پنجابی کافیاں خوشی
1. عشقَ ڈھونڈھائے نی بیلے
عشقَ ڈھونڈھائے نی بیلے،
کرکے صدق وڑاں وچ جھلّ دے،
جے رب ماہی میلے ۔1۔رہاؤ۔
ہاتھی عشقَ مہاوت رانجھا،
جیوں بھاوے تؤں پیلے ۔
بھنت خوشی گھر آؤ لڑیندیاں،
سانوں برہُ لائِ تن سیلے ۔2۔
(راگ دیوگندھاری)
(بھنت=کہندا ہے)
2. میں لڑیندیاں تاں میں گھولی وننجاں
میں لڑیندیاں تاں میں گھولی وننجاں،
میں تاں منگ رانجھن دی آہی،
کھیڑا تاں کوڑ ملما ۔1۔رہاؤ۔
جے کو خبر متراں دی لیاوے
میں پیر تناندڑے چماں،
بھنت خوشی گھر آؤ لڑیندیاں،
جیوڑا بل بل ہما ۔2۔
(راگ وڈہنس)
3. برہُ پیا ساڈے خیال
برہُ پیا ساڈے خیال
نمانی نوں کیا مارنے ۔1۔رہاؤ۔
سیج ستی نینی نیند ن آوے،
برہوں آن جگاؤنے ۔1۔
جھاک گئیوں ول مول ن آئؤں،
نتِ سول کلیجے نوں مارنے ۔2۔
بھنت خوشی گھر آؤ لڑیندیاں،
کدے تاں درس دکھالنے ۔3۔
(راگ سندھڑا)
4. پیارا ملے تاں میں جیواں
پیارا ملے تاں میں جیواں،
بے دردا مینوں سجنا دے کول لے چل وو ۔1۔رہاؤ۔
تاریاں گندی نوں رینِ وہانی،
دن گیا کتے ولِ وو ۔1۔
جھاک گئیوں ول مول ن آئؤں،
سکھ دا سنیہا کوئی گھل وو ۔2۔
سیج ستی نینی نیند ن آوے،
ہسِ مکھ کرِ کائی گل وو ۔3۔
بھنت خوشی سانوں پیارا ملیا،
سائیں تھیا ساتھے ول وو ۔4۔
(راگ سندھڑا)
5. سبھے اؤگن مجھ میں
سبھے اؤگن مجھ میں،
میرے پریا نوں دوش ن کوئِ ۔1۔رہاؤ۔
سجن ٹانگھی چڑھِ گئے،
میں تتڑی نوں ٹانگھ ن کوئِ ۔1۔
چارہ کجھ نہیں چلدا،
میرے نیناں نے دتڑا روئِ ۔2۔
خوشی سجن دے ڈٹھڑے باجھہُ،
میرا جیون کت بدھ ہوئِ ۔3۔
(راگ سندھڑا)
6. شاباس دکھاں نوں دکھ رہن ہمیشاں نالِ
شاباس دکھاں نوں دکھ رہن ہمیشاں نالِ ۔1۔رہاؤ۔
سکھاں اساڈی سارِ ن لیتی
دکھ لہنِ سمالِ سمالِ ۔1۔
دکھاں دی میں سیج وچھائی
سولاں دے تکیئے نالِ ۔2۔
بھنتِ خوشی گھر آؤ لڑیندیاں،
تجھِ بن بھئی ہاں بہالِ ۔3۔
(راگ سندھڑا)
7. ڈھولنُ آوے میں لئی وو کلاوے
ڈھولنُ آوے میں لئی وو کلاوے،
وچھوڑے میں ماری ہاں نی،
آؤ پیارے حالِ دے مہرمُ
روئِ روئِ لکھاں زاری ہاں نی ۔1۔رہاؤ۔
جےَ تن لگی سو تن جانے،
ڈنگی ہاں میں ناگ ایانے،
سولاں دی اوہ سار کی جاننِ
پیئیے کنج کواریاں نی ۔1۔
بھنت خوشی دن رات اڈینی،
تیرے درسن باجھہُ جھینی،
سرنِ پئی ہنِ ہاری ہاں نی ۔2۔
(راگ سوہی)
8. سبھے ولاں چھڈِ کے توں اک ول ہوئِ
سبھے ولاں چھڈِ کے توں اک ول ہوئِ،
اک ولِ ہویاں تیرے سبھے دکھ جاسنِ،
میلِ اتارے دھوئ ۔1۔رہاؤ۔
ولِ ول دے وچِ کئی ول پؤسن،
اک دن دیسوں روئِ ۔1۔
مانس جنم امولکُ پائیو،
ایویں برتھا ن کھوئِ ۔2۔
بھنتِ خوشی جگِ رینِ بسیرا،
توں پریم دی کھیتی بوئ ۔3۔
(راگ للتُ)
9. سائیں جھبِ جھبِ آئِ
سائیں جھبِ جھبِ آئِ
جائیں مینڈڑے دیس ۔1۔رہاؤ۔
تیرے کارن جوگن ہوئیاں،
بھگوو کینو بھیس ۔1۔
لائِ ببھوتِ بھئی بیراگنِ،
گلِ وچِ کھلڑے کیسُ ۔2۔
بھنتِ خوشی گھرِ آؤ لڑیندیاں،
تؤ بن کوڑے ویسُ ۔3۔
(راگ للت)
10. پریئن کھے میں پیر تے لگڑی وننجا
پریئن کھے میں پیر تے لگڑی وننجا ۔1۔رہاؤ۔
لڈِ سجن پر جوہِ سدھانے
بھٹھ بابل کھوہ اماں جما ۔1۔
سجنُ جائ رلے وچِ سجنا،
نہ جھرِ جیئڑا نکما،
بھنتِ خوشی گھرِ آؤ لڑیندیاں،
مٹِ وننجن سول سہما ۔3۔
(راگُ بلاول)
کھے=دے، لگڑی=پچھے لگنا، لڈِ=
لدّ گئے،چلے گئے، پر=دوجی)
11. آؤندے سنیندے آہے اکھیندے نجیک آئے
آؤندے سنیندے آہے اکھیندے نجیک آئے،
آجُ انگِ انگِ میں انوکھی آگ جگی ہے ۔1۔رہاؤ۔
لیاوو نی سنیہا کوئی سجنا دا چنگا جیہا،
تنھاں دے آونِ دی اجُ ٹھنڈی واؤ وگی ہے ۔1۔
جدنُ مکھ لگنگے تدن بھاگ جگنگے،
اجُ مینوں دسو کوئی سچُ ہے کہ ٹھگی ہے ۔2۔
جیندے سیتی ہت چت، پندھڑا تکیندی نتِ،
تنھاں دے اماہے اجُ نیند بھکھ بھگی ہے ۔3۔
خوشی سجن آئِ ملے، سوئی دن وار بھلے،
اجُ تائیں جندڑی بھلیرے حالَ تگی ہے ۔4۔
(راگ بلاول)
12. ناہِ کسے نال لینا دینا
ناہِ کسے نال لینا دینا،
ناہِ کسے سیؤ کہنا،
ہرِ نرمل دے نالِ پریت اساڈی
ہسِ اٹھنا ہسِ بہنا ۔1۔رہاؤ۔
سئیاں دے وچِ گڑ مڑ چلے
پہن پرایا گہنہ ۔1۔
بھنتِ خوشی اسیں راہِ مسافرِ،
سے جانن جنہاں رہنا ۔2۔
(راگ رامکلی)
13. نی مائی سانوں سجنا سندڑے سولُ
نی مائی سانوں سجنا سندڑے سولُ،
تن تپے تے نین ترسن
برہاں کری رنجول ۔1۔رہاؤ۔
اک پل پیارا ندرِ ن آوے،
مراں وسورِ وسورِ ۔1۔
خوشی سجن دے دیکھن کارن،
ویساں جھوک ضرور ۔2۔
(راگُ نٹ نارائنُ)
(رنجول=اداس، وسورِ=غم
نال جھور کے)
14. جگُ ہلاونُ دنیاں دھورِ
جگُ ہلاونُ دنیاں دھورِ،
برہُ ملاہُ ستگور ستراناں،
بھرِ بھرِ پار لنگھائے پورِ ۔1۔رہاؤ۔
جنہں نے اپنا آپ پچھانا،
اس جگُ اندرُ سوئی سورِ ۔1۔
بھنتِ خوشی سنِ آکل دانیاں،
جیون دا بھرواسا کوڑِ ۔2۔
(راگ تکھاری)
(ستراناں=تان والا،تکڑا،
سورِ=سورما، آکل=سیانا)
15. اساں تساں ہنِ نویں سویں
اساں تساں ہنِ نویں سویں،
جاں لٹکندی باہرِ نکلی،
چیل سرے تے آن بھویں ۔1۔رہاؤ۔
تنھاں دے توں نیڑِ ن آویں،
جنہاں شہہ دا ناؤں لویں ۔1۔
بھنت خوشی اساں چلنِ بنیا،
جاں کھلّ لہاراں آن دھویں ۔2۔
(راگ تکھاری)
16. تسیں آونِ دی گلِ کائی دسیو نی
تسیں آونِ دی گلِ کائی دسیو نی،
میرے پیارے نے کیوں چر لایا ہی ۔1۔رہاؤ۔
مینہیاں آئِ وڑیاں گھرِ بابلِ،
میرے پیارے نوں کس برمایا ہی ۔1۔
اک پل سال وصال متراں بن،
میرے نیناں نے ساون لایا ہی ۔2۔
بھنتِ خوشی گھرِ آؤ لڑیندیاں،
تیں باجھ بسنتُ ڈرایا ہی ۔3۔
(راگ بسنت)
(برمایا=بھرمایا، وصال=ملاپ)
17. مہرمُ سائیں آئِ مل ماہی
مہرمُ سائیں آئِ مل ماہی،
فضل منگاہی تیتھوں مہر منگاہی ۔1۔رہاؤ۔
ایہہ جگ جیون چار دہاڑے،
اج کلھ مر ویساں ہی ۔1۔
کوئِ ن جانے دل مینڈے دی،
ملے تاں حالَ آکھاں ہی ۔2۔
بھنتِ خوشی ہن جیون کیہا،
بنا وصال مراں ہی ۔3۔
(راگ کانڑا)
18. ندانا وو میں ناگ ایانے ڈنگی
ندانا وو میں ناگ ایانے ڈنگی،
چوچک دے گھرِ گھنیاں دھیاں،
کیا ہویا ہیر مندی ۔1۔رہاؤ۔
لوک جانے ہیر کملی ہوئی،
میں رنگِ رانجھے دے رنگی ۔1۔
بھنتِ خوشی گھرِ آؤ لڑیندیاں،
تھی بہاں ہن چنگی ۔2۔
(راگ کانڑا)
19. ارے بیر کاسوں کہیٔے پیر
ارے بیر کاسوں کہیٔے پیر،
پیا بچھرنِ کی پیر ۔1۔رہاؤ۔
آون کہہ گئے اجہوں ن آئے،
میرے لگا کلیجے تیر ۔1۔
دارو لایا لگدا ناہیں،
میں کیوں کرِ باندھاں دھیر ۔2۔
رینِ دناں موہِ ترفت بیتے،
جیوں مچھلی بن نیر ۔3۔
بھنتِ خوشی گھرِ آؤ لڑیندیاں،
میرا تاں دل تھیؤم دھیر ۔4۔
(راگ کھماچُ)
(کاسوں=کیہنوں، پیر=پیڑ،غم،
دھیر=چین،دھیرج)
| |
