عرض-ال-الفاز بھائی نند لال گویا-ترجماکار گنڈا سنگھ

عرض-ال-الفاز

ہزاراں جس اتے ہزاراں شکر ہن
اس پاک پوتر اتے نربھی منصف دی درگاہ دے،
جس نے اس 'ارزل-الفاز' نوں سمپورن کیتا
اتے بھاواں نال اس دے مکھڑے نوں سورج وت چمکا دتا ۔۔1-2۔۔

ہر شبد انیکاں ارتھ اتپن ہوئے،
جہڑے پرانے اتے نویں کوشاں وچ ملدے ہن ۔
ایہہ اجیہے ضابطے ہن جنہاں دا پرسار
دبّ درشٹی والے ودواناں دے مونہوں ہویا ۔۔3-4۔۔

'قاف' دیاں کہڑیاں کہڑیاں قسماں ہن، 'یہ' کنی پرکار دی ہندی ہے ؟
جاں 'ہرفِ-زار' کہڑے ہن اتے 'تے' دے ناؤں کہڑے ہن ؟5۔۔

اس (پستک) وچ ساودھانی نال دیوی، حسابی اتے
بھوتکی ارتھاں والے شبد درج کیتے ہن ۔۔6۔۔

'علم' دیاں کہڑیاں چھ قسماں ہن تے حکمت دیاں کہڑیاں دو ؟
پھر اوہناں دوواں وچوں ہر اک دے تنّ تنّ ناؤں ہو گئے ۔۔7۔۔

ہن لفظاں دے بہو-وچن اتے بہوچنی بہووچن (تاں بتھیرے ہن)،
اس پستک دے آرنبھ کرن لئی ایہہ تما توں خالی ہن ۔۔8۔۔

اجیہا ورنن جے کیتا جاوے تاں ایہہ نیک کم ہے،
کیونکہ ہر کم اتے ہر کم دی مدد اس اکال پرکھ ولوں ہی ہے ۔۔9۔۔

اس لئی چنگا ایہی ہے کہ اس پستک دا آرنبھ سرشٹی
دے رچنہارے ربّ دے شکر نال کیتا جاوے ۔۔10۔۔

شکر ہے اس ربّ دا جہڑا دیالو ہے، کرپالو ہے،
شکر ہے اس ربّ دا جو پراچین ہے اتے جس دا نام اچا ہے ۔۔11۔۔

شکر ہے اس ربّ دا جہڑا اکو اک ہے، پوتر ہے، جلال والا ہے ۔
شکر ہے اس ربّ دا جہڑا عامَ بخششاں کرن والا اتے نعمتاں دین والا ہے ۔۔12۔۔

اوہ کرتا قادر کریم سبھ دی پناہ ہے ۔
اوہ پروردگار دوہاں دھراں دا دروازہ ہے ۔۔13۔۔

اوہ عزتاں اتے ستکاراں یوگ اتے پرء-سیانا ہے،
اوہ پوترتا وچ اچا اتے نمرتا سہت شکتی شالی ہے ۔۔14۔۔

اوہ رزکاں دا مالک اتے رزکاں دا داتا ہے ۔
اس نے تارے اتے آسمان ظاہر (پیدا) کیتے ہن ۔۔15۔۔

اوہ اکو اک ہے، اس دا کوئی شریک نہیں ہے ۔ اوہ کسے دا متھاج نہیں ہے ۔ اوہ سخاوت وچ وڈا ہے، اس دے نال دا ہور کوئی نہیں ہے ۔۔16۔۔

………………………………………………………
اوہ سدا قایم رہن والا اتے امر ہے،
اوہ ہمیشاں ستھر رہن والا اتے ابناشی ہے ۔۔1328۔۔

اوہ کتھنی، حالتاں اتے دل دا مالک ہے،
اوہ خوشیاں، عقلاں اتے عزتاں دا مالک ہے ۔۔1329۔۔

اوہ پاتشاہی اتے خوش حالی دا مالک ہے،
اوہ خوشی اتے منورنجن دا مالک ہے ۔۔1330۔۔

اوہ ایک وی ہے اتے انیک وی،
اوہ کھوج دا مالک وی ہے اتے نور دا وی ۔۔1331۔۔

اوہ اکھراں دا وی مالک ہے اتے وستھار دا وی،
اوہ ناواں دا وی مالک ہے اتے اکھاں دی روشنی دا وی ۔۔1332۔۔

اوہ کرنی، کتھنی اتے کہنی دا وی مالک ہے ۔
اوہ سنکھیپ دا وی اتے وستھار دا وی مالک ہے ۔۔1333۔۔

اوہ چارے درجے بخشن والا ہے،
اوہ اٹھاراں ملکھاں دا مالک ہے ۔۔1334۔۔

اوہ سدا قایم اتے ثابت رہن والا ہے،
اوہ امر ذات دا مالک ہے ۔۔1335۔۔

اوہ بھگتی اتے ارداس دا مالک ہے،
اوہ چربی ہڈیاں اتے بھیجے دا مالک ہے ۔۔1336۔۔

اوہ روزی دین والا اتے اکو اک وکیل ہے،
اوہ سارے کماں دا ضامن ہے ۔۔1337۔۔

اوہ نعمتاں اتے بخششاں دین والا ہے،
اوہ وڈیائیاں اتے نیکیاں بخشن والا ہے ۔۔1338۔۔

اوہ شکتی اتے صفائی دین والا ہے،
اوہ سبھ سداچار اتے پوترتا دین والا ہے ۔۔1339۔۔

اوہ کھان پین دیاں وستواں دین والا ہے،
اوہ سندرتا اتے روپ دا مالک ہے ۔۔1340۔۔

اوہ سرداری اتے وڈیائی دا مالک ہے،
اوہ وستھار اتے پسار دا مالک ہے ۔۔1341۔۔

اوہ بخشش اتے سخاوت دا مالک ہے،
اوہ سارے روگاں دا حکیم ہے ۔۔1342۔۔

اوہ ٹکا لاؤن والا دھرم اتے جنیؤُ دا مالک ہے ۔
اوہ دساں اوتاراں دے بھگتاں دا ساتھی ہے ۔۔1343۔۔

اوہ رام ہے، گوپال ہے اتے گوبند ہے،
اوہ اکال پرکھ ہے اتے وڈیائیاں اتے بخششاں دا مالک ہے ۔۔1344۔۔

اوہ ستگورو ہے، اوہ نرنکار ہے،
اوہ سادھ سنگت دا متر اتے یار ہے ۔۔1345۔۔

ربّ کرے ! نند لال دا سیس سدا اس دے چرناں توں واری جاوے،
ربّ کرے ! اس نوں سدا جان اتے دل دا سرمایہ ملدا رہے ۔۔1346۔۔

سمپورن ہوئی پستک ارزل-الفاز کرت منشی نند لال گویا ملتانی