Dushyant Kumar ਦੁਸ਼ਯੰਤ ਕੁਮਾਰ

ਦੁਸ਼ਯੰਤ ਕੁਮਾਰ (ਸਿਤੰਬਰ ੨੭, ੧੯੩੧ - ਦਿਸੰਬਰ ੩੧, ੧੯੭੫) ਦਾ ਜਨਮ ਉੱਤਰ ਪ੍ਰਦੇਸ਼ ਦੇ ਬਿਜਨੌਰ ਜ਼ਿਲ੍ਹੇ ਦੇ ਨਵਾਦਾ ਪਿੰਡ ਵਿੱਚ ਹੋਇਆ। ਉਨ੍ਹਾਂ ਨੇ ਐਮ.ਏ. ਹਿੰਦੀ ਤੱਕ ਦੀ ਪੜ੍ਹਾਈ ਅਲਾਹਾਬਾਦ ਤੋਂ ਕੀਤੀ। ਉਨ੍ਹਾਂ ਨੇ ਬਹੁਤ ਸਾਰੀਆਂ ਕਵਿਤਾਵਾਂ, ਨਾਟਕ, ਲਘੂ ਕਹਾਣੀਆਂ, ਨਾਵਲ ਅਤੇ ਗ਼ਜ਼ਲਾਂ ਲਿਖੀਆਂ। ਉਨ੍ਹਾਂ ਨੂੰ ਸਭ ਤੋਂ ਵੱਧ ਉਨ੍ਹਾਂ ਦੇ ਗ਼ਜ਼ਲ-ਸੰਗ੍ਰਹਿ 'ਸਾਯੇ ਮੇਂ ਧੂਪ' ਕਰਕੇ ਜਾਣਿਆ ਜਾਂਦਾ ਹੈ। ਉਨ੍ਹਾਂ ਦੀਆਂ ਹੋਰ ਕਾਵਿਕ ਰਚਨਾਵਾਂ ਹਨ: ਪਹਿਲੀ ਪਹਿਚਾਨ, ਸੂਰਯਾ ਕਾ ਸਵਾਗਤ, ਆਵਾਜ਼ੋਂ ਕੇ ਘੇਰੇ ਅਤੇ ਜਲਤੇ ਹੁਯੇ ਵਨ ਕਾ ਵਸੰਤ। ਉਹ ਆਮ ਜਨਤਾ ਦਾ ਕਵੀ ਹੈ ਅਤੇ ਉਨ੍ਹਾਂ ਦੀ ਕਵਿਤਾ ਸਮਾਜ ਵਾਸਤੇ ਕੌੜੀ ਦਵਾਈ ਦੀ ਤਰ੍ਹਾਂ ਹੈ। ਉਨ੍ਹਾਂ ਦੀ ਬੋਲੀ ਸੁਖੈਨ ਪਰ ਅਰਥ-ਭਰਪੂਰ ਹੈ। ਉਹ ਲੋਕਾਂ ਦੀ ਅਗਿਆਨਤਾ, ਡਰਪੋਕਤਾ, ਡਰ ਅਤੇ ਦੁੱਖਾਂ ਦੀ ਗੱਲ ਕਰਦਾ ਹੋਇਆ ਵੀ ਆਸ਼ਾਵਾਦੀ ਬਣਿਆ ਰਹਿੰਦਾ ਹੈ। ਉਹ ਕਈ ਨਵੇਂ ਕਵੀਆਂ ਲਈ ਵੀ ਪ੍ਰੇਰਨਾ-ਸ੍ਰੋਤ ਹਨ।