Surjit Sakhi

ਸੁਰਜੀਤ ਸਖੀ

ਜੰਮੂ ਕਸ਼ਮੀਰ ‘ਚ ਲੰਮਾ ਸਮਾਂ ਗੁਜ਼ਾਰ ਕੇ ਸੈਨ ਹੌਜ਼ੇ (ਕੈਲੇਫੋਰਨੀਆ) ਅਮਰੀਕੀ ਚ ਪਿਛਲੇ ਦੋ ਦਹਾਕਿਆਂ ਤੋਂ ਵੱਸਦੀ ਪੰਜਾਬੀ ਕਵਿੱਤਰੀ ਸੁਰਜੀਤ ਸਖੀ ਦੇ ਵੱਡੇ ਵਡੇਰੇ ਦੇਸ਼ ਵੰਡ ਵੇਲੇ ਰਾਵੀ ਪਾਰੋਂ ਉੱਜੜ ਕੇ ਆਏ ਸਨ। ਅੰਬਾਲਾ ਜ਼ਿਲ੍ਹੇ ਦੇ ਪਿੰਡ ਨਾਗਲ ਵਿੱਚ ਮਾਤਾ ਸ਼ਾਂਤੀ ਦੇਵੀ ਦੀ ਕੁੱਖੋਂ ਸ:,ਬਲਦੇਵ ਸਿੰਘ ਹਰਨਾਲ ਦੇ ਘਰ 28 ਸਤੰਬਰ 1948 ਨੂੰ ਸੁਰਜੀਤ ਸਖੀ ਪੈਦਾ ਹੋਈ। ਗਰੈਜੂਏਸ਼ਨ ਤੀਕ ਪੜ੍ਹਾਈ ਕੀਤੀ।

ਕਾਵਿ ਸੰਗ੍ਰਹਿ ਕਿਰਨਾਂ(1979)ਅੰਗੂਠੇ ਦਾ ਨਿਸ਼ਾਨ(1985) ਜਵਾਬੀ ਖ਼ਤ (1989)ਮੈਂ ਸਿਕੰਦਰ ਨਹੀਂ(2001) ਤੇ ਧੁੰਦ ਤੋਂ ਇਲਾਵਾ ਹਿੰਦੀ ਚ ਇੱਕ ਪੁਸਤਕ ਯੇ ਉਨ ਦਿਨੋਂ ਕੀ ਬਾਤ ਹੈ ਛਪ ਚੁਕੀਆਂ ਹਨ। ਸੁਰਜੀਤ ਸਖੀ ਵਰਤਮਾਨ ਸਮੇਂ ਪੰਜਾਬੀ ਕਵੀਆਂ ਬਾਰੇ ਰਚਨਾ ਆਧਾਰਿਤ ਰੇਖਾ ਚਿਤਰ ਲਿਖਣ ਚ ਰੁੱਝੀ ਹੋਈ ਹੈ। ਸੁਰਜੀਤ ਪਾਤਰ, ਗੁਰਭਜਨ ਗਿੱਲ, ਸੁਖਵਿੰਦਰ ਕੰਬੋਜ਼, ਕੁਲਵਿੰਦਰ ਤੇ ਸੁਰਿੰਦਰ ਸੀਰਤ ਬਾਰੇ ਉਹ ਲਿਖ ਰਹੀ ਹੈ । ਸੁਜਿੰਦ ਵਾਰਤਕ ਦੀ ਸਿਰਜਣਹਾਰੀ ਸੁਰਜੀਤ ਸਖੀ ਨਿਵੇਕਲੇ ਅੰਦਾਜ਼ ਵਾਲੀ ਗ਼ਜ਼ਲ ਤੇ ਕਵਿਤਾ ਲਿਖਦੀ ਹੈ।