاں سمجھ،
جویں کہ جھاڑاں اتے کنڈیاں نال بھریا ہویا کھیت ہووے ۔۔11۔۔

(وارتک-12)
واہگورو جیو ست
واہگورو جیو حاضر ناظر ہے

اس دا نام نانک پاتشاہ ہے تے اوہ سچے دھرم والا ہے ۔
اس جیہا ہور کوئی درویش سنسار وچ نہیں آیا ۔۔13۔۔

اس دی فقیری، درویشی دا سر اچا کردی ہے،
اس دے سامھنے سبھ دا کم جان وارنا ہے ۔۔14۔۔

کی خاص اتے کی عامَ، کی فرشتے تے کی ربی درگاہ دے درشک،
سارے ہی اس دی دھوڑ دے جاچک ہن ۔۔15۔۔

جد ربّ آپ اس دی استتِ کردا ہے، تاں میں کی صفت کراں ؟
اس دی صفت دے راہ تے مے کویں چلاں ؟ ۔۔16۔۔

روحاں دی دنیاں دے لکھاں ہی (فرشتے) اس دے مرید ہن،
اس جہان دے لکھاں لوک اس دے مرید ہن ۔۔17۔۔

ادھیاتمک سنسار دے سارے دیوتے اس توں قربان جاندے ہن،
روحانی سنسار دے سارے فرشتے اس دے چرناں تے ڈھہندے ہن ۔۔18۔۔

اس جہان دے سارے لوک اس دے بنائے دیوتے ہن،
اس دا دیدار ہیٹھاں اپر سبھ تھائیں پرکاشمان ہے ۔۔19۔۔

اس دی سنگت وچ بیٹھن والے سبھ گیان وان ہن،
اوہ ربّ دی ذات دی صفت شلاگھا کرن والے ہن ۔۔20۔۔

اوہناں دا مان ستکار، ستھان اتے مرتبہ اتے نام نشان رہندی دنیاں تک ستھر ہے،
اوہ پاک پرودگار اوہناں نوں دوجیاں نالوں اچیرا درزا بخشدا ہے ۔۔21۔۔

جد دوہاں جہاناں دے مرشد نے اپنیاں انیکاں
بخششاں دوارا اس نوں سمبودھن کیتا ۔۔22۔۔

تاں اس نے کیہا کہ میں تیرا بندہ ہاں، تیرا غلام ہاں،
اتے تیرے عامَ تے خاص سبھ بندیاں دے چرناں دی دھوڑ ہاں ۔۔23۔۔

پھر جد اس نوں اس طرحاں سمبودھن کیتا گیا،
تاں بار بار ایہی اتر آیا ۔۔24۔۔

کہ مے تیرے وچ (وسدا ہاں) اتے تیرے بناں ہور کوئی دوجا نہیں(دسدا)،
جو کجھ میں چاہندا ہاں، اوہ کردا ہاں اتے اوہی انصاف دی گلّ ہے ۔۔25۔۔

میرے سمرن دا راہ اس جہان نوں وکھا،
اتے میری کیتی صفت نال سبھ نوں پوتر کر دے ۔۔26۔۔

سبھ تھاں مے تیرا دوست اتے تیری پناہ ہاں،
میں تیری سہائتا کرن والا ہاں، میں تینوں چاہن والا ہاں ۔۔27۔۔

جہڑا وی تیرے نام نوں اچا سمجھیگا،
اوہ دل جان نال میری صفت شلاگھا کریگا ۔۔28۔۔

مینوں پھر اپنی اپرم آپار ذات وکھا،
میرے اوکھے سمیں نوں سوکھا بنا دے ۔۔29۔۔

توں سنسار وچ آ اتے راہ-وکھاؤن والا بن،
کیوں جو میرے بناں اس جہان دی جوں بھر وی قیمت نہیں ۔۔30۔۔

اصل وچ جد میں راہ وکھاؤن والا ہاں،
تاں توں اس جہان دا پندھ آپنو پیراں نال مکا ۔۔31۔۔

جس کسے نوں میں چاہندا ہاں اتے اس نوں راہ وکھاؤندا ہاں ،
تیرے کارن اس دے دل وچ خوشی لیاؤندا ہاں ۔۔32۔۔

تے جس نوں میں کروپ نال کراہے پا دیاں،
اوہ تیری سکھیا نال بھی ربّ تک نہیں پجّ سکدا ۔۔33۔۔

ایہہ سنسار میرے بناں کراہے پیا ہویا ہے،
میرے جانو، جادوگر بن گئے ہن ۔۔34۔۔

اوہ مردیاں نوں سرجیت کر دندے ہن،
اتے جیوندیاں نوں جانوں مار دندے ہن ۔۔35۔۔

اوہ اگّ نوں پانی وانگ بنا دندے ہن،
اتے پانی نوں اگّ نال بجھاؤندے ہن ۔۔36۔۔

جو کجھ اوہ چاہندے ہن، اوہی کردے ہن،
اوہ سبھ کجھ سامان اتے جادو کرن والے ہن ۔۔37۔۔

اوہناں دے راہ نوں میری ول موڑ،
تاں جو اوہ میرے بچن گرہن کر سکن ۔۔38۔۔

بناں میرے سمرن دے اوہ کسے جادو ول نہیں جاندے،
بناں میرے دروازے دے اوہ کسے ہور پاسے نہیں جاندے ۔۔39۔۔

کیوں جو اوہ نرکاں توں چھٹّ گئے ہن،
نہیں تاں اوہ ہتھی بدھی ڈگّ پیندے ہن ۔۔40۔۔

ایہہ سارا جہان، اک سرے توں لے کے دوجے سرے تک،
سدا دے رہا ہے سارا سنسار ظلم کر رہا ہے ۔۔41۔۔

میرے کارن اوہ غمی اتے خوشی نہیں جاندے،
میرے بناں اوہ سارے حیران پریشان ہن ۔۔42۔۔

اوہ اکتر ہندے ہن،اتے تاریاں توں،
ہرخ سوگ دے دن گندے ہن ۔۔43۔۔

اوہ پھر مندے بھاگاں نوں پتری وچ لکھدے ہن،
اوہ پھر کدی پہلاں تے کدی پچھوں اجیہا کہندے ہن ۔۔44۔۔

اوہ ربّ دے سمرن وچ ستھر اتے پرپکّ نہیں،
اوہناں سبھ دی گلّ بات بیہالاں والی ہندی ہے ۔۔45۔۔

اوہناں سبھناں دا منہ میرے ول بھوا دے،
تاں جو میرے سمرن توں بناں ہور کسے نوں متر نہ سمجھن ۔۔46۔۔

تاں کہ میں اوہناں دے کم (جیون وہار) ٹھیک کر دیاں،
اتے اوہناں دی منو برتی (دھرم دی) لو نال سنوار دیاں ۔۔47۔۔

میں تینوں اس لئی پیدا کیتا ہے،
تاں جو توں سارے جہان نوں راہ وکھاؤن والا بن جاویں ۔۔48۔۔

اناں دے ہردیاں وچوں دوئی دا موہ کڈھ دے،
اناں ساریاں نوں سچا مارگ وکھا دے ۔۔49۔۔

پاتشاہ (نانک) نے کیہا، مے اس دے کی لایق ہاں،
کہ سبھناں دے دلاں نوں سدھے پاسے موڑ دیاں ۔۔50۔۔

میں کتھے تے اجیہا کمال کتھے ؟
میں نگنا کتھے اتے تیرے (ربّ دے) سروپ دی شان شوکت کتھے ؟51۔۔

پرنتو تیرا حکم سر متھے تے ہے،
میں اک چھن پل لئی وی اس توں غافل نہیں رہانگا ۔۔52۔۔

توں ہی سبھ دا راہ وکھاؤ اتے ہادی ہیں،
توں ہی راہ وکھاؤن والا ہیں اتے سبھ دے دلاں نوں (اپنی ول) موڑن والا ہیں ۔۔53۔۔

(وارتک-54)
واہگورو جیو ست
واہگورو جیو حاضر ناظر
گورو انگد ہے اوہ جو دوہاں جہاناں دا مرشد ہے،
اونکار دی بخشش نال اوہ گناہ گاراں لئی رحمت ہے ۔۔55۔۔

دو جہان تاں کی، اس دیاں بکھششاں نال
لکھاں جہان ہی سفل ہندے ہن ۔۔56۔۔

اس دا سریر بخشند ربّ دی مہر دا بھنڈار ہے،
اوہ ربّ توں ہی آیا اتے ربّ وچ سما جاندا ہے ۔۔57۔۔

اوہ سدا ظاہرا وی تے گپت وی پرگٹ ہے،
اوہ سدا اندر باہر سبھ تھاں موجود ہے ۔۔58۔۔

اس دی صفت کرن والا ربّ سچے دی صفت کرن والا ہے،
اس دی ذات دیوتیاں دی پستک دا اک ورقہ ہے ۔۔59۔۔

اس دی صفت-سنات دوہاں جہاناں دی زبان وی نہیں کر سکدی،
اس دے سامھنے آتما دا ویہڑا وی تنگ ہے ۔۔60۔۔

اس لئی چنگا ایہی ہے کہ اسیں اس دی وڈیائی توں اس دی بخشش
اتے اس دی مہر اتے سخاوت توں ربّ دا حکم پراپت کریئے ۔۔61۔۔

ساڈا سر سدا اس دے چرناں تے رہے؛
ساڈا دل اتے جان اس توں قربان ہندا رہے ۔۔62۔۔

(وارتک-63)
واہگورو جیو ست
واہگورو جیو حاضر ناظر
گورو امرداس اس مہان گھرانے وچوں ہے،
جس دی ہستی نوں ربّ دے فضل اتے کرم توں سمگری ملی ہے ۔۔64۔۔

صفت شلاگھا کرکے اوہ سبھ توں اچیرا ہے،
اوہ ربّ سچ دے آسن تے چوکڑی ماری بیٹھا ہے ۔۔65۔۔

اس دے بچناں دے نور نال ایہہ سنسار جگمگا رہا ہے،
اتے اس دے انصاف نال ایہہ دھرتی اتے دنیاں باغ بنیا ہویا ہے ۔۔66۔۔

اسی ہزار لوکائی تاں کی، دوویں جہان ہی اس دے غلام ہن،
اس دی وڈیائی اتے مہر گنتی توں باہر ہے ۔۔67۔۔

(وارتک-68)
واہگورو جیو ست
واہگورو جیو حاضر ناظر
گورو رام داس،جہڑا ساری لوکائی دی پونجی ہے،
اتے صدق صفائی دے راج دا رکھوالا ہے ۔۔69۔۔

اس وچ راج اتے جوگ دوناں دے چنہ ہن،
اوہ تاج والیاں (بادشاہاں) دا بھی تاجدار (بادشاہ) ہے ۔۔70۔۔

اس دی استت کرن توں تناں لوکاں دی جیبھا اسمرتھ ہے،
اس دے بچناں توں چوہاں ویداں اتے چھ شاشتراں دے موتی کردے ہن ۔۔71۔۔

ربّ نے اس نوں اپنے خاص نکٹ-ورتیاں وچوں چنیا ہے،
اتے اس نوں اپنیاں نجی پوتر روحاں توں وی اچیا کیتا ہے ۔۔72۔۔

کی وڈے اتے کی چھوٹے، کی بادشاہ اتے کی فقیر ،
سارے ہی سچے دل نال اس نوں متھا ٹیکن والے ہن ۔۔73۔۔

(وارتک-74)
واہگورو جیو ست
واہگورو جیو حاضر ناظر
گورو ارجن بخشش اتے وڈیائی دا روپ ہے،
ربی شان دی اصلیت دا ڈھونڈنہارا ہے ۔۔75۔۔

اس دا وجود سارا ربّ دی رحمت دا جھلکارا ہے،
اتے سدیوی نیک گناں نوں ودھاؤن والا ہے ۔۔76۔۔

دو جہان کی، لکھاں ہی اس دے مرید ہن،
سارے ہی اس دی مہر دے امرت روپی گھٹّ پین والے ہن ۔۔77۔۔

ربی وچار والی بانی اسے توں اتردی ہے،
صدق بھروسے والے گیان بھرپور لیکھ بھی اسے دے ہی ہن ۔۔78۔۔

ربی گیان گوسٹ نوں اسے توں چمک دمک پراپت ہے،
ربی حسن نوں اسے توں نکھار اتے کھیڑا آؤندا ہے ۔۔79۔۔

(وارتک-80)
واہگورو جیو ست
واہگورو جیو حاضر ناظر
گورو ہرِ گوبند، بخشش دا روپ سی،
جس صدقہ مند بھاگی اتے مرجھائے ہوئے لوک وی (درگاہے) پروان ہو گئے ۔۔81۔۔

اس دی بخشش اتے مہر پتھر گیٹیاں نالوں وی ودھیرے (بے حساب) ہے،
اس دی شان شوکت ربّ دی شان شوکت ہے ۔۔82۔۔

اس دا وجود ربّ دیاں رحمتاں دا روپ ہے،
اوہ ربّ دے دوجے وشیش نکٹ-ورتیاں توں بہت اگیرے ہے ۔۔83۔۔

اوہ درویشی اتے بادشاہی دوہاں کرکے پرسدھ ہے،
سارے چھوٹے وڈے اس دے حکم وچ ہن ۔۔84۔۔

اس دے نور نال دوویں جہان روشن ہن،
اس دے درشناں دی مہر دے سارے پیاسے ہن ۔۔85۔۔

(وارتک-86)
واہگورو جیو ست
واہگورو جیو حاضر ناظر
گورو کرتا ہرِ رائے سچ دے پالنہارا وی ہے اتے سچ دا دھارنی وی ہے،
گورو کرتا ہرِ رائے سلطان وی ہے اتے درویش وی ہے ۔۔87۔۔

گورو کرتا ہرِ رائے دوہاں جہاناں دا بخشس کرن والا ہے،
گورو کرتا ہرِ رائے لوک پرلوک دوہاں جہاناں دا سردار ہے ۔۔88۔۔

ربّ گورو کرتا ہرِ رائے دیاں بکھششاں دی صفت کرن والا ہے،
سارے خاص لوک گورو کرتا ہرِ رائے کر کے سفل ہندے ہن ۔۔89۔۔

گورو کرتا ہرِ رائے دی بانی سچ دی پاتشاہ ہے،
گورو کرتا ہرِ رائے نوں طبقاں (آسماناں) نوں حکم دین والا ہے ۔۔90۔۔

گورو کرتا ہرِ رائے باغیاں تے سر-پھریاں دا سر قلم کرن والا ہے،
گورو کرتا ہرِ رائے کمزوراں اتے نیاسریاں دا یار اتے آسرا ہے ۔۔91۔۔

(وارتک-92)
واہگورو جیو ست
واہگورو جیو حاضر ناظر
گورو ہرِ کشن مہر اتے بخشش دا روپ ہے،
ربّ دا اپنے سارے خاص نکٹ ورتیاں وچوں سبھ توں ودھ سلاہیا ہویا ہے ۔۔93۔۔

ربّ دے اتے اس دے وچکار کیول اک پتے دا پردہ ہے،
اس دی ہوند ساری دی ساری ربّ دیاں مہراں بخششاں ہن ۔۔94۔۔

سارے ہی اس دیاں پالن ہار ربی مہراں دے سوالی ہن،
دھرتی اتے زمانہ سبھ اس دے حکماں نوں پالن والے ہن ۔۔95۔۔

اسے دی مہر کر کے دوویں جہان سفل ہندے ہن
اس دی مہر کرکے ہر کنکے وچ سورج دی چمک آ جاندی ہے ۔۔96۔۔

ساریاں خاص پیاریاں لئی اس دی رکھیا وڈی نیامت ہے،
پاتال تنوں لے کے آسمان تکّ سارے ہی اس دے آگیاکار ہن ۔۔97۔۔

(وارتک-98)
واہگورو جیو ست
واہگورو جیو حاضر ناظر
گورو تیغ بہادر سر توں پیراں تک وڈیانئیاں تے اچائیاں دا خزانہ ہے،
اتے اوہ ربّ دی شانو شوکت دی محفل دی رونق ودھاؤن والا ہے ۔۔99۔۔

سچ دیاں کرناں اس دے پوتر وجود صدقہ روشن ہن،
دوویں جہان اس دی مہر دی بخشش نال روشن ہن ۔۔100۔۔

ربّ نے سارے چونویں پتونتیاں وچوں اس نوں چنیا،
اس نے اس دا بھانا منن نوں سبھ توں چنگا انوبھوَ کیتا ۔۔101۔۔

اس دا رتبہ ساریاں پروان وڈیاں وچ اپار وڈا کیتا،
اتے اس نوں اپنی کرپا نال دوہاں جہاناں دا پوجنیک بنایا ۔۔102۔۔

سبھناں دا ہتھ اس دیاں بخششاں دے پلے تے ہے،
اس دا سچا بل گیان دے نور توں اچیرا ہے ۔۔103۔۔

(وارتک-104)
واہگورو جیو ست
واہگورو جیو حاضر ناظر

ناسرو منصور گر گوبند سنگھ
ایزدِ منظور گر گوبند سنگھ

(غریباں دا راکھا) گورو گوبند سنگھ—ربّ دی رکھیا وچ گورو گوبند سنگھ ۔
ربّ ولوں پروان گورو گوبند سنگھ ۔۔105۔۔

حق را گنجور گر گوبند سنگھ
جملہ فیزِ نور گر گوبند سنگھ

گورو گوبند سنگھ سچ دا خزانہ ہے،
گورو گوبند سنگھ سموہ نور دی مہر ہے ۔۔106۔۔

حق حق آگاہ گر گوبند سنگھ
شاہِ شہنشاہ گر گوبند سنگھ

گورو گوبند سنگھ سچ دے جانن ہاریاں لئی سچ ہے،
گورو گوبند سنگھ بادشاہاں دا بادشاہ ہے ۔۔107۔۔

بر دو عالم شاہ گر گوبند سنگھ
خصم را جاں-کاہ گر گوبند سنگھ

گورو گوبند سنگھ دوہاں جہاناں دا بادشاہ ہے،
گورو گوبند سنگھ دسمن دی جان نوں قبض کر لین والا ہے ۔۔108۔۔

فائزل انوار گر گوبند سنگھ
کاشپھل اسرار گر گوبند سنگھ

گورو گوبند سنگھ ربی نور دی بخشش کرن والا ہے
گورو گوبند سنگھ ربی رمزاں نوں کھولن والا ہے ۔۔109۔۔

آلمل استار گر گوبند سنگھ
ابرِ رحمت بار گر گوبند سنگھ

گورو گوبند سنگھ پردے وچ لکیاں گلاں دا گیان وان ہے،
گورو گوبند سنگھ بکھششاں ورساؤن والا بدل ہے ۔۔110۔۔

مکبلو مقبول گر گوبند سنگھ
واسلو موسول گر گوبند سنگھ

گورو گوبند سنگھ پروان اتے ہر-من پیارا ہے،
گورو گوبند سنگھ ربّ نال جڑیا ہویا ہے اتے جوڑن والا ہے ۔۔111۔۔

جاں-فروزِ دہر گر گوبند سنگھ
فیزِ حق را بحر گر گوبند سنگھ

گورو گوبند سنگھ زمانے نوں جان بخشن والا ہے،
گورو گوبند سنگھ ربّ دی مہر دا سمندر ہے ۔۔112۔۔

حق را محبوب گر گوبند سنگھ
تالبو مطلوب گر گوبند سنگھ

گورو گوبند سنگھ ربّ دا پیارا ہے،
گورو گوبند سنگھ ربّ دا طالب ہے تے لوکاں دا چہیتا ہے ۔۔113۔۔

تیغ را فتاح گر گوبند سنگھ
جانو دل را راہ گر گوبند سنگھ

گورو گوبند سنگھ تلوار دا دھنی ہے،
گورو گوبند سنگھ جان اتے دل لئی امرت ہے ۔۔114۔۔

صاحبُ اکلیل گر گوبند سنگھ
زبِ حق تزلیل گر گوبند سنگھ

گورو گوبند سنگھ تاجاں دا مالک ہے،
گورو گوبند سنگھ ربّ دے سائے دا پرچھاواں ہے ۔۔115۔۔

خازنِ ہر گنج گر گوبند سنگھ
برہمِ ہر رنج گر گوبند سنگھ

گورو گوبند سنگھ ہر خزانے دا خزانچی ہے
گورو گوبند سنگھ ہر دکھ درد نوں دور کرن والا ہے ۔۔116۔۔

داورِ آفاق گر گوبند سنگھ
در دو عالم تاک گر گوبند سنگھ

گورو گوبند سنگھ دوہاں جہاناں دا حاکم ہے،
دوہاں جہاناں وچ گورو گوبند سنگھ دے برابر دا ہور کوئی نہیں ہے ۔۔117۔۔

حق خود وسافِ گر گوبند سنگھ
بر تریں اؤسافِ گر گوبند سنگھ

ربّ آپ گورو گوبند سنگھ دا ڈھاڈی ہے،
گورو گوبند سنگھ سرووتم گناں دا دھارنی ہے ۔۔118۔۔

خاسگاں در پائِ گر گوبند سنگھ
کدسیاں با رائے گر گوبند سنگھ

ربّ دے خاص بندے گورو گوبند سنگھ دے چرناں وچ ہن،
ربّ دے پاک نکٹورتی گورو گوبند سنگھ دی آگیا وچ ہن ۔۔119۔۔

مقبلاں مداہِ گر گوبند سنگھ
جانو دل را راہ گر گوبند سنگھ

ربّ دے پروان بندے گورو گوبند سنگھ دے شلاگھاکار ہن،
جان اتے دل لئی گورو گوبند سنگھ (امان) بخشن والے ہن ۔۔120۔۔

لا-مکاں پا-بوسِ گر گوبند سنگھ
بر دو عالم کوسِ گر گوبند سنگھ

لامکان-اننت گورو گوبند سنگھ دے چرن چمدا ہے،
دوہاں جہاناں تے گورو گوبند سنگھ دا نگارا وجدا ہے ۔۔121۔۔

ثلث ہم مہکومِ گر گوبند سنگھ
ربء ہم مختومِ گر گوبند سنگھ

تنے لوک گورو گوبند سنگھ دی آگیا وچ ہن،
چارے کھانیاں گورو گوبند سنگھ دیاں مہربند ہن ۔۔122۔۔

سدس حلقہ بگوشِ گر گوبند سنگھ
دشمن-افگان جوشِ گر گوبند سنگھ

سارا جہان گورو گوبند سنگھ دا غلام ہے،
گورو گوبند سنگھ دا جوش دشمناں نوں مار مکؤن والا ہے ۔۔123۔۔

خالسو بے-کینہ گر گوبند سنگھ
حق حق آئینہ گر گوبند سنگھ

گورو گوبند سنگھ دل دا صاف اتے ویر بھاوَ توں خالی ہے،
گورو گوبند سنگھ آپ سچ ہے اتے سچ دا شیشہ ہے ۔۔124۔۔

حق حق اندیش گر گوبند سنگھ
بادشاہ درویش گر گوبند سنگھ

گورو گوبند سنگھ سچ دا سچا انوبھوی ہے،
درویش گورو گوبند سنگھ پاتشاہ ہے ۔۔125۔۔

مکرمل-فزال گر گوبند سنگھ
منئمل-متال گر گوبند سنگھ

گورو گوبند سنگھ بخششاں کرن والا ہے،
گورو گوبند سنگھ دولتاں تے نعمتاں دین والا ہے ۔۔126۔۔

کارملّ-کرام گر گوبند سنگھ
راہملّ-رہام گر گوبند سنگھ

گورو گوبند سنگھ سکھیاں دا وی سخی ہے،
گورو گوبند سنگھ رحم کرن والیاں لئی وی رحم ہے ۔۔127۔۔

نائمل-منام گر گوبند سنگھ
فاہمل-فہام گر گوبند سنگھ

گورو گوبند سنگھ نعمتاں دین والیاں نوں وی نعمتاں بخشدا ہے،
گورو گوبند سنگھ انبھویاں دا وی انوبھوی ہے ۔۔128۔۔

دائمو-پائندا گر گوبند سنگھ
فرخو فرخندا گر گوبند سنگھ

گورو گوبند سنگھ سدیوی تے ستھر رہن والا ہے،
گورو گوبند سنگھ نیک تے وڈے بھاگاں والا ہے ۔۔129۔۔

فیزِ سبحان زاتِ گر گوبند سنگھ
نورِ حق لمات گر گوبند سنگھ

گورو گوبند سنگھ سربشکتی مان واہگورو دی مہر ہے،
گورو گوبند سنگھ ربّ دے نور دی کرناں بھری روشنی ہے ۔۔130۔۔

سامانِ نامِ گر گوبند سنگھ
حق-بیں زِ انامِ گر گوبند سنگھ

گورو گوبند سنگھ دا نام سنن والے،
گورو گوبند سنگھ دی بخشش نال ربّ نوں ویکھن والے ہو جاندے ہن ۔۔131۔۔

واسفانِ زاتِ گر گوبند سنگھ
واصل از برکاتِ گر گوبند سنگھ

گورو گوبند سنگھ دی ذات دی صفت شلاگھا کرن والے،
گورو گوبند سنگھ دیاں برکتاں اتے بخششاں نوں پراپت کر لیندے ہن ۔۔132۔۔

راکمانِ وسفِ گر گوبند سنگھ
نامور از لتفِ گر گوبند سنگھ

گورو گوبند سنگھ دے گناں دے لکھنہارے،
گورو گوبند سنگھ دی کرپا اتے مہر نال ناموری پاؤندے ہن ۔۔133۔۔

نازرانِ روئ گر گوبند سنگھ
مستِ حق در کوئ گر گوبند سنگھ

گورو گوبند سنگھ دے مکھڑے دے درشن کرن والے،
گورو گوبند سنگھ دی گلی وچ اس دی پریتی وچ مست ہو جاندے ہن ۔۔134۔۔

خاک-بوسِ پائِ گر گوبند سنگھ
مقبل از آلائے گر گوبند سنگھ

گورو گوبند سنگھ دے چرناں دی دھوڑ نوں چمن والے،
گورو گوبند سنگھ دیاں نعمتاں کارن پروان ہو جاندے ہن ۔۔135۔۔

کادرِ ہر کار گر گوبند سنگھ
بیکساں-را یار گر گوبند سنگھ

گورو گوبند سنگھ ہر کارج دے سمرتھ ہن،
گورو گوبند سنگھ نیاسریاں دے آسرا ہن ۔۔136۔۔

ساجدو مسجود گر گوبند سنگھ
جملہ فیزو جود گر گوبند سنگھ

گورو گوبند سنگھ پجاری اتے پوجنیک ہن،
گورو گوبند سنگھ مہر اتے بخشش دا سروپ ہن ۔۔137۔۔

سروراں را تاج گر گوبند سنگھ
بر تریں معراج گر گوبند سنگھ

گورو گوبند سنگھ سرداراں دے تاج ہن،
ربّ پراپتی لئی گورو گوبند سنگھ سبھ توں چنگا وسیلہ (پوڑی) ہن ۔۔138۔۔

عشر کدسی رامِ گر گوبند سنگھ
واسفِ اکرام گر گوبند سنگھ

سارے پوتر فرشتے گورو گوبند سنگھ دے تابیا ہن،
اتے گورو گوبند سنگھ دیاں بخششاں دی صفت کرن والے ہن ۔۔139۔۔

امِ کدس بکارِ گر گوبند سنگھ
گاشیا بردارِ گر گوبند سنگھ

جگت دی پوتر جنم داتا گورو گوبند سنگھ دی سیوا وچ رہندی ہے،
اتے گورو گوبند سنگھ دی ٹہلن، سیوادار، ہے ۔۔140۔۔

قدر قدرت پیشِ گر گوبند سنگھ
انکیاد اندیشِ گر گوبند سنگھ

گورو گوبند سنگھ دے سامھنے قدرت دی کی قدر ہے ؟
اوہ وی گورو گوبند سنگھ دی بندگی وچ بدھی رہنا چاہندی ہے ۔۔141۔۔

تسء علوی خاکِ گر گوبند سنگھ
چاکرِ چالاکِ گر گوبند سنگھ

ستے آسمان گورو گوبند سنگھ دے چرناں دی دھوڑ ہن،
اتے گورو گوبند سنگھ دے چست چلاک چاکر ہن ۔۔142۔۔

تختِ بالا زیرِ گر گوبند سنگھ
لامکانِ سیر گر گوبند سنگھ

آکاش دا اچیرا تخت گورو گوبند سنگھ دے ہیٹھ ہے،
گورو گوبند سنگھ اننت وچ وچردے ہن ۔۔143۔۔

بر تر از ہر قدر گر گوبند سنگھ
جاودانی صدر گر گوبند سنگھ

گورو گوبند سنگھ دی قدر قیمت سبھ توں اچیری ہے،
گورو گوبند سنگھ ابناشی سنگھاسن دے مالک ہن ۔۔144۔۔

آلمے روشن زِ گر گوبند سنگھ
جانو دل گلشن زِ گر گوبند سنگھ

گورو گوبند سنگھ صدقہ ایہہ سنسار روشن ہے،
گر گوبند سنگھ صدقہ جان اتے دل گلزار ہے ۔۔145۔۔

روز افزوں جاہِ گر گوبند سنگھ
زیبِ تختو گاہِ گر گوبند سنگھ

گورو گوبند سنگھ دا مرتبہ دن دن ودھدا ہے،
گورو گوبند سنگھ تخت اتے استھان دی شوبھا ہن ۔۔146۔۔

مرشدُ-دارینِ گر گوبند سنگھ
بینشِ ہر این گر گوبند سنگھ

گورو گوبند سنگھ دوہاں جہاناں دے ستگورو ہن،
گورو گوبند سنگھ ہر اکھ دی روشنی ہن ۔۔147۔۔

جملہ در فرمانِ گر گوبند سنگھ
بر تر آمد شانِ گر گوبند سنگھ

سارا سنسار گورو گوبند سنگھ دے حکم وچ ہے،
گورو گوبند سنگھ دی سبھ توں وڈی شان ہے ۔۔148۔۔

ہر دو عالم خیلِ گر گوبند سنگھ
جملہ اندر زیلِ گر گوبند سنگھ

دوویں دنیاں گورو گوبند سنگھ دا قبیلہ ہن،
سارے لوک گورو گوبند سنگھ دا پلہ پھڑنہارے ہن ۔۔149۔۔

واہبو وہاب گر گوبند سنگھ
فاتہِ ہر باب گر گوبند سنگھ

گورو گوبند سنگھ بخششاں کرن والے سخی ہن،
گورو گوبند سنگھ ہر در دے کھولن ہارے (ہر تھاں دے وجئی ) ہن ۔۔150۔۔

شاملِ-ل-اشفاک گر گوبند سنگھ
کاملِ-ل-اخلاق گر گوبند سنگھ

گورو گوبند سنگھ مہراں نال بھرپور ہن،
گر گوبند سنگھ سداچار وچ پریپورن ہن ۔۔151۔۔

روح در ہر جسم گر گوبند سنگھ
نور در ہر چشم گر گوبند سنگھ

گورو گوبند سنگھ ہر سریر وچ دی روح ہن،
گورو گوبند سنگھ ہر اکھ وچلا نور ہن ۔۔152۔۔

جملہ روزی خارِ گر گوبند سنگھ
بیزِ حق امتار گر گوبند سنگھ

سارے ہی گورو گوبند سنگھ دے (در توں) روزی پراپت کرن والے ہن،
گورو گوبند سنگھ ربّ دی مہر دے بدل ورساؤن والے ہن ۔۔153۔۔

بستو ہفت گدائ گر گوبند سنگھ
ہفت ہم شیدائ گر گوبند سنگھ

ستائی (ولائتاں) گورو گوبند سنگھ دے بھکھاری ہن،
ستے سنسار گورو گوبند سنگھ توں قربان ہن ۔۔154۔۔

خاکہوبِ سرائ گر گوبند سنگھ
خمس وصف پیرائ گر گوبند سنگھ

پنجے اندرے گورو گوبند سنگھ دے گناں نوں شوبھا دین والے ہن،
اتے گورو گوبند سنگھ دے محلاں دے جھاڑو-بردار ہن ۔۔155۔۔

بر دو عالم دستِ گر گوبند سنگھ
جملہ علوی پستِ گر گوبند سنگھ

دوہاں جہاناں اتے گورو گوبند سنگھ (دی مہر) دا ہتھ ہے،
سارے فرشتے اتے دیوتے گورو گوبند سنگھ سامھنے تچھّ ہن ۔۔156۔۔

لعل سگے گلامِ گر گوبند سنگھ
داغدارِ نامِ گر گوبند سنگھ

(نند) لال گورو گوبند سنگھ (دے در) دا اک غلام کوکر ہے،
اوہ گورو گوبند سنگھ دے نام دے داغ والا ہے ۔۔157۔۔

کمتریں زِ سگانِ گر گوبند سنگھ
ریزا-چینِ خوانِ گر گوبند سنگھ

اوہ گورو گوبند سنگھ دے کتیاں توں وی نیچ ہے،
اوہ گورو گوبند سنگھ دے دسترخوان توں بھورے چگن والا ہے ۔۔158۔۔

سائل از انامِ گر گوبند سنگھ
خاکِ پاک اکدامِ گر گوبند سنگھ

ایہہ (داس) گورو گوبند سنگھ دے چرناں دی پوتر دھوڑی دی بخشش دا جاچک ہے ۔۔159۔۔

بعد جانش فدائ گر گوبند سنگھ
فرکِ ؤ بر پائِ گر گوبند سنگھ

(ربّ کرے) اس (نند لال) دی جان گورو گوبند سنگھ توں قربان ہووے،
(ربّ کرے) اس دا سیس گر گوبند سنگھ دے چرناں تے ٹکیا رہے ۔۔160۔۔