Gurinder Kaur Gill ਗੁਰਿੰਦਰ ਕੌਰ ਗਿੱਲ

ਮਲੇਸ਼ੀਆ ਵਿੱਚ ਵੱਸਦੀ ਹਿੰਦੀ ਤੇ ਪੰਜਾਬੀ ਕਵਿੱਤਰੀ ਗੁਰਿੰਦਰ ਕੌਰ ਗਿੱਲ ਦਾ ਜਨਮ 15 ਮਈ 1958 ਨੂੰ ਅੰਮ੍ਰਿਤਸਰ ਵਿੱਚ ਹੋਇਆ। ਸਮਾਜਿਕ ਕਾਰਜਕਰਤਾ, ਲੇਖਿਕਾ ਤੇ ਕਵਿੱਤਰੀ ਵਜੋਂ ਜਾਣੀ-ਪਛਾਣੀ ਸ਼ਖ਼ਸੀਅਤ ਗੁਰਿੰਦਰ ਐੱਮ.ਏ., ਐੱਲ.ਐੱਲ.ਬੀ. ਪਾਸ ਹੈ। ਮਲੇਸ਼ੀਆ ਵਿੱਚ ਵੱਸਣ ਦੇ ਨਾਲ-ਨਾਲ ਉਹ ਹੁਣ ਸਾਲ ਵਿੱਚ ਕਈ ਮਹੀਨੇ ਨਵੀਂ ਦਿੱਲੀ ਵਿੱਚ ਵੀ ਰਹਿੰਦੀ ਹੈ।

ਹਿੰਦੀ ਵਿੱਚ ਉਸ ਦੀਆਂ ਕਾਵਿ ਪੁਸਤਕਾਂ ਵਿੱਚੋਂ ਪਹਿਲੀ ‘ਰਾਜ਼ ਏ ਦਿਲ’ 2013 ਵਿੱਚ ਛਪੀ। 2014 ਵਿੱਚ ‘ਨਗਮਾ ਏ ਜ਼ਿੰਦਗੀ’, 2015 ਵਿੱਚ ‘ਕਰਮ ਫਰਮਾਈ’ ਤੇ ‘ਸ਼ਬਦੋਂ ਕਾ ਸਫ਼ਰ’, 2016 ਵਿੱਚ ‘ਸੀਪੀਆਂ ਅਹਿਸਾਸ ਕੀ’, 2017 ਵਿੱਚ ‘ਅਧਬੁਣੇ ਅਲਫ਼ਾਜ਼’ ਛਪੀਆਂ। ਪੰਜਾਬੀ ਵਿੱਚ ਉਸਦੀ ਇੱਕੋ ਕਾਵਿ ਪੁਸਤਕ ‘ਉਲ਼ਝੇ-ਸੁਲ਼ਝੇ ਅੱਖਰ’ ਛਪੀ ਹੈ ਅਤੇ ਦੂਸਰੇ ਕਾਵਿ ਸੰਗ੍ਰਹਿ ‘ਫ਼ਕੀਰੀ ਰਮਜ਼ਾਂ’ ਦੀ ਉਡੀਕ ਹੈ। ਕਈ ਸੰਸਥਾਵਾਂ ਨਾਲ ਸਬੰਧਿਤ ਇਹ ਕਵਿੱਤਰੀ ਦੇਸ਼-ਵਿਦੇਸ਼ ਦੀਆਂ ਕਈ ਸੰਸਥਾਵਾਂ ਵੱਲੋਂ ਸਨਮਾਨਿਤ ਹੋ ਚੁੱਕੀ ਹੈ।

- ਗੁਰਭਜਨ ਗਿੱਲ