ਗੁਰਵਿੰਦਰ ਚਾਕ

Gurwinder Chaak

ਗੁਰਵਿੰਦਰ ਸਿੰਘ ਜੌਹਲ ਪੰਜਾਬੀ ਦੇ ਨਾਮਵਰ ਕਵੀ ਹਨ। ਇਹਨਾਂ ਦਾ ਤਖ਼ੱਲਸ ਚਾਕ ਹੈ। ਇਹ ਕਾਵਿ ਜਗਤ ਵਿੱਚ ਗੁਰਵਿੰਦਰ ਚਾਕ ਦੇ ਨਾਂ ਨਾਲ ਜਾਣੇ ਜਾਂਦੇ ਹਨ।

ਇهਨਾਂ ਦਾ ਜਨਮ ਸ. ਗੁਰਮੀਤ ਸਿੰਘ ਜੀ ਦੇ ਘਰ ਪਿੰਡ ਵਡਾਲਾ ਜੌਹਲ ਵਿਖੇ ਹੋਿਆ। ਇਹਨਾਂ ਦੇ ਰੋਮ-ਰੋਮ ਵਿੱਚ ਪਿੰਡ ਵਸਿਆ ਹੋਇਆ ਹੈ। ਇਹਨਾਂ ਨੇ ਮੁੱਢਲੀ ਸਿੱਖਿਆ ਪਿੰਡ ਤੋਂ ਹੀ ਪ੍ਰਾਪਤ ਕੀਤੀ।

ਬਚਪਨ ਤੋਂ ਹੀ ਇਹਨਾਂ ਦੀ ਰੁਚੀ ਕਵਿਤਾ ਲਿਖਣ ਵੱਲ ਸੀ। ਨੌਵੀਂ ਜਮਾਤ ਵਿੱਚ ਪੜ੍ਹਦਿਆਂ ਹੀ ਇਹਨਾਂ ਕਵਿਤਾ ਲਿਖਣੀ ਸ਼ੁਰੂ ਕਰ ਦਿੱਤੀ। ਬੀ.ਏ. ਦੀ ਪੜ੍ਹਾਈ ਕਰਨ ਤੱਕ ਇਹਨਾਂ ਕਾਵਿ ਰਚਨਾ ਜਾਰੀ ਰੱਖੀ। ਪੇਸ਼ੇ ਵਜੋਂ ਇਹ ਪੀ.ਸੀ.ਐਸ. ਅਫ਼ਸਰ ਹਨ। ਇਹ ਪੰਜਾਬ ਦੇ ਵੱਖ-ਵੱਖ ਜ਼ਿਲ੍ਹਿਆਂ ਵਿੱਚ ਸੇਵਾ ਨਿਭਾ ਚੁੱਕੇ ਹਨ।

ਇਹਨਾਂ ਦੀ ਇੱਕ ਕਵਿਤਾ "ਵੰਡ" ਨੇ ਇਹਨਾਂ ਨੂੰ ਪੰਜਾਬ ਭਰ ਵਿੱਚ ਹੀ ਨਹੀਂ ਸਗੋਂ ਦੇਸ਼-ਵਿਦੇਸ਼ ਵਿੱਚ ਮਸ਼ਹੂਰ ਕਰ ਦਿੱਤਾ। ਇੱਕ ਪ੍ਰੋਗਰਾਮ ਦੌਰਾਨ ਇਸ ਕਵਿਤਾ ਦੀ ਵੀਡੀਓ ਨੂੰ ਤਿੰਨ ਦਿਨ ਵਿੱਚ ਇੱਕ ਲੱਖ ਵਿਊ ਮਿਲੇ। ਇਹ ਆਪਣੇ ਆਪ ਵਿੱਚ ਇੱਕ ਰਿਕਾਰਡ ਹੈ।

ਇਹਨਾਂ ਦੀਆਂ ਕਵਿਤਾਵਾਂ ਤੇ ਗ਼ਜ਼ਲਾਂ ਵੱਖ-ਵੱਖ ਰਸਾਲਿਆਂ ਵਿੱਚ ਛਪਦੀਆਂ ਰਹਿੰਦੀਆਂ ਹਨ। ਇਹਨਾਂ ਦੀਆਂ ਕਵਿਤਾਵਾਂ ਸੋਸ਼ਲ ਮੀਡੀਆ ‘ਤੇ ਬਹੁਤ ਮਸ਼ਹੂਰ ਹਨ।

ਇਹਨਾਂ ਦੀ ਕਵਿਤਾ ਦੀ ਖ਼ਾਸੀਅਤ ਇਹ ਹੈ ਕਿ ਇਸ ਵਿੱਚ ਤੁਹਾਨੂੰ ਪੰਜਾਬੀ ਦਾ ਠੇਠ ਰੂਪ ਮਿਲਦਾ ਹੈ। ਪੇਂਡੂ ਜੀਵਨ ਤੇ ਕਿਸਾਨੀ ਨਾਲ ਵਾਬਸਤਾ ਸ਼ਬਦ ਇਹਨਾਂ ਦੀ ਭਾਸ਼ਾ ਦੀ ਖ਼ੂਬਸੂਰਤੀ ਹੈ।

ਇਹਨਾਂ ਦਾ ਸ਼ੌਕ ਪੜ੍ਹਨਾ, ਲਿਖਣਾ ਤੇ ਘੁੰਮਣਾ ਹੈ। ਸ਼ਾਇਦ ਇਹ ਹੀ ਕਾਰਨ ਹੈ ਕਿ ਇਹਨਾਂ ਦੀ ਕਵਿਤਾ ਤੇ ਗ਼ਜ਼ਲ ਪੰਜਾਬ ਤੇ ਪ੍ਰਵਾਸੀ ਪੰਜਾਬੀਆਂ ਦੇ ਦਿਲ ਦੀ ਗੱਲ ਕਰਦੀ ਹੈ।

ਅੱਜਕל੍ਹ ਇਹ ਪਰਿਵਾਰ ਨਾਲ ਚੰਡੀਗੜ੍ਹ ਵਿਖੇ ਰਹਿ ਰਹੇ ਹਨ। ਪੁਆਧ ਵਿੱਚ ਰਿਹੰਦਿਆਂ ਵੀ ਇਹਨਾਂ ਦੀ ਬੋਲੀ ਠੇਠ ਮਾਝੇ ਦੀ ਹੈ। - ਹਰਪ੍ਰੀਤ ਕੌਰ ਸੰਧੂ