کافیاں/نظماں سید شاہ مراد
1. لگا نیہُ رہیا ہن میں تھیں
لگا نیہُ رہیا ہن میں تھیں،
سرمہ مؤلی مہندی ۔1۔رہاؤ۔
سئیاں دیکھ دوانی آکھن،
کول ن کائی بہندی ۔1۔
لکھ بدیاں تے سؤ تانے،
سن سن سر تے سہندی ۔2۔
شاہ مراد نیہُ آپے لایا،
کیتا اپنا لیہندی ۔3۔
(راگ دیوَ گندھاری)
2. نیہڑا دہاڑا مہیاں
نیہڑا دہاڑا مہیاں،
اگے بھی کے لایا کہیاں،
کاہل کیوں کیتی سئیاں
ہویا کیا جلیکھاں نوں ۔1۔رہاؤ۔
بوبنا اتے جلالُ
سوہنی اتے مہیوال،
ہیرے نالِ رانجھن پیارُ،
ہت پیار پورا آہا،
سسی نالِ پنوں نوں ۔1۔
مچھی نالِ پانی پیارُ،
دیوے دا پتنگ یار،
پھولوں اپرِ بھؤر وار،
ہت پیارُ پورا آہا،
لیلاں نالِ مجنوں نوں ۔2۔
آکھے ہنِ مراد ساہو،
اگے بھی تے ایہو راہُ،
نیہڑا چروکا لوکا،
کھولو دیکھِ کتاباں نوں ۔3۔
(راگ جیجاونتی)
3. اؤگناری نوں کوئِ گن ناہی
اؤگناری نوں کوئِ گن ناہی،
کی عرض کراں دیدار دی ۔1۔رہاؤ۔
پلک بہاری جھاڑو دیوے،
چوہڑی ہاں دربار دی ۔1۔
آپ گھولی سبھ پارا گھولی،
سر گھرِ تیتھوں واردی ۔2۔
شاہ مراد جے اک جھاتی پائیں،
جان شرینی تاردی ۔3۔
(راگ رامکلی)
(پارا=پریوار)
4. نؤ رنگ جوبن، نئی بہار
نؤ رنگ جوبن، نئی بہار،
بن پریتم ہوت چھار ۔1۔رہاؤ۔
اڈ رے بھؤرے جائں بدیس،
میرے پیا کو کہیئؤ ست سندیس ۔
موکؤ برہُ ستاوے بار بار،
موہِ نمانی کی کرہُ سارُ ۔1۔
اک تو جاری رتِ بسنتُ،
دوجے جاری بن آپنے کنتُ ۔
تیجے کوئل بولے امب ڈار،
چؤتھے پاپی پپیہرا پیا پیا کرے پکار ۔2۔
مراد پکارے پیؤُ پیؤُ،
جن ڈٹھیاں ٹھرے میرا جیؤ ۔
میریاں رگاں پکارن تار تار،
میرا ہیئرا پکارے یار یار ۔3۔
(راگ بسنتُ)
(چھار=سواہ،خاک، جاری=پھوکی)
5. جاگن چنگا تے نیندر مندی
جاگن چنگا تے نیندر مندی،
نیندر یوسف نوں کھوہ سٹایا ۔
نیندر مار زلیخا کملی کیتی،
جس سسی نوں تھلیں رلایا ۔
نیندر جیڈ ویری نہ کائی،
جس مرزا کھڑ کہایا ۔
شاہ مراد عاشق کیونکر سوندے،
جنہاں نہں ہادی ول لایا ۔
6. پیارے بن سئیؤ نی
پیارے بن سئیؤ نی !
مینڈھی دل نہیوں رہندی رکھی،
آجزی کر تھکی ۔
اٹھن بہن آرام نہ آوے،
نیندر نہ پیندی اکھی ۔
باجھ پیارے میرا ہور نہ کوئی دارو،
کت ول جاواں تتی ۔
کتنے میں لا دلاسے رہیاں،
مینڈھی دلبر دھر لگدی نہ رتی ۔
شاہ مراد گھر آوے پیارا،
دل صدقے کر کر گھتی ۔
7. من عطار ستار کہایا
من عطار ستار کہایا، واحدت اندر وڑیا ۔
شاہ مراد ہک لفظ جوہاں، منصور کیوں سولی چڑھیا ۔
ہر ہوواں تاں ہر کوئی پکڑے، کیوں اﷲ آپ کہایا ۔
میں توں آکھیاں صاحب مارے، بن میں کنت کہایا ۔
شاہ مراد حیرانی اندر، کسے سادھو پیر کے پایا ۔
گھر وچ پنّ چنگیرا، کیا مکہ کیا تیرتھ گنگا ۔
یار رہا کجھ پار سائیں دے، یا بھکھا ننگا ۔
یا مسہف یا وید منیوے، حکم کیہا دورنگا ۔
مومن شاہ مراد بھلا، یا ہندو کوئی چنگا ۔
نیکی بدی اساں تے لائی، کس تے حکم چلائیے ۔
شاہ مراد حکم دورنگی، کس تے عمل کرائیے ۔
سرگے نرکے داخل ہوسی، ایہہ چنگا اس راہ ۔
شاہ مراد کرنی بھرنی آپو اپنی، ربّ تھیں سمجھا ۔
ہکنا دا ملّ لال جواہر، ہکنا ملّ پچیز کرے ۔
ربّ صاحب گھمڈھول مچایا، شاہ مراد تمیز کرے ۔
عاشق کہنا سہل ہے، عشقَ دا محل ہے دور ۔
کیتے وہن وہِ گئے، عشقَ بناں سبھ کوڑ ۔
| |
