چیتر چوراں چت چرائیو، چشماں چوٹ چلا کے
چکھیا چاڑھ چکوراں چندہ، چلیوں چین چرا کے
چوڑا چونک چور چٹ-چولی، چیراں چنی چا کے
کشن سنگھ چل چال چنگیری، چاہ چچھّ چمکا کے ۔1۔

وچ وساکھی ورتی ویدن، ور ونُ وکھّ وچاراں
ول ول ویکھاں والی ولوں، ویس وپار وہاراں
ورجن ویر وللی وتاں، واد وواد وساراں
کشن سنگھ ول ویلُ کولی، وار وار وت واراں ۔2۔

جیٹھ جگر جی جوبن جلیا، جلیئے جند جوانی
جل جل جان جلایا جامہ، جل جانی جل جانی
جپ جپنی جوہے جگ جیتے، جوگی جتی جہانیں
کشن سنگھ جاوے جس جاگا، جڑ جوگن جل جانی ۔3۔

ہاڑھ ہیر ہیرا ہک ہاریا، ہر ہر ہوئی ہلدی
ہمت ہوش ہوا ہو ہلی، ہردیوں حل دی ہلدی
ہولی ہولی ہولاں ہلن، حالَ حقیقت ہلدی
کسن سنگھ ہوں حاضر ہوواں، حرمت ہوئے ہکل دی ۔4۔

ساون سائیں صاحب صورتَ، سوہنا سندر سارا
صفت سنإ سناون سارے، ساجے سبھ سنسارا
سادھو سنت سدا سچ سمرن، ساس ساس سچیارا
کشن سنگھ سو سرب شبد سن، ستے سدھ سمع سارا ۔5۔

بھادوں بھورا بھولا بھرمے، بھرم بھرم بھرماوے
بھوگی بھوگے بھوگ بھلیرے، بھٹک بھٹک بھٹکاوے
بھلا بھلا بھگوان بھگت بھن، بھوندو بھلا ن بھاوے
کشن سنگھ بھرماون بھیڑے، بھارج بھرتا بھاوے ۔6۔

اسو آپ آپ ایہہ آپے، اجل اکھنڈ ابناشی
ایک انیک الیکھ اسنگی، استھت ایس اکاشی
اچن اوچ اکاگر ایسا، امر اچر ابناشی
کشن سنگھ ایہہ اوہ اب ایکو، اوئں اس ابھیاسی ۔7۔

کتک کنچن کنکن کنڈل، کچ کہُ کاچ کٹورا
کانھ کہاوے کشن کلولی، کملا کنت کشورا
کارن کل کریم کمالی، کرتا کہن کرورا
کشن سنگھ کرپالو قادر، کرنہار کہُ کورا ۔8۔

مگھر مولٰی موجی مورا، مالک ملک مکانا
میہر محبت مو میں ملیا، من موہن مستانہ
مور مکٹ مرلی مکھ ماہیں، مو من مانہِ ملانا
کشن سنگھ مت مارے منمکھ، مارگ مکت مسانا ۔9۔

پوہ پرمیسر پورن پرگٹ، پریتم پرم پیارا
پیا پریمی پیاسیاں پانی، پاندھی پائِ پکارا
پیراں پیر پساری پورا، پلک پسارُ پسارا
کشن سنگھ پرتیت پریت کر، پائیو پر پد پارا ۔10۔

ماگھ موئی میں ملیا ماہی، مم میری میں ماری
مرنا میرا مٹیا مائی، ملی مرار مجھاری
مکے مانہہ مسیت مکبر، مدھو ماتی متواری
کشن سنگھ میں میل ملایا، مولٰی مست مراری ۔11۔

پھاگن پھیر پھلی پھل پھلیاں، پھل پھیلے پھلواری
پھر پھر پھیر پھیر پھٹّ پھولاں، پھولی پھر پھلکاری
پھوٹ پھوٹ پھاٹن پھر پھلیاں، فوج فقیراں پھاری
کشن سنگھ پھر پھر پھجداراں، پھاری فکر پھکاری ۔12۔

2. بارانماہ-ویراگماہ

چیتر چت ڈولے وچ ڈولے میرا، باجھ پیا دے گلدی خبر ن گلّ دی
نال ہجر دے میں نت جلدی، جیسے مچھلی جل دی جل بن جلدی
وانن ندی دے دیدے وگدے، بن بیڑی میں ٹھلھدی مول ن ٹھلدی
کشن سنگھ میں ڈھونڈھاں تینوں، خبر ملے جے جھل دی ن دکھ جھلدی ۔1۔

وساکھ وساریا کنت نے مینوں، کونجاں پا لئے موڑے واگ ن موڑے
باجھ پیا دے کجھ نہیں سجھدا، لاہ سٹدی میں توڑے جس دے توڑے
جل بل کے میں کولے ہوواں، دیکھ لوکاں دے جوڑے آپ ن جوڑے
کشن سنگھ نت سکدی جاندی، دکھدے دل دے پھوڑے وید ن پھوڑے ۔2۔

جیٹھ جوانی جائ بیتدی، دلبر دلوں بھلایا ن بھل آیا
مینوں سٹ کے اگّ برہوں وچ، چاندی وانن گلایا ن گل لایا
اوسے ویلے نوں نت میں روواں، رسیا ناہِ منایا ایہہ من آیا
کشن سنگھ ہن وس ن چلدا، میں سی چت چرایا تاں چر لایا ۔3۔

ہاڑ ہلاسے کیہڑے جیواں، سوہنا ن دس آوے ن دس آوے
منجی تے من جی نہ لگدا، وڈھ وڈھ کھاندے پاوے خبر ن پاوے
دن تپدے میں ڈھونڈن نکلی، گرمی خوب تپاوے تے تپ آوے
کشن سنگھا آ مل جا مینوں، برہوں جان جلاوے ن جل آوے ۔4۔

ساون سانگ برہوں دی لائیا، سینہ میرا ہلے مول ن ہلے
دردی ہو کے درد دے گیا، دکھ بتھیرے جھلے جے ہن جھلے
پیا جے آن دکھالی دیوے، دکھڑے سارے ٹلے پھیر ن ٹلے
کشن سنگھا پھیر کدے ن چھوڈاں، آئِ وڑے جے پھلے پھل پھل پھلے ۔5۔

بھادروں بھائِ برہں دی ظالم، جاندی جال ہے جلدی آ مل جلدی
تیرے باجھ بے ہوش پئی ہاں، خبر نہیں ہے پل دی دکھ وچ پلدی
سکّ تبیت ہوئی وچ دکھ دے، سنگ جے تیرا ملدی تاں میں ملدی
کشن سنگھا رنگ نال وچھوڑے، پیلا ہو گیا ہلدی کتے ن ہلدی ۔6۔

اسو آس نراش ن کرکے، مینوں نانہہ جلائیں موئی جلائیں
گھتّ شتابی موڑا جانی، مکھڑا آن دکھائیں نانہہ دکھائیں
باجھ تیرے دیدار دے مردی، کیراں آن بلائیں جان بلائیں
کشن سنگھا میں ترلے کردی، مینوں سنگہلائیں نانہہ رلائیں ۔7۔

کتک کنتا ! تیرے باجھوں، میں ہاں دکھڑے بھردی دم ن بھردی
جیکر آن دکھائی دیویں، میں ہو جاواں بردی تجھ دلبر دی
ہاڑے کڈھدی ہاڑ بیتیا، نیڑے آ گئی سردی گھڑی ن سردی
کشن سنگھا ! ہن رحم کریں توں، باندی تیرے در دی ہو جا دردی ۔8۔

مگھر موڑ مہاراں سائیاں، تیں پھیرا ن پایا پھیرا پایا
جان لباں تے آئی میرے، تیں مکھ ن دکھلایا ایہہ دکھ لایا
تنّ مہینے باقی رہِ گئے، اجے ن منہ بھوایا منہ بھوایا
کشن سنگھا ہن تاں میں بچدی، جے دلبر دل آیا دل بر آیا ۔9۔

پوہ مہینے باجھ پیا دے، پچھدا ن کوئی ہالی ہوئی بہالی
جیکر پیا پیارا آوے، ہوواں میں متوالی تے مت والی
مکھ توں زردی دور میں کردی، چڑھدی آنکے لالی لعلاں والی
کشن سنگھا میں خوشی منا کے، نظراں دیواں ڈالی پھل دی ڈالی ۔10۔

ماگھ ماہی دن رات میں ساری، گندی ہاں نت تارے کدے تاں تارے
دکھاں آن ستایا مینوں، گھیرے پاسے سارے لئی ن سارے
نال وچھوڑے پنجر ہو گئی، چیری دکھ دے آرے کدی تاں آ رے
کشن سنگھا ہن آن نکالیں، پئی سمندر کھارے، ہڈّ نے کھارے ۔11۔

پھاگن پھاگ تنھاں دا دشمن، کنت نہیں ہے کولے ہوئیاں کولے
سن کے شور سوہاگنِ سندا، کنّ ہو جاندے بولے مونہوں بولے
دیکھ ن سکدیاں رنگ تماشے، جیوں اکھیاں وچ پھولے درداں پھولے
کشن سنگھ میں عرضاں کردی، چاڑھ اسانوں تولے لے بن تولے ۔12۔

لوند لگا ایہہ ویری مینوں، سال اجے ن مکدا ن دم مکدا
مکے سال تے جھیڑا چکے، تن جاندا ہے سکدا نیر ن سکدا
جان میری ہے بھاری ہو گئی، ملکل موت بھی لکدا بھید ن لکدا
کشن سنگھا لڑ لگ پیا دے، چاروں طرفوں چکدا پھیر ن چکدا ۔13۔

کافیاں

ظالم روگ عشقَ دا مارو ۔
باجھ دیدار نہیں کوئی دارو ۔
شہہ دریا اترے کوئی تارو ۔
سو ڈبدا اک تردا ای ۔

ایس عشقَ دے بڈے اڈنبر ۔
عشقَ رننجانے پیر پیغمبر ۔
دیکھے دکھاں نوں پاٹے امبر ۔
دھنّ عاشق جو زردہ ای ۔

منصور جیہے پھڑ سولی چاڑھے ۔
شاہ شمس دی کھلّ اتارے ۔
زلیخا آہی نعرے مارے ۔
یوسف کیتا بردا ای ۔

لیلی سکی نال جدائی ۔
مجنوں دے سر دبھّ اگائی ۔
فرہادے نے نہر وگائی ۔
شیریں شیریں کردا ای ۔

عشقَ حقیقی ہور مجازی ۔
وچ دہاں دے سر سر بازی ۔
کیا ملاں کیا پنڈت قاضی ۔
سب انوں سلاماں کردا ای ۔

جب صاحب عشقَ قبول کیا ۔
تب آدم اتے رسول کیا ۔
جگ عشقوں حق نزول کیا ۔
بن عشقَ نہیں کچھ سردا ای ۔

عشقَ ہیر نوں قضیے پائے ۔
رانجھے دھیدو کنّ پڑائے ۔
مرزے ہوریں صاحباں لیائے ۔
ککھاں دے وچّ سڑدا ای ۔

عشقَ سنیانوں سور چرائے ۔
زکریا کروتّ چرائے ۔
پیر پیغمبر مار رلائے ۔
صاحبَ زور زبر دا ای ۔

عشقَ پنوں نوں کیف پلائی ۔
سسی وچّ تھلاں مروائی ۔
ایس عشقَ دی دیکھ صفائی ۔
عاشق نالے مردا ای ۔

سوہنی وچ دریا ڈبائی ۔
مینہیوال دی جان گوائی ۔
دیکھ جلالی عشقَ لٹائی ۔
روڈا ڈکرے کردا ای ۔

عشقَ جتھے آ نازل ہووے ۔
عقل ن اوتھے مول کھلووے ۔
گھنگھٹ لاہِ کھلھ کر رووے ۔
دور کرے سبھ پڑدا ای ۔

عشقَ ہوریں نہ زاتِ پچھانن ۔
سوہنا کوجھا مول نہ جانن ۔
دولت دنیاں ناہِ سیانن ۔
پریم دیکھ در وڑدا ای ۔

ایس عشقَ وچ بہت خواری ۔
تانے مارے خلقت ساری ۔
ہر ول برسے صیف کٹاری ۔
عاشق سر پر دھردا ای ۔

ایس عشقَ جد نشے چکھائے ۔
پاتشاہاں توں تخت چھڈائے ۔
راجیاں کولوں بھیکھ منگائے ۔
خیر پوے در در دا ای ۔

عشقے سیتا رام مہائے ۔
راون دے دس سیس لہائے ۔
کیرو پانڈو مار کھپائے ۔
پھڑ تلواراں لڑدا ای ۔

پہلے سر کٹ تلی ٹکائیے ۔
پھیر میدان عشقَ دے آئیے ۔
مرنوں ہرگز خوف نہ کھائیے ۔
عشقَ تدانہی ہردا ای ۔

عشقَ چھڈائے گھر در مندر ۔
پھرن اجاڑیں ہوئِ قلندر ۔
چڑھیا روموں چین سکندر ۔
نؤ سامباں دل دھردا ای ۔

عشقَ ہوراں جد جنگ اٹھائے ۔
حسن حسین یزید کہائے ۔
عشقَ اپائے عشقَ کھپائے ۔
عشقَ سبھے کم کردا ای ۔

عشقَ ہوریں موسے ول آئے ۔
آپ خدائ جمال دکھائے ۔
کر جلوا کوہ طور جلائے ۔
دشمن دین کفر دا ای ۔

عشقَ بھرتھری جوگی کیا ۔
پورن بھگت بیراگی تھیا ۔
دیکھ حقیقت نے سر دیا ۔
پریم جنہاں نوں ہردا ای ۔

کشن سنگھ ہن بس کر پیارے ۔
اس عشقَ دے بہت پسارے ۔
کینہدی کینہدی بات بچارے ۔
چنگا کم صبر دا ای ۔

2. ہے تلواروں تیز جدائی

پیا پیارا نظر نہ آوے ۔
برہوں ڈائن کلیجہ کھاوے ۔
کس نوں دل دا حالَ سناوے ۔
محرم راز نہ دسدا کائی ۔

جس دن دا توں مکھ چھپایا ۔
بندی رو رو حالَ وننجایا ۔
نیناں ساون مینہہ وسایا ۔
بجلی کڑک ہجر دی آئی ۔

کوٹھے تے چڑھ دینیاں ہوکا ۔
لٹّ لئی میں ملکا لوکا ۔
گیا اساتھوں یار چروکا ۔
جس نے میری جان چرائی ۔

آ مل پیارے آ مل جانی ۔
تدھ بن زہر ہوئی زندگانی ۔
تڑفاں جیوں مچھلی بن پانی ۔
مار نہ سوہنا رام دہائی ۔

اگّ وچھوڑے دی آن چمڑی اے ۔
وانگ پتنگ شمع جند سڑی اے ۔
بول انلہک سولی چڑھی اے ۔
دکھ توں پاوے جان رہائی ۔

وانگ زلیخاں خواباں اندر ۔
دیکھاں یوسف یار قلندر ۔
جا اٹھ بیٹھاں خالی مندر ۔
بھڑکے بھاہِ فراقَ سوائی ۔

مجنوں اگّ عشقَ دی بالی ۔
لیلی جل بل ہوئی کالی ۔
شیریں صورتِ ناہِ دکھالی ۔
کیتا چا فرہاد سودائی ۔

عشقَ رانجھے نوں جوگی کیتا ۔
ہیر نے زہر پیالہ پیتا ۔
راون راکش لے گیا سیتا ۔
رام جو کیتی خوب لڑائی ۔

بلبل رووے تے پھلّ ہسے ۔
عاشق دا دل دلبر کھسے ۔
عقلاں کون عاشق نوں دسے ۔
آپے کملی شکل بنائی ۔

چکوے چکوی رین وچھورا ۔
دھرتِ اکاشے چند چکورا ۔
سانوں رات دنے دا جھورا ۔
کدے تاں آ مل برا خدائی ۔

ساون سئیاں کھیلن سانویں ۔
کوئی ہسے کوئی گاویں ۔
میں خوش ہوواں جے توں آویں ۔
اتنی دیر کہو کیوں لائی ۔

مار کٹاری میں مر جاواں ۔
یا کوئی زہر پڑی لے کھاواں ۔
شہہ بن کیکر وقت لنگھاواں ۔
دسّ علاج کوئی ہن مائی ۔

برہوں والی برچھی کالی ۔
سینے مار گؤں اوئِ خیالی ۔
تدھ بن ہوئِ رہی برہالی ۔
نہ کوئی وید نہ طب دوائی ۔

ہو بیراگن خاک لگاواں ۔
سر دے وال گلے وچ پاواں ۔
جائ پییا کو ڈھونڈ لیاواں ۔
کہیں تو دیوے یار دکھائی ۔

پی پی مدھ ہوئی مستانی ۔
مست شراب جو شوق حقانی ۔
کملی خلقت کہے دوانی ۔
عشقَ عقل دی عقل بھلائی ۔

پنڈت قاضی ہور سیانے ۔
دیکھ تھکی میں سبھ ٹکانے ۔
کوئی نہ بھید ربے دا جانے ۔
پھندھک بیٹھے جال لگائی ۔

جو کوئی مینوں یار ملاوے ۔
دماں باجھ غلام بناوے ۔
میریاں چشماں وچ سماوے ۔
سرمے وانگ رکھاں اکھ پائی ۔

ہور نہ کوئی میت ہمارا ۔
سب تھوں سانوں پیا پیارا ۔
جس دا ہے ایہہ کل پسارا ۔
کھیل کھلاری آن کھلائی ۔

آپ آپ توں پائِ بچھورا ۔
آپے بیٹھ کرے غم جھورا ۔
سفنے دے وچ لٹ لئی چورا ۔
جاگیا گیان دانہ رائی ۔

آپے عاشق آپے دلبر ۔
آپے لوہا آپے خنجر ۔
آپے زر ہے آپے زیور ۔
آپے مالک آپ لکائی ۔

سوہنا ساولا آ مل مینوں ۔
میتھیں دور کریں توں مینوں ۔
تاں میں میں بن جاناں تینوں ۔
میں توں ایک انیک سمائی ۔

کنتاں والیاں عیش مناون ۔
رنگا رنگ سنگار بناون ۔
رنڈیاں دیکھن تے جل جاون ۔
میلے ویس سرے پر چھائی ۔

توں ساگر میں بوند نمانی ۔
اپنے ساتھ ملاؤ پانی ۔
فرق نہیں وچ سوتر تانی ۔
اوہو لوہا تے اوہو سلائی ۔

ہوئِ نلجّ مل سنگ پیارے ۔
انگاں نال ملے انگ سارے ۔
جو سکھ پایا بھرتارے ۔
سو سکھ گلّ نہ آکھی جائی ۔

میں جیہیاں لکھ تیرے دوارے ۔
تیں جیہا میں کؤن پیارے ۔
لاکھ بہشت بیکنٹھ وسارے ۔
تیری اک پل دی اشنائی ۔

توں میں ہویا میں توں ہوئی ۔
میں تیں وچّ ن انتر کوئی ۔
اوہو انّ تے اوہو لوئی ۔
لالی لالوں وکھ ن کائی ۔

میں کل خلقت نال بگاری ۔
سائیاں تیرے نال سواری ۔
توں ہن رکھ لے لاج ہماری ۔
دشمن ہوئی خلق سبائی ۔

دنیاں خواب خیال پچھانی ۔
سو دم نیک نبھے سنگ جانی ۔
لکھ سکھ اک دکھ توں قربانی ۔
جس میں ماہی نال ملائی ۔

لال وے لال میں تیری لالی ۔
وچّ نہیں وچ پتل تھالی ۔
جیوں کستوری صورتِ کالی ۔
خوشبو کر ساہ من بھائی ۔

بدھ بچاری برہم بچارا ۔
سنسا دور ہوا ہن سارا ۔
آپ پیاری آپ پیارا ۔
من تے میل دویت اٹھائی ۔

قحط کشن سنگھ سن من میرے ۔
ایہہ جگّ کل تماشے تیرے ۔
پورن سوآمی ستگور ہیرے ۔
دبّ درشٹ دے کھیل دکھائی ۔

3. کی دل دا حالَ سناواں میں

چپّ رہاں تاں پھٹدی چھاتی ہے ۔
کچھ کہاں تاں لگدی کاتی ہے ۔
اس اس وچ چنگ چواتی ہے ۔
کہُ کیہڑی بات بناواں میں ۔

اک ملیا مست موالی ہے ۔
اس ایسی کیف پیالی ہے ۔
نت نیناں دے وچ لالی ہے ۔
ایہہ کیکر لال چھپاواں میں ۔

اک دلبر پیارا پایا ہے ۔
اس مینوں مار کھپایا ہے ۔
جد دوجا دور ہٹایا ہے ۔
ہن کیکر آپ لکاواں میں ۔

جے سچ کہاں تاں سولی ہے ۔
منصور بھی آپ قبولی ہے ۔
ہک باجھوں ہور فضولی ہے ۔
اس دکھ توں کتھے جاواں میں ۔

اب کشن سنگھ نہیں اور کہو ۔
اک صاحب جان خموش رہو ۔
مل ہوشمنداں سے ہوش لہو ۔
کیوں ناہک شور مچاواں میں ۔

4. توں صاحب میرا سارے ہیں

واہ واہ پیارے صورتِ تیری ۔
دیکھ دیدار گئی میں میری ۔
توں ہی دسنا ہیں چار چپھیری ۔
تیرے روپ اپارے ہیں ۔

کہوں بیج تے کہوں ترور ہو ۔
کہوں بستی تے کہوں برور ہو ۔
کہوں نوکر تے کہوں سرور ہو ۔
کہوں تارے تے کہوں مارے ہیں ۔

کتے آدم ہو کے آیا ہیں ۔
کتے مہاں دیوَ کہلایا ہیں ۔
کتے برہما بسنُ سدایا ہیں ۔
کتے سرپتِ کرشن مرارے ہیں ۔
کتے نبی محمد ہویا ہیں ۔
کتے عیسیٰ ہوئِ کھلویا ہیں ۔
کتے موسیٰ ہوئِ رسویا ہیں ۔
کتے توروں نور دکھارے ہیں ۔

کتے سیتا رام سدایا ای ۔
ہو راون جدھّ مچایا ای ۔
چڑھ لنکا ناد وجایا ای ۔
پھڑ تیغاں سیس اتارے ہیں ۔

کتے وچّ مسیتاں وسدا ہیں ۔
کتے مصلے لوکاں دسدا ہیں ۔
کتے ہرِ ہرِ کرکے ہسدا ہیں ۔
کہیں بیٹھا ٹھاکردوارے ہیں ۔

کتے صاحب تے کتے بردا ہیں ۔
سر تاج سنہری دھردا ہیں ۔
کتے بیٹھ حکومت کردا ہیں ۔
کتے بھوندا دوارے دوارے ہیں ۔

عشقَ تیرے دے پی پی پیالے ۔
عاشق ہوئِ رہے متوالے ۔
کالے کیس گلے وچ ڈالے ۔
توں توں نت پکارے ہیں ۔

کہوں بنیا شاہ سکندر ہیں ۔
کہوں نوشاباں مکھ چندر ہیں ۔
کہوں مست فقیر قلندر ہیں ۔
کہوں سورج چند ستارے ہیں ۔

کہوں دانا کہوں دیوانہ ہیں ۔
کہوں شمع کہوں پروانہ ہیں ۔
کہوں بیٹھا ملّ ویراناں ہیں ۔
کہوں پا بیٹھا گھر بارے ہیں ۔

کہوں پرکھا تے کہوں ناری ہیں ۔
کہوں لوہا کہوں کٹاری ہیں ۔
کہوں پھول کہوں پھلواری ہیں ۔
کہوں کانٹے ککھّ نکارے ہیں ۔

کہوں ساوا سوہا کالا ہیں ۔
کہوں سبز سفید گلالا ہیں ۔
کہوں ملیا کہوں نرالا ہیں ۔
یہ سب ہی رنگ تمارے ہیں ۔

کہہ کشن سنگھ کی دساں میں ۔
ایہہ دیکھ تماشے حساں میں ۔
ہن ہرِ توں کتھے نساں میں ۔
ہرِ ساگر اپر اپارے ہیں ۔

5. میں درد دوانی ہوئِ رہی

میں درد دوانی ہوئِ رہی ۔
چھپ چھپ کے اندر روئِ رہی ۔

باجھ پیارے نیند نہ آوے،
سو سو واری سوئِ رہی ۔
داغ دلے دا دور نہ ہووے،
لکھ لکھ واری دھوئ رہی ۔

جلیا دانہ اگدا ناہیں،
جل پا بوٹا بوئ رہی ۔
جانی اجے نہ جانے بوجھے،
جان جہان وگوئ رہی ۔

موتیاں والا ملے نہ مینوں،
رو رو ہار پروئِ رہی ۔
خاوند اجے نہیں خوش تھیندا،
ہو خفتن خانا کھوئِ رہی ۔

ماکھن میرا نکلے ناہیں،
کتنا کھیر بلوئ رہی ۔
ڈھولا پاس نہ ڈھکن دیوے،
کتنے ڈھوئے ڈھوئ رہی ۔

عشقَ ماہی دے مار مکایا،
ککھوں ہولی ہوئِ رہی ۔
دیہدیدار کشن سنگھ پیارے،
در دے آن کھلوئ رہی ۔

6. بن ڈٹھیاں نین ن رہندے نی

آ سائیناں میں صدقے جاواں ۔
جاں میں تیرا درشن پاواں ۔
تن من سارا گھول گھماواں ۔
عاشق ایہہ گل کہندے نی ۔

چند دیکھ دہ چند چکورا ۔
گھنیئر ہیر گھنا خوش مورا ۔
تیسے موکو درشن تورا ۔
دیپ پتنگ جلیندے نی ۔

ایہناں نیناں دیاں ڈاڈھیاں نوکاں ۔
لوک بھی کردے نوکاں ٹوکاں ۔
ایپر خبر نہیں کچھ لوکاں ۔
نال یتیماں کھہندے نی ۔

ایہہ دو نین جویں تلواراں ۔
بھوں مارن چلدیاں اسواراں ۔
خبر ایہناں دی پچھو یاراں ۔
سن سن آنسو وہندے نی ۔

کی کریئے نیناں دی کاری ۔
ایہناں بنائی بڑی خواری ۔
جتھے دیکھن صورتَ پیاری ۔
جائ اتھائیں بہندے نی ۔

جدوں ن دسدا دلبر جانی ۔
تڑفاں جیوں مچھلی بن پانی ۔
لگی جنہاں نوں پریم دی کانی ۔
آئِ بنی سر سہندے نی ۔

توں لیلی میں مجنوں تھیواں ۔
تدھ مل وصل پیالا پیواں ۔
پھٹّ برہوں دے مل مل سیواں ۔
وچھڑے ساجن جیندے نی ۔

وچھڑ گئے جنہاں دے بیلی ۔
ہوئی تنھاں دی چوڑ حویلی ۔
کلمل آئی جند اکیلی ۔
کے چڑھدے کے لیہندے نی ۔

عشقَ جنہاں نوں آن اکاوے ۔
گھر باہر آرام ن آوے ۔
جند وچاری غوطے کھاوے ۔
محل ندی لگ ڈھہندے نی ۔

بھور پھلاں نوں ڈھونڈن بھالن ۔
جان پتنگ شمع پر جالن ۔
عاشق اگ برہوں دی بالن ۔
وانگ ستی ہو بہندے نی ۔

کشن سنگھ عارف مل مینوں ۔
تاں میں حالَ سناواں تینوں ۔
سو جانے دکھ لگے جینوں ۔
سکھیئے سکھ کر بہندے نی ۔

7. دم دم یاد پیارے والی

دم دم یاد پیارے والی،
دل وچ ہو رہی دم دم دم ۔
اک دم سوہنا وسرے ناہیں،
جاں وسرے میں تم تم تم ۔

جو دم غافل سو دم کافر،
غفلت نال نہ اک پل سمع ۔
باجھ پیارے ماراں نعرے،
چشماں میریاں چھم چھم چھم ۔

جس دن سوہنا مکھ دکھاوے،
سو دن آوے جم جم جم ۔
بھلا برا جو خلقت آکھے،
اسدے نال نہ ساڈا کم ۔

کم اساڈا خالق سیتی،
جس مل جاون سارے غم ۔
کشن سنگھ میں صدقے جاواں،
پی آوے کر نم نم نم ۔

8. کہُ کیہڑا مرنے ہارا ہے

عہد علف ہے ایکو سارے ۔
اوانکار پسار پسارے ۔
نہ کوئی مرے تے نہ کوئی مارے ۔
قایم کل کرتارا ہے ۔

ایک بوند کا پتلا بنیا ۔
ثابت کیتا تنا جنیا ۔
پانچ تت کا تانا تنیاں ۔
خصمانہ سر سارا ہے ۔

مٹی نال مٹی رل جاوے ۔
پون پون میں جائ سماوے ۔
آتش تائیں آب بجھاوے ۔
ہور اکاش نیارا ہے ۔

اس دنیاں نوں پیا بھلاوا ۔
ایویں رو رو ہووے پھاوا ۔
موہ محبت کوڑا دعویٰ ۔
کون کسی دا پیارا ہے ۔

ایسا بھید جو مالم کردا ۔
چوتھے پد پر دھیان سو دھردا ۔
اسدے بھانے کوئی ن مردا ۔
گیان ببیک بچارا ہے ۔

پانی وچ ترنگ ہزاراں ۔
بھانڈے مٹی باجھ شماراں ۔
لوہا ایک شکل ہتھیاراں ۔
ایک انیک پسارا ہے ۔

مرنے کولوں پہلے مر توں ۔
موتوں پھیر ن ہرگز ڈر توں ۔
اگے گر پورے سر دھر توں ۔
کشن سنگھ ایہہ چارہ ہے ۔

9. میتھیں ناہیں رب جدا

جاں مرشد نے رمز بتائی ۔
تاں میں میتھیں آپ مٹائی ۔
خدی چھوڑ خود ہوئے بھائی ۔
جت ول دیکھاں آپ خدا ۔

دیکھ ترنگ ہویا جد فانی ۔
ملیا جائ سمندر پانی ۔
مل جانی نوں ہوئِ جانی ۔
پہلے اپنا آپ ونجا ۔

مینا مینا مینا کردی ۔
کھاندی پیندی مول ن ڈردی ۔
میں میں کردی بکری مردی ۔
میں توں چھوڈ خدا ہو جا ۔

میں نوں چھوڈ ملے آ مینوں ۔
تاں میں بھید بتاواں تینوں ۔
ہیں ہرِ آپ ڈھونڈنا کینوں ۔
گھر وچ بھال ن باہر جا ۔

جاں میں چھوڈی آپ پیارے ۔
آپے آپ ہوئے پھر سارے ۔
جیوں سفنے دے تھیئے پسارے ۔
جاگیا میں بن کچھ ن تھا ۔

چھوڑ خدی خود ہو کے رہیئے ۔
اناالحق زبانوں کہیئے ۔
وحدت دے گھر تھر ہو بہیئے ۔
اوتھے میں توں کلّ فنا ۔

کشن سنگھ کیا آکھ سنائیے ۔
ہرِ ہرِ جان ہرِ ہو جائیے ۔
نہ کچھ کھوئیے نہ کچھ پائیے ۔
دکھ گیا کی کراں دعا ۔

10. جت ول دیکھاں یارو یار

ساقی ایسا دیہہ پیالہ ۔
جس پی میں ہوواں متوالہ ۔
دنیاں ہووے خواب خیالا ۔
دل توں دوجا دیاں وسار ۔

کھولھ دلے دے نین ہمارے ۔
دلبر دا منہ دیکھاں سارے ۔
ناہن اقرب سمجھ پیارے ۔
شاہرگ نیڑے ہے دلدار ۔

آپے اپنا روپ وٹایا ۔
جیوں اک بیجوں برچھ بنایا ۔
کن فیاکن آپ فرمایا ۔
اک توں ہو گیا ایڈ پسار ۔

آپے ایک انیک کہایا ۔
بے صورتَ صورتَ وچ آیا ۔
جیوں مہندی وچ رنگ سمایا ۔
ہر گل دیکھو ہے گلزار ۔

آپے صاحب آپے بردا ۔
آپ ڈراوے آپے ڈردا ۔
آپے ہی سارے کم کردا ۔
پر ہے بیگم تے بے کار ۔

اوہی اول اوہی آخر ۔
اوہی باطن اوہی ظاہر ۔
اوہی اندر اوہی باہر ۔
اوہی رچیا وچ سنسار ۔

اوہی آدم ہو کے آیا ۔
برہماں بشن مہیش کہایا ۔
رام کرشن ہو جدھّ مچایا ۔
آپ محمد چارو یار ۔

آپے عیسیٰ ہے پردھان ۔
آپے موسیٰ اہل ایمان ۔
سبھ سیوں ملیا جیوں تن جان ۔
اوہی طور نور دیدار ۔

آپے عاشق عشقَ کماوے ۔
آپے ہی معشوق کہاوے ۔
آپے لیلی بن کے آوے ۔
آپے مجنوں مست خمار ۔

آپے ہی منصور کہایا ۔
اناالحق کہ رولا پایا ۔
سولی چڑھکے ڈھول وجایا ۔
آپ تماشہ دیکھن ہار ۔

کدھرے رووے کدھرے ہسدا ۔
کدھرے اجڑے کدھرے وسدا ۔
آپے ہر رنگ دے وچ رسدا ۔
ہے رس رسیا راون ہار ۔

بجلی سورج چند ستارے ۔
دیکھ اسی دے جلوے سارے ۔
سورج جل وچ شوہلے مارے ۔
جیوں سایہ اسدا چمکار ۔

کیا کہیئے کچھ کہیا ن جاوے ۔
سوانگی سوانگ انیک دکھاوے ۔
اوہی نر ناری بن آوے ۔
کر کے ہورو ہور شنگار ۔

جے کوئی اپنا آپ گواوے ۔
سو اس صاحب تائیں پاوے ۔
دل دیوے دلبر نوں پاوے ۔
ہور کسے سیوں کرے نہ پیار ۔

آکھ کشن سنگھ ہن کی کریئے ۔
عاشق ہوئِ اسے دے مریئے ۔
دلبر دے در پر سر دھریئے ۔
بے غم ہوئیے آپ نوار ۔