Bharat Sapoot Sohan Lal Muflis Yar

بھارت سپوت سوہن لال 'مپھلس یار'

پیارے وطن ولے لو لائی نے

پیارے وطن ولے لو لائی نے ۔
سخت بھکھ ہڑتال مچائی نے ۔

پہلاں ربّ دا نام دھیا کے ۔
دساں حالَ سارا میں سنا کے ۔
مینوں دین جے کرشن دانائی نے ۔
پیارے وطن ولے لو لائی نے ۔

سر دیونے لئی تیار نے ۔
پیارے وطن والے غم-خوار نے ۔
کردے ملک دے نال وفائی نے ۔
پیارے وطن ولے لو لائی نے ۔

ناہیں پینودے تے ناہیں کھانودے ۔
پئے کشٹ تے کشٹ اٹھانودے ۔
نال جیل دے پریت لگائی نے ۔
پیارے وطن ولے لو لائی نے ۔

ننگی سوئی رہے سی ایہہ لباس جی ۔
تویں سیوَ کمانودے داس جی ۔
کردے پریم والی پئی کمائی نے ۔
پیارے وطن ولے لو لائی نے ۔

فکر اپنی نہیں اوہ چانہودے ۔
جان وطن توں گھول گھمانودے ۔
پنڈ بھار والی سر 'تے چائی نے ۔
پیارے وطن ولے لو لائی نے ۔

مشکل لہر آزادی اچاردے ۔
اچی لوک نے سبھ پکاردے ۔
بیڑی پریم والی ایہہ چلائی نے ۔
پیارے وطن ولے لو لائی نے ۔

دتے تنّ مہینے گزار جی ۔
رہے تشیاں تے نراہار جی ۔
جند ذرا وی نہیں ڈلائی نے ۔
پیارے وطن ولے لو لائی نے ۔

'زندہ باد انقلاب' نوں بولدے ۔
'کنّ-کھڑکیاں' نوں پئے کھولھدے ۔
جدوں زور دی کوک سنائی نے ۔
پیارے وطن ولے لو لائی نے ۔

بھگت سنگھ تے دتّ مہاراج جی ۔
لیا پہن شہیدی دا تاج جی ۔
کردے وطن والی راہ-نمائی نے ۔
پیارے وطن ولے لو لائی نے ۔

انقلاب والی اٹھی لہر جی ۔
ویر ہور وی پانودے پیر جی ۔
انّ پانی ولوں قسم کھائی نے ۔
پیارے وطن ولے لو لائی نے ۔

کمل ناتھ تے اجے کمار جی ۔
شو ورما تے داس دلدار جی ۔
جےَ دیوَ وی نال ہمراہی نے ۔
پیارے وطن ولے لو لائی نے ۔

ہوئے شہیدیاں دے محرم راز جی ۔
دیندے سر والی پئے نیاز جی ۔
دیہہ کانیاں وانگ سکائی نے ۔
پیارے وطن ولے لو لائی نے ۔

بھارت ماتا دے جندا-دل لال جی ۔
پھر گئے آن جد نونہال جی ۔
لہر دھرم دی چا چمکائی نے ۔
پیارے وطن ولے لو لائی نے ۔

ہویا جیل اندر جد پرویش جی ۔
ہویا ملک تائیں اپدیش جی ۔
نال ہور وی جماعت منگائی نے ۔
پیارے وطن ولے لو لائی نے ۔

یاراں لئی اے آن پناہ جی ۔
چھڈّ موہ نوں ہوئے ہم راہ جی ۔
دیوی آزادی آ دھیائی نے ۔
پیارے وطن ولے لو لائی نے ۔

انقلاب نشان جھلایا ۔
کوک اچی ایہہ بول سنایا ۔
اس دے وچ ہی ہے بھلیائی نے ۔
پیارے وطن ولے لو لائی نے ۔

مونہوں آکھدے جاوے بھاویں جان جی ۔
ایپر رہِ جائے ساڈی آن جی ۔
نت ایہو پرپکّ پکائی نے ۔
پیارے وطن ولے لو لائی نے ۔

پریتم صدق ولوں نہیں ہاردے ۔
دکھ کٹدے نال پیاردے ۔
پیارے ہمت ڈاڈھی ایہہ وکھائی نے ۔
پیارے وطن ولے لو لائی نے ۔

کرن سکھاں تھیں پرہیز جی ۔
جان اپنی دا نہیں گریز جی ۔
دل جان تھیں ہوئے پھدائی نے ۔
پیارے وطن ولے لو لائی نے ۔

لکھتِ-جگر اوہ شہیداں دے نال دے ۔
جہڑے دھرم شہیدی دا پالدے ۔
پدوی اٹلّ شہیدی دی پائی نے ۔
پیارے وطن ولے لو لائی نے ۔

سچے ملک والے غم-خوار جی ۔
دتی چوٹ نگارے 'تے مار جی ۔
ستی ہوئی خلق جگائی نے ۔
پیارے وطن ولے لو لائی نے ۔

تپی تپ کردے بے شمار جی ۔
بیڑا ہند والا ہوسی پار جی ۔
پھڑی آپ کرتار کلائی نے ۔
پیارے وطن ولے لو لائی نے ۔

ہیرو وطن دے مونہوں پھرمانودے ۔
وقت قیمتی کیوں ہو گمانودے ۔
اچی بول کہندے ملک تائیں نے ۔
پیارے وطن ولے لو لائی نے ۔

ملکے ہند دی سبھ اکوام جی ۔
بھر پیو آزادی دا جام جی ۔
نہر پریم دی چا وگائی نے ۔
پیارے وطن ولے لو لائی نے ۔

دیوی لین آزادی دی پا جی ۔
گھور تپ دی تاب وکھا جی ۔
بازی سر والی چکّ لائی نے ۔
پیارے وطن ولے لو لائی نے ۔

اسیں فاقیاں نال کمزور جی ۔
تساں عیش اتے پایا زور جی ۔
بوٹ سوٹ تے لا نکٹائی نے ۔
پیارے وطن ولے لو لائی نے ۔

ویرو ! تدھّ نوں نہیں خیال ہے ۔
کیسا ایہناں شہیداں دا حالَ ہے ۔
جہڑے جیل اندر دکھدائی نے ۔
پیارے وطن ولے لو لائی نے ۔

قاصر ہوئی ایہہ قلم لکھندیاں ۔
'مپھلس یار' بےحال ہے کہندیاں ۔
سوہن لال دی عقل چکرائی نے ۔
پیارے وطن ولے لو لائی نے ۔

سخت بھکھ ہڑتال مچائی نے ۔
پیارے وطن ولے لو لائی نے ۔

واک کوی

بھگت سنگھ تے دتّ مہاراج دا جی
قصہ جوڑیا نال پیار بھائیؤ ۔
ہتھیں موت والا بدھا گانڑا نے
سر دیونے لئی تیار بھائیؤ ۔
کہنے بھاگ سنگھ دے قصہ جوڑیا میں
جو ہے رامکیاں دا زمیدار بھائیؤ ۔
جے کوئی غلطی غریب تھیں ہوئی ہووے
مینوں بخش دینا بخشنہار بھائیؤ ۔
نہیں شاعراں دے وانگ ہے عقل میری
ایپر عقل تھیں ہاں گوار بھائیؤ ۔
سوہن لال وڈالے دے رہن والا
قوم کھتری اے 'مپھلس یار' بھائیؤ ۔

(اگست 1929)