ملے-جلے دوہڑے

1
نماز پڑاں کہ میں تیں ول ویکھاں،
مینوں کعبہ بھل گؤ ای ۔
کھن وچ تھی گئیئم میں کافر،
تیرا نظریں بتّ پیو ای ۔
فضل تیرے تھیں میں کافر نوں،
اج الھا دس پیو ای ۔
ستّ بہشتاں میری جھول وچ پئیاں،
تونہُ کیڈا کرم کتوئی ۔
2
جت ول یار اتے ول کعبہ،
میں حج کراں دہوں راتیں ۔
عملاں نال بھریندے نیں سکھنے،
اوتھے کون پچھیندا اے ذاتی ۔
ن گن روپ ن دولت پلے،
ہک اوندی ذات-پچھاتی ۔
آ وڑ سانول میرے ویہڑے،
میں گھتساں گھول حیاتی ۔
3
عشقَ جنہاں دے متھے لکھیا،
اوہ ہین درویش اﷲ دے ۔
کرین بخیلی بدھے جاون؛
اوہ بھارے چا گناہ دے ۔
امت خاص نبی دی جہڑے،
اوہ پہتے وچ درگاہ دے ۔
اوہ چھٹ جاون پاک جنابوں،
جہڑے بدھے نال شرع دے ۔
4
دعا سلام گھدھی ونجھ میرا،
جے توں وینا ایں لمیں ۔
آکھیں یاد کریندے نی بیلی،
جہڑے نال تساں دے جمیں ۔
ہکو تیں کوں پیار کتو سے،
ہور سٹّ گھتے لبھّ تمیں ۔
وسدی جھوک اجاڑ کے سانول،
توں لگیوں کیہڑے کمیں ۔
5
ن وڑ ویہڑے سوہنیاں دے،
توں تاں صورتَ ویکھ کے بھل ویسیں ۔
قدر نہ ہوسی کؤڈی دا،
توں اصلوں تھیں بے-مل ویسیں ۔
ن کر نام بدنام اپنا،
توں تاں عاشق جگّ وچ ہل ویسیں ۔
کھل ہسّ کے دل خس گھنسن،
بے-وسّ 'آرز' توں رل ویسیں ۔
6
کیہی کھشکھبری آن سنائی،
تینڈے یار دی آمد اج اے ۔
سنن سیتی، نہال تھی گئیئم،
اتے موجھ گئی سبھّ بھجّ اے ۔
شمشو-قمر تھیں پاسے کھڑسن،
تے ڈیکھ اں دی دھج وج اے ۔
'آرز' جے ربّ راضی ہوسی،
تاں دیدارے کریسوں رجّ اے ۔
7
آ وے ماہی تینڈے آون دے،
میں تاں لکھ احسان منیساں، کداں لہیساں ۔
آؤندا ڈیکھ تاں ڈیساں سجدے،
استقبال کریساں، قدم چمیساں ۔
وقت آون گل لاون دے تھیں،
میں تاں ساون سبزیاں دیساں، چھڈ چھڈ ویساں ۔
ایئیں سینگیاں تان کریندیاں،
توں سڈّ تینڈا حسن ڈکھیساں، گھول گھتیساں ۔
آکھ نو-روزہ مر ویسیا جندڑی،
مٹھڑا جوبن ڈیساں، تاں گل لیساں ۔
8
ساڑ گھتاں تینوں بوچھناں،
توں تاں عاشقاں مول ن بھاویں ۔
مری بنیندیں، سڑی تنیندی،
توں کتدی دا سر کھاویں ۔
جہڑے ویلے سانو آمدا ویکھے،
جھک جھک منہ تے آویں ۔
جویں ساکوں رنجائیؤ بوچھناں،
شالہ ! آپ وی رنجیا جاویں ۔
9
آوے ماہی منّ نام خدا دا،
کیوں وطناں توں دل چائے نیں ۔
چھوڑ ٹکا ویں، وطن وگانیں،
ونجھ پردیس سہائے نیں ۔
ٹوکاں کردیاں سینگیاں سئیاں،
کھل دے حق سمجھائے نیں ۔
سانول سانوں عشقَ کللڑے،
کائی رک دے چنے چبائے نیں ۔
10
یار دے نال پیار گھنیرا اے،
جہڑا کیتی ویندا اے ٹھگی ۔
ایہو امید سجن تے ناہیا،
سانوں ویندا اے راہے چھڈی ۔
مار کے سانگ ایہہ نیناں والی،
کائی کانیں زگر وچ گڈی ۔
ساتھ پیا نوں کوئی ن مونہدا،
میں لٹیاں دامن لگی ۔
11
چن مبارک میں کینہِ نوں آکھاں،
میرے بیلی جاندے نی رٹھے ۔
گلیاں دے وچ فرن نمانیں،
جہڑے دونہہ نیناں دے کٹھے ۔
ہنجھو جھڑ چولی تے پئیاں،
جویں مینہہ ساون دے وٹھے ۔
آ سجنُ رل گل ملاہیں،
کتے مر وی ن ونجھیئے رٹھے ۔
12
دیگر ویلا وخت کویلا،
میں پئی کھڈینیاں گڈیاں ۔
ٹر گئے سجناں پچھوں'،
میں کوں تیر مریندیاں نیں جھگیاں ۔
موڑ مہاراں تے آ گھر باراں،
کیہیاں کیتی ویناں ایں ٹھگیاں ۔
دل خوش یار پیارے باجھوں،
خبراں کسے ن بجھیاں ۔
13
نین وکیل تے نین بپاری،
تے نین کریندے نی ہٹیاں ۔
نین نیناں تے دین گواہیاں،
نین بھریندے نی چٹیاں ۔
نین نیناں نوں زخم کریندے،
تے نین بنیندے نی پٹیاں ۔
آکھ میاں اوہاں نین بھلیرے،
جنہاں لزتاں عشقَ دیاں چکھیاں ۔
14
کیڈے گلے گھلے نیں دیگر،
مینڈے دل دی ہک ن سنیاں ۔
ٹر گئے تونہ سجن دے پچھوں،
میں ودھ مہاٹھاں رنیاں ۔
کٹھا دل کیتو ای بیرے،
کیئی جھوکاں ہوئیاں سننجیاں ۔
راہ ڈھونڈیندی بوری تھئیئم،
مینڈے دل دی کائی ن پنیاں ۔
15
ن میں سوہنیں، ن گن پلے،
میں کس دا مان کریساں ۔
چارے کنیاں میریاں چکڑ بھریاں،
میں کیہڑی مل مل دھوساں ۔
میل گھنیریں تے صابن تھوڑا،
میں بہہ پتناں تے روساں ۔
پاک پلیتی میری اس دن ویسی،
جد یار دی باندی تھیساں ۔
16
چڑھ چڑھ ویکھاں، بار جنگل کوں،
ویندے نی ہوت قطاری ۔
ڈردی ماری صد ن ماراں،
متاں فرق پوے وچ یاری ۔
اڈیا باز ہتھیں نہ آوے،
میں کے کراں وچاری ۔
بادشاہ کوں پمدے قضیے،
ایہہ سسی کون وچاری ۔
17
رتا بوچھن میں رنگ ویساں،
توں آؤسیں خوشی منیساں ۔
ٹھمک ٹھمک تیرے قدم چمیساں،
تینوں اکھیاں وچ بہیساں ۔
لہہ لہہ وننجن میریاں ہبھو سکوں،
تیرا ہبھو بھارا دیساں ۔
ساز وجیسن بھنڈ مراسی،
میں مجرا آپ کریساں ۔
18
جیبھ قلم دل کاگل تھیا،
تے مسّ اکھیں دا کجلا ۔
ہبھو گلے تینڈے وٹلے کیتومُ
ہک ن تیں-در اﷲ ۔
نیکاں کیہیاں کیتیاں نیں سجن،
سانوں تونہُ بنایا ای جھلا ۔
جھلّ وللے اسیں تینڈے ہاسے،
سانوں دتا ای کوڑ مللا ۔
19
آتن بیٹھ رنی دل بھیڑی،
مے کوں لوک کرین بکھیڑے ۔
اماں بابا قہر کیتوئی،
جنہاں سڈّ بہائے نی کھیڑے ۔
ہک دل اپنی اوہ لے گیا رانجھن،
ہبھو دشمن وسدے نی جہڑے ۔
رانجھن رانجھن وتاں ککیندی،
میں بھجّ وگاں وچ ویہڑے ۔
20
عاشق دا دل کعبہ ہوندا اے،
معشوق دل دی کالی ۔
معشوق مریندے دیہں ڈیویں ڈاکے،
عاشق راہن سوالی ۔
عاشق پٹن ناہر عشقَ دی،
معشوق راہن وچ ماہلیں ۔
فاضل عشقَ پکایا اوہناں،
جنہاں رات کپور تے جالی ۔
21
یار اساڈے ستراں والے،
اسیں ننگ-مننگے رانہدے ۔
دھیدو نام تے ذات رنجھیٹا،
اسیں مڑ وی چاک سداندے ۔
کنڈ ولائم، تخت ہزاریوں،
اسیں چور تھئے وطناں دے ۔
'آرز' عرض قبول ن تھیندی،
وتّ وی یار ن من توں لاہندے ۔
22
اچی وگے راوی،
کائی جھکی وگے جھناں اے ۔
بھائیاں باجھ ن جوڑیاں،
کائی پتراں باجھ ن ناں اے ۔
سوانیں رووے دو چار دہاڑے،
کائی بھین روندی چھ مانہہ اے ۔
بھائی روندے نی عمرہ ساری،
ترٹ ویندی جناں دی بانہہ اے ۔
23
دیگر ویلا وکھت کویلا،
پئی وٹینیاں دھاگے ۔
اڈّ ونجھ کاگ کے جندڑی اڑ گئی،
جتھے یار اساڈے ۔
اکھیں کولوں یار دراڈے تے،
دل کولوں موہے مہابے ۔
ستی پئی ربّ یار ملائیم،
تے جاگے بھاگ اساڈے ۔
24
اسیں جوگی جوگ کماون والے،
ویکھ مہورت ٹردے ۔
گھر گھر مائی تے باپ اساڈا،
اسیں کام کرودھوں ڈردے ۔
ہیر نمانیں چپ چپاتی،
کائی بھر کے گھٹ صبر دے ۔
دیہہ دیدار چا ہیر نیں موئیے،
کائی پردے لاہ ہنر دے ۔
25
آ وے ماہی ربّ ساون لایا،
در در ہوئیاں جھکاں ۔
اندر وڑاں تاں ہسڑ گھنیرا،
باہر نکلاں تاں دھپاں ۔
پٹّ پٹّ کانیاں زلفاں والیاں،
خط ماہی ول لکھاں ۔
مدت پچھوں ربّ یار ملایا،
ہن گلاں کراں جاں رساں ۔