وگدی اے راوی، ماہی وے، وچ پین اچھالے، ڈھولا
لوکاں پھڑ لئے، ماہی وے، ہن الٹے چالے، ڈھولا
بھائیاں بھائیاں، ماہی وے، وچ پیا دوپھیڑا، ڈھولا
ویر نہ گھر گھر، ماہی وے، کوئی جیہا نہ وہڑھا، ڈھولا
آپوڑتاں، ماہی وے، ہن رہا نہ کائی، ڈھولا
نویاں پوچاں، ماہی وے، گلّ سگوں گوائی، ڈھولا
اپنی بولی، ماہی وے، کوئی بول نہ جانے، ڈھولا
سواد نہ لگدے، ماہی وے، ورتار پرانے، ڈھولا
ٹھاٹھ قدیمی، ماہی وے، ہوئے ڈھے ڈھیری، ڈھولا
نویں پنیری، ماہی وے، ہن شان ودھیری، ڈھولا
سجے اراکی، ماہی وے، پا چھٹّ پلانے، ڈھولا
چال بیتالی، ماہی وے، دل منوہانے، ڈھولا
کہن جوانی، ماہی وے، ہن زور دھنگانے، ڈھولا
نہ اوہ سونچی، ماہی وے، نہ بگدر چانے، ڈھولا
نویں پڑھاکو، ماہی وے، کیہا چھیل چھبیلے ! ڈھولا
اکھیں اینک، ماہی وے، رنگ ساوے پیلے، ڈھولا
باہواں تیلے، ماہی وے، گلھاں وچ ٹوئے، ڈھولا
ساہ ست ہے نہیں، ماہی وے، پر بول نروئے، ڈھولا
پت گٹھ-مٹھیئے، ماہی وے، ہن جمن ماواں، ڈھولا
سکھیئے بھوگن، ماہی وے، موٹھاں دیاں چھاواں، ڈھولا
ہتھ ہلا کے، ماہی وے، کس برکی لینی، ڈھولا
سدا متھاجی، ماہی وے، گلّ بھیڑی-اینی، ڈھولا
ہری سنگھ نلوئے، ماہی وے، سن محکم چندہ، ڈھولا
دسے نہ مینوں، ماہی وے، تیرے جیہا بندہ، ڈھولا
لہنا سنگھا ! ماہی وے، توں کلاں بنائیاں، ڈھولا
کتھے گئیاں، ماہی وے، اوہ عقل دنائیاں، ڈھولا
الٰہی بخشا ! ماہی وے، تیری جرنیلی، ڈھولا
ہائے ! میری قسمت، ماہی وے، کیوں ہو گئی میلی، ڈھولا ؟
گئیاں ہمتاں، ماہی وے، تے ہمتاں والے، ڈھولا
نہ اوہ شکلاں، ماہی وے، نہ شکلاں والے، ڈھولا۔

وطن دا پیار جیون ہے، وطن تریہ کرم ہے اپنا ۔
وطن لئی جان دے دینا، بس اکو دھرم ہے اپنا ۔

ڈھنڈورا دے دیو ہر تھاں، وطن دیاں سرفروشاں نوں،
آؤ لے لؤ ستنترتا، بازار ہن گرم ہے اپنا ۔

پوتر لہو وگا دھو لؤ، دلوں آدھینگی میلی،
چھٹیگا پھر متھاجی دا، جو دل تے ورم ہے اپنا ۔

سورگ دی لوڑ نہیں مینوں، متھاجی توں جو ملدی ہے،
ستنتر جی لئی دوزخ، وی باغے عرم ہے اپنا ۔

ہرنا ! پھرنا ایں سنگ اچھالدا ۔
ایتھے سنگ نہیؤں تیرے نال دا ۔

جا بیبا ہرنا توں پرھے وے پریرے،
پھرنا ایں بھوندا توں ویری دے ڈیرے،
لگیاں نے پھاہیاں توں جاہ نہ اگیرے،
راکھا توں اپنے حالَ دا ۔

بھج سوہنیاں ہرنا توں اک چنگی لا کے،
ماریا بیدوشا نہ جائیں دھوکھا کھا کے،
ویری کھلے راہیں شگن منا کے،
ویکھو کی بندا ای فعال دا ۔

جیؤ وے توں ہرنا توں مان جوانی،
پھٹی ہوئی ہرنی دی سن وے کہانی،
دسدی آں گلّ جہڑی ہڈّ ورتانی،
ویری پھرے تینوں بھالدا ۔

جیؤ بیبا ہرنا میں دیاں وے اسیساں،
جیو سکھیں-لدھیا توں لکھ بریساں،
تیرے بانکے نیناں دیاں نہیوں وے ریساں،
ڈاراں دا توں انگ پالدا ۔

بھج جا وے بھج جا توں ہو جا وے راہی،
بھونکن پئے کتے توں دیویں نہ ڈاہی،
مرن شکاری تے سڑ جائے پھاہی،
لہہ جائے پالا سیال دا ۔

جا وے سمبھالیں ہرناں اپنیاں ڈاراں،
جوہاں نی کھلھیاں تے کھلیاں جواراں،
رو کے نی راہ تیرے چوراں چکاراں،
ویری پھرے اگّ بالدا ۔

پھردے شکاری نی چھریاں گھڑاندے،
سانگاں نوں مانجن، کماناں کساندے،
کھوٹیاں نیتاں معصوماں نوں پھانہدے،
دھوکھا نہ کھائیں توں جال دا ۔

وڑ کھڈیں دن نوں نویکلے گھرنے،
ہرناں نوں پیندے ترکالیں وے ٹرنے،
ہچھے ن لگدے جواناں نوں جھرنے،
بہہ جانا دارو بھچال دا ۔

ویکھ چپھیرے ربّ دتیاں نی اکھاں،
نسّ پھاہیاں چھڈّ تینوں سائیں دیاں رکھاں،
ادم نہ چھڈیں تے رستے نی لکھاں،
رنگ وکھائیں اپنی چال دا ۔

واہ ! سوہنیاں ہرنا توں چست سریروں،
سنگاں نوں اڑن دا خوف کریروں،
اڑتھاں نوں جتیئے نہ بن تدبیروں،
آسرا اوس اکال دا ۔

ہسو شکاریو، لوو وے ودھائیاں،
ہرناں نوں راہ جاندے پاوو وے پھاہیاں،
ظلماں تہاڈیاں نے اتاں وے چائیاں،
پے جاوے وے صبر کنگال دا ۔

واہ پانی جہلمے دا وگدا ہو !
وگدا رگدا واہوا سوہنا لگدا،
پیلڑے وہن دا چھنکنا چھوہ ۔

شاں شاں شوں شوں، ٹھاں ٹھاں ٹھوں ٹھوں، پھاں پھاں پھوں پھوں، گھاں گھاں گھوں گھوں،
ڈگ ڈگ گھمّ گھمّ، کرے پیا جھم جھم،
تھم تھم چھم چھم بھردا چو؛
رم رم سمّ سمّ کرے پیا ہم ہم،
جم جم دم دم بدلے رو؛
واہ پانی جہلمے دا وگدا ہو !

اٹھ اٹھ بہہ بہہ، ٹر ٹر رہِ رہِ،
کنڈھیاں تے کھہِ کھہِ، کرے او گراہ،
تریہ تریہ چھیہ چھیہ، رات دن وہِ وہِ،
ہڈ-بیتی کہہ کہہ، بے پرواہ،
ریڑھواں کھیڑواں، گڑ گڑ گیڑواں، دھرت-اچیڑواں ویڑھواں ہو
بھیڑواں چھیڑواں کلہِ سہیڑواں، ترھیڑواں بڑا دپھیڑواں ہو
واہ پانی جہلمے دا وگدا ہو !

میرا باز کھلوتا ای تھکیا،
کتا روٹی نہ کھاندا ای اکیا،
دل وچ پھوڑا دکھاں دا ای پکیا،
الے دکھدے نی گھاہ چیساں مار ۔

گھوڑا بدھا تبیلے دے وچ جے،
پٹھے کھاوے نہیں ڈاہڈا جچ جے،
سر تے ہونی کھلیں واگاں کھچ جے،
کیکن لاہواں میں دل دا بخار ۔

پنچھی منگل کرن وچ جنگلاں،
مینوں دل وچ پین ادنگلاں،
ویکھاں ٹٹن کدوں میریا سنگلاں،
مڑکے ویکھاں میں اوہو بہار ۔

امرت می جوہاں ہریاں سہانیاں،
پیاریاں موراں چکوراں دیاں بانیاں
دل دیاں ہر لین پاپ گلانیاں،
دیون مانس جنم سدھار ۔