پنجابی کافیاں نؤندھ
1. سجنا تسیں بیپرواہُ سنیندے
سجنا تسیں بیپرواہُ سنیندے،
اساں تساڈی لوڑ لڑیندیاں،
اسیں تساں باجھ ن جیندے ۔1۔رہاؤ۔
برہُ قصائی اندر کٹھا،
اسیں خون جگر دا پیندے ۔1۔
اک دم درسن دیہہ دل جانیں،
نؤندھ نین انیندے ۔2۔
(راگ دیوگندھاری)
2. میں کملی سندر درس دی
میں کملی سندر درس دی،
نتِ ویکھن نوں پئی ترسدی ۔1۔رہاؤ۔
میں من تن چین ن آوئی،
نتِ برہں کلیجے نوں کھاوئی ۔1۔
موہِ ترفت رینِ بہاوئی،
ہے کوئِ رامُ ملاوئی ۔2۔
موہِ خان پان نہیں بھاوئی،
موہِ ہرِ بنُ کچھ ن سکھاوئی ۔3۔
پربھ ایسی کرپا کیجیئے،
ہنِ نؤندھِ درسن دیجیئ ۔4۔
(راگ دھناسری)
3. میں سجن باجھوں اکلڑی
میں سجن باجھوں اکلڑی،
میں ڈرِ ڈرِ اٹھدی الڑی ۔1۔رہاؤ۔
میں منِ تنِ پریم اماہڑے،
کدِ لیساں میں ڈھول کلاوڑے ۔1۔
میں سجن کارنِ کوکدی،
نتِ اچے چڑِ چڑِ چیکدی ۔2۔
میں سجن کارن سکدی،
کؤن سار لئے میرے دکھ دی ۔3۔
میں سجن کارنِ دھکھدی،
نتِ چاہِ سائیں تیرے مکھ دی ۔4۔
پربھو اپنا بردُ سماریئ،
ہنِ نؤندھِ درسُ دکھاریئ ۔5۔
(راگ دھناسری)
4. اتھے گیا سو پھیرِ ن ولیائی
اتھے گیا سو پھیرِ ن ولیائی،
جو جائ سجنِ نال رلیائی ۔1۔
سبھ چلنُ چلنُ آکھدی،
کوئی سچڑا راہِ ن بھاکھدی،
سو پہنچیا جو اٹھِ چلیائی ۔2۔
جن من گھوڑا دؤرایا،
سو کرِ اسواری آیا،
کسے ناہِ سنیہا گھلیائی ۔3۔
جنِ چؤپڑِ داؤ چکایا،
سو جنِ باجی گھرِ آیا،
اون پریم دا پاسہ ڈھالیائی ۔4۔
جنِ دوجا دعویٰ سٹیا،
سرِ ویچے سجن وٹیا،
تنِ نؤندھِ ہرِ درِ ملیائی ۔5۔
(راگ دھناسری)
5. دیکھو سئیؤ سبھنا اکو نائک
دیکھو سئیؤ سبھنا اکو نائک،
کو کرِ سکے برابر تن کی،
اؤر نہیں کوئی لایق ۔1۔رہاؤ۔
تپے تپیسر برہمے ایسر،
کال کیئے سبھ گھائک ۔1۔
نؤندھِ جگِ جگِ سنت سکھی ہیں،
اؤرن کے سکھدائکُ ۔3۔
(راگ کلیان)
6. دیکھو سئیؤ لٹکے دے نالِ لٹیندا
دیکھو سئیؤ لٹکے دے نالِ لٹیندا،
اگلے گھاؤ ن تھیندے چنگے،
اتؤں بھرِ بھرِ چوٹ چلیندا ۔1۔رہاؤ۔
اوہُ بیدردُ اس دردُ ن بھورا،
مینوں منگلِ مارِ کٹیندا ۔1۔
نؤندھِ جینوں سجن چھٹے،
تس جمُ نہیں پھٹیندا ۔2۔
(راگ کلیان)
(منگلِ=مونگلی)
| |
