جپُ گورو نانک دیوَ جی
جپُ
اک اونکار ست نامُ کرتا پرکھ نربھؤ نرویرُ
اکال مورتِ اجونی سیبھں گر پرسادِ ۔۔
(اک اونکار دا اچارن ہے " اک (ایک) اوانکار"
اتے اسدا ارتھ ہے "اک اکال پرکھ، جو
اک-رس ویاپک ہے"، ستنامُ=اوہ اک
اوانکار، جس دا نام ہے ہوند والا، کرتا
پرکھ=جو سارے جگت وچ ویاپک ہے، اکال
مورتِ=کال رہت سروپ، اجونی= جون-رہت،
سیبھں=سویمبھو (سو-سویں ۔ بھں-بھو) اپنے آپ توں
ہون والا، گر پرسادِ=گورو دی کرپا نال؛
ایہہ اپروکت گرسکھی دا مول-منتر ہے ۔ اس
توں اگانھ لکھی گئی بانی دا نام ہے 'جپُ')
۔۔ جپُ ۔۔
آدی سچُ جگادِ سچُ ۔۔
ہے بھی سچُ نانک ہوسی بھی سچُ ۔۔1۔۔
(آدی=مڈھ توں، سچُ=جس دی ہوند ہے)
سوچے سوچِ ن ہووئی جے سوچی لکھ وار ۔۔
چپے چپ ن ہووئی جے لائِ رہا لو تار ۔۔
بھکھیا بھکھ ن اتری جے بنا پریا بھار ۔۔
سہس سیانپا لکھ ہوہِ ت اک ن چلے نالِ ۔۔
کوَ سچیارا ہوئیئے کوَ کوڑے تٹے پالِ ۔۔
حکمِ رجائی چلنا نانک لکھیا نالِ ۔۔1۔۔
(سوچے=سچِ رکھن نال، پوترتا قایم رکھن
نال، سوچِ=پوترتا،سچّ، سوچی=میں سچّ رکھاں،
چپ=شانتی، من دی چپّ، لو تار=لو دی
تار، اک-تار سمادھی، بھکھ=ترشنا،لالچ،
بنا=بنھ لواں، پوری=لوک، بھار=پدارتھاں دے
سموہ، سہس=ہزاراں، سیانپا=چترائیاں،
ہوہِ=ہوون، کوَ=کس طرحاں، ہوئیئے=ہو سکیئے،
کوڑے پالِ=کوڑ دی کندھ،کوڑ دا پردہ، سچیارا=
سچ دا گھر، رجائی=رضا والا، نالِ=جیو دے
نال ہی)
حکمی ہوونِ آکار حکمُ ن کہیا جائی ۔۔
حکمی ہوونِ جی حکمِ ملے وڈیائی ۔۔
حکمی اتمُ نیچُ حکمِ لکھ دکھ سکھ پائیٔہہ ۔۔
اکنا حکمی بخسیس اکِ حکمی سدا بھوائیٔہہ ۔۔
حکمے اندرِ سبھ کو باہرِ حکم ن کوئِ ۔۔
نانک حکمے جے بجھے ت ہؤمے کہےَ ن کوئِ ۔۔2۔۔
(حکمی=حکم وچ، آکار=سروپ، سریر،
اتمُ=سریشٹ، لکھ=لکھے انوسار، پائیٔہہ=
پائیدے ہن، اکنا=کئی منکھاں نوں، بخسیس=
دات، بھوائیٔہہ=جنم مرن دے گیڑ وچ پائے
جاندے ہن)
گاوے کو تانُ ہووے کسےَ تانُ ۔۔
گاوے کو داتِ جانے نیسانُ ۔۔
گاوے کو گن وڈیائیا چار ۔۔
گاوے کو ودیا وکھمُ ویچارُ ۔۔
گاوے کو ساجِ کرے تنُ کھیہہ ۔۔
گاوے کو جی لے پھرِ دیہہ ۔۔
گاوے کو جاپے دسے دورِ ۔۔
گاوے کو ویکھے حادرا حدورِ ۔۔
کتھنا کتھی ن آوے توٹِ ۔۔
کتھ کتھ کتھی کوٹی کوٹِ کوٹِ ۔۔
دیدا دے لیدے تھکِ پاہِ ۔۔
جگا جگنترِ کھاہی کھاہِ ۔۔
حکمی حکمُ چلا ئے راہُ ۔۔
نانک وگسے ویپرواہُ ۔۔3۔۔
(کو=کوئی منکھ، تانُ=بل،
کسےَ=جس کسے منکھ نوں،
داتِ=بخشے ہوئے پدارتھ،
نیسانُ=(بخشش دا) نشان،
چار=سندر، وکھمُ=کٹھن،اوکھا،
ویچارُ=گیان، ساجِ=پیدا کرکے،
کھیہہ=سواہ،جی=جیواتما، دیہہ=
دے دیندا ہے، حادرا حدورِ=حاضر
ناظر، کتھنا توٹِ=کہن دی ٹوٹ،
گن ورنن کرن دا انت، کتھ کتھ
کتھی=آکھ آکھ کے آکھی ہے،بے انت
واری پربھو دے حکم دا ورنن کیتا
ہے، کوٹِ=کروڑ، کروڑاں جیواں نے
دیدا= دین والا، لیدے=لین والے جیو،
تھکِ پاہِ=تھک پیندے ہن، جگا جگنترِ=
سارے جگاں وچ ہی، کھاہی کھاہِ=کھاندے ہی
کھاندے ہن، ورتدے چلے آ رہے ہن، راہُ=
رستہ،سنسار دی کار، وگسے=کھڑ رہا
ہے، پرسنّ ہے، ویپرواہُ=بے فکر)
ساچا صاحبُ ساچُ نائ بھاکھیا بھاؤ اپارُ ۔۔
آکھہہ منگہہ دیہہ دیہہ داتِ کرے داتارُ ۔۔
پھیرِ کہ اگے رکھیئے جتُ دسے دربارُ ۔۔
مہو کہ بولنُ بولیئے جتُ سنِ دھرے پیارُ ۔۔
امرت ویلا سچُ ناؤ وڈیائی ویچارُ ۔۔
کرمی آوے کپڑا ندری موکھ دوارُ ۔۔
نانک ایوے جانیئ سبھ آپے سچیارُ ۔۔4۔۔
(ساچا=ہوند والا،سدا-تھر رہن والا،
نائ=نیائ،انصاف،نییم، پھیرِ= پھر،
کہ=کہڑی بھیٹا، رکھیئے=رکھی جائے، جتُ=
جس بھیٹا دا صدقہ، دسے=دسّ پئے، مہو=
منہ توں، کہ بولنُ=کہڑا بچن، دھرے=ٹکا
دیوے،کرے، امرت ویلا=امرت دا ویلا،پورن
کھڑاؤ دا سماں، کرمی=پربھو دی مہر نال)
تھاپیا ن جائ کیتا ن ہوئِ ۔۔
آپے آپِ نرنجنُ سوئِ ۔۔
جنِ سیویا تنِ پایا مانُ ۔۔
نانک گاویئ گنی ندھانُ ۔۔
گاویئ سنیئے منِ رکھیئے بھاؤ ۔۔
دکھ پرہرِ سکھ گھرِ لے جائ ۔۔
گرمکھِ نادں گرمکھِ ویدں گرمکھِ رہیا سمائی ۔۔
گرُ ایسرُ گرُ گورکھُ برما گرُ پاربتی مائی ۔۔
جے ہؤ جانا آکھا ناہی کہنا کتھنُ ن جائی ۔۔
گرا اک دیہہ بجھائی ۔۔
سبھنا جیا کا اکُ داتا سو مے وسرِ ن جائی ۔۔5۔۔
(تھاپیا نہ جائ=تھاپیا نہیں جا سکدا، جنِ=
جس منکھ نے، گنی ندھانُ=گناں دے خزانے نوں، رکھیئے=
ٹکائیے، بھاؤ=ربّ دا پیار، دکھ پرہرِ=دکھ نوں
دور کرکے، گھرِ=ہردے وچّ، نادں=آواز،شبد،نام،
ویدں=گیان، ایسرُ=شو، برما=برہما، پاربتی
مائی=مائی پاربتی، ہؤ=میں، گرا=ہے ستگورو، اک
بجھائی=اک سمجھ)
تیرتھِ ناوا جے تسُ بھاوا ونُ بھانے کہ نائ کری ۔۔
جیتی سرٹھ اپائی ویکھا ونُ کرما کہ ملے لئی ۔۔
متِ وچِ رتن جواہر مانک جے اک گر کی سکھ سنی ۔۔
گرا اک دیہہ بجھائی ۔۔
سبھنا جیا کا اکُ داتا سو مے وسرِ ن جائی ۔۔6۔۔
(تیرتھِ=تیرتھ اتے، تسُ=اس ربّ نوں، بھاوا=میں چنگا
لگاں، ونُ بھانے=ربّ نوں چنگا لگن توں بنا، کہ نائ
کری=نھائ کے میں کیہ کراں، جیتی=جتنی، سرٹھی=سرشٹی،
ویکھا=میں ویکھدا ہاں، ونُ کرما=پربھو دی میہر توں بنا،
متِ وچِ=بدھ دے اندر ہی، مانک=موتی، اک سکھ=
اک سکھیا، سنی=سنیئے،سنی جائے)
جے جگ چارے آرجا ہور دسونی ہوئِ ۔۔
نوا کھنڈا وچِ جانیئ نالِ چلے سبھ کوئِ ۔۔
چنگا ناؤ رکھائِ کے جسُ کیرتِ جگِ لےئِ ۔۔
جے تسُ ندرِ ن آوئی ت وات ن پچھے کے ۔۔
کیٹا اندرِ کیٹُ کرِ دوسی دوسُ دھرے ۔۔
نانک نرگن گنُ کرے گن ونتیا گنُ دے ۔۔
تیہا کوئِ ن سجھئی جِ تسُ گنُ کوئِ کرے ۔۔7۔۔
(جگ چارے=چہوں جگاں جتنی، آرجا=عمر،
دسونی=دس گنی، نوا کھنڈا وچِ=ساری سرشٹی
وچ، جانیئ=جانیا جائے، نالِ چلے=نال ہو
کے ترے، حمایتی ہووے، چنگا ناؤ رکھائِ کے=چنگے
نامنے والا ہو کے، کیرتِ=شوبھا، جگِ=جگ وچ،
ندرِ=کرپا-درشٹی وچ، وات=خبر،سرت،
ن کے=کوئی منکھ نہیں، کیٹُ=کیڑا، دوسُ دھرے=
دوسُ لاaندا ہے، کیٹا اندرِ کیٹُ=ممولی جیہا
کیڑا، نرگن=گن-ہین منکھ وچ، گن ونتیا=
گنی منکھاں نوں، تیہا=ایہو جیہا، ن سجھئی=نہیں
لبھدا، جِ=جہڑا، تسُ=اس نرگن نوں)
سنیٔے سدھ پیر سرِ ناتھ ۔۔
سنیٔے دھرتِ دھول آکاس ۔۔
سنیٔے دیپ لوء پاتال ۔۔
سنیٔے پوہِ ن سکے کالُ ۔۔
نانک بھگتا سدا وگاسُ ۔۔
سنیٔے دوکھ پاپ کا ناسُ ۔۔8۔۔
(سنیٔے=سنیاں، سنن نال،
سدھ=اوہ جوگی جنہاں دی گھال
کمائی سفل ہو چکی ہے، سرِ=
دیوتے، دھول=بولد،دھرتی دا
آسرا، دیپ=دھرتی دی ونڈ
دے ست دیپ، لوء=لوک،بھون،
پوہِ ن سکے=ڈرا نہیں سکدا،
وگاسُ=کھڑاؤ،خوشی)
سنیٔے ایسرُ برما اندُ ۔۔
سنیٔے مکھ سالاہن مندُ ۔۔
سنیٔے جوگ جگتِ تنِ بھید ۔۔
سنیٔے ساست سمرتِ وید ۔۔
نانک بھگتا سدا وگاسُ ۔۔
سنیٔے دوکھ پاپ کا ناسُ ۔۔9۔۔
(ایسرُ=شو، اندُ=اندر
دیوتا، سالاہن=ربّ دیاں
وڈیائیاں، مندُ=بھیڑا منکھ،
جوگ جگتِ=جوگ دے سادھن،
بھید=گلاں)
سنیٔے ستُ سنتوکھُ گیانُ ۔۔
سنیٔے اٹھسٹھ کا اسنانُ ۔۔
سنیٔے پڑِ پڑِ پاوہِ مانُ ۔۔
سنیٔے لاگے سہجِ دھیانُ ۔۔
نانک بھگتا سدا وگاسُ ۔۔
سنیٔے دوکھ پاپ کا ناسُ ۔۔10۔۔
(ستُ سنتوکھُ=دان تے سنتوکھ)
سنیٔے سرا گنا کے گاہ ۔۔
سنیٔے سیخ پیر پاتساہ ۔۔
سنیٔے اندھے پاوہِ راہُ ۔۔
سنیٔے ہاتھ ہووے اسگاہُ ۔۔
نانک بھگتا سدا وگاسُ ۔۔
سنیٔے دوکھ پاپ کا ناسُ ۔۔11۔۔
(سرا گنا کے=گناں دے سرووراں
دے، گاہ=گاہن والے،سوجھ والے،
اسگاہُ=ڈونگھا سمندر،سنسار،
ہاتھ=ڈونگھیائی دی سمجھ)
منے کی گتِ کہی ن جائ ۔۔
جے کو کہےَ پچھے پچھتائ ۔۔
کاگدِ قلم ن لکھنہارُ ۔۔
منے کا بہہ کرنِ ویچارُ ۔۔
ایسا نامُ نرنجنُ ہوئِ ۔۔
جے کو منّ جانے منِ کوئِ ۔۔12۔۔
(منے کی=منن والے دی،یقین
کر لین والے دی، گتِ=حالت،
ویچارُ=وڈیائی دی ویچار، بہہ
کرنِ=بیٹھ کے کردے ہن، منّ جانے=
شردھا رکھ کے ویکھے، کاگدِ=کاغذ
اتے)
منے سرتِ ہووے منِ بدھ ۔۔
منے سگل بھون کی سدھِ ۔۔
منے موہِ چوٹا نہ کھائِ ۔۔
منے جم کے ساتھ ن جائ ۔۔
ایسا نامُ نرنجنُ ہوئِ ۔۔
جے کو منّ جانے منِ کوئِ ۔۔13۔۔
(سرتِ ہووے=(اچی) سرت ہو
جاندی ہے، بدھ=جاگرت، سدھِ=
خبر،سوجھی، موہِ=منہ اتّ،
چوٹا=سٹاں، جم کے ساتھ=
جماں دے نال)
منے مارگِ ٹھاک ن پائِ ۔۔
منے پتِ سیؤ پرگٹُ جائ ۔۔
منے مگُ ن چلے پنتھُ ۔۔
منے دھرم سیتی سنبندھُ ۔۔
ایسا نامُ نرنجنُ ہوئِ ۔۔
جے کو منّ جانے منِ کوئِ ۔۔14۔۔
(مارگِ=راہ وچ، ٹھاک=روک،
پتِ سیؤ=عزت نال، پرگٹُ=
پرسدھّ ہو کے)
منے پاوہِ موکھ دوارُ ۔۔
منے پروارے سادھارُ ۔۔
منے ترے تارے گرُ سکھ ۔۔
منے نانک بھوہِ ن بھکھ ۔۔
ایسا نامُ نرنجنُ ہوئِ ۔۔
جے کو منّ جانے منِ کوئِ ۔۔15۔۔
(پاوہِ=لبھّ لیندے ہن، موکھ
دوارُ=مکتی دا دروازہ،
پروارے=پروار نوں، سادھارُ=
آدھار سہت کردا ہے، ترے
گرُ=گورو آپِ تردا ہے، سکھ=
سکھاں نوں)
پنچ پروان پنچ پردھانُ ۔۔
پنچے پاوہِ درگہہ مانُ ۔۔
پنچے سوہہہ درِ راجانُ ۔۔
پنچا کا گرُ ایکو دھیانُ ۔۔
جے کو کہےَ کرے ویچارُ ۔۔
کرتے کے کرنے ناہی سمارُ ۔۔
دھولُ دھرمُ دئیا کا پوتُ ۔۔
سنتوکھُ تھاپِ رکھیا جنِ سوتِ ۔۔
جے کو بجھے ہووے سچیارُ ۔۔
دھولے اپرِ کیتا بھارُ ۔۔
دھرتی ہورُ پرے ہورُ ہورُ ۔۔
تس تے بھارُ تلے کونُ جورُ ۔۔
جی جاتِ رنگا کے ناوَ ۔۔
سبھنا لکھیا وڑی کلام ۔۔
ایہہ لیکھا لکھ جانے کوئِ ۔۔
لیکھا لکھیا کیتا ہوئِ ۔۔
کیتا تانُ سوالہہ روپُ ۔۔
کیتی داتِ جانے کونُ کوتُ ۔۔
کیتا پساؤ ایکو کواؤ ۔۔
تس تے ہوئے لکھ دریاؤ ۔۔
قدرتِ کون کہا ویچارُ ۔۔
واریا ن جاوا ایک وار ۔۔
جو تدھُ بھاوے سائی بھلی کار ۔۔
تو سدا سلامتِ نرنکار ۔۔16۔۔
(پنچ=اوہ منکھ جنہاں نام سنیا
ہے تے منیا ہے، کہےَ=بیان کرے،
کرتے کے کرنے=کرتار دی قدرت
دا، سمارُ=حساب،لیکھا، دھولُ=بلد،
دئیا کا پوتُ=دئیا دا پتر،
تھاپِ رکھیا=ٹکا رکھیا، سوتِ=
سوتر وچ،مریادا وچ، بجھے=
سمجھ لئے، سچیارُ=سچ دا
پرکاش ہون لئی یوگ، کیتا بھارُ=
بے انت بھار، دھرتی ہورُ=دھرتی دے
ہیٹھاں ہور بلد، پرے=اس توں ہیٹھاں،
تلے=اس بلد دے ہیٹھاں، کونُ جورُ=
کہڑا سہارا، کے ناوَ=کئی ناواں دے،
وڑی کلام=چلدی قلم نال، لکھ
جانے=لکھدا جاندا ہے، کوئِ=کوئی
ورلا، کیتا ہوئِ=کیڈا وڈا ہو جائے،
پساؤ=پسارا،سنسار، کواؤ=بچن،
سوالہہ=سندر، کوتُ=ماپ،اندازہ،
قدرتِ کون=کیہ سمرتھا، کہا
وچارُ=میں وچار کر سکاں، واریا
نہ جاوا=صدقے نہیں ہو سکدا، سائی
کار=اوہو کار،اوہو کم، سلامتِ=
تھر،اٹلّ، نرنکار=ہے ہری)
اسنکھ جپ اسنکھ بھاؤ ۔۔
اسنکھ پوجا اسنکھ تپ تاؤ ۔۔
اسنکھ گرنتھ مکھ وید پاٹھ ۔۔
اسنکھ جوگ منِ رہہہ اداس ۔۔
اسنکھ بھگت گن گیان ویچار ۔۔
اسنکھ ستی اسنکھ داتار ۔۔
اسنکھ سور مہ بھکھ سار ۔۔
اسنکھ مونِ لو لائِ تار ۔۔
قدرتِ کون کہا ویچارُ ۔۔
واریا ن جاوا ایک وار ۔۔
جو تدھُ بھاوے سائی بھلی کار ۔۔
تو سدا سلامتِ نرنکار ۔۔17۔۔
(اسنکھ=انگنت، بھاؤ=پیار،
تپ=تاؤ=تپاں دا تپنا، اداس
رہہہ=اپرام رہندے ہن، ستی=
ست دھرم والے منکھ، سور=سورمے،
مہ=مونہاں اتے، بھکھسار=سار بھکھن
والے،شستراں دے وار سہن والے،
مونِ=چپّ رہن والے، لو لائِ
تار=لو دی تار لا کے، اک-رس
لو لا کے)
اسنکھ مورکھ اندھ گھور ۔۔
اسنکھ چور حرام خور ۔۔
اسنکھ امر کرِ جاہِ زور ۔۔
اسنکھ گل وڈھ ہتیا کماہِ ۔۔
اسنکھ پاپی پاپُ کرِ جاہِ ۔۔
اسنکھ کوڑیار کوڑے پھراہِ ۔۔
اسنکھ ملیچھ ملُ بھکھ کھاہِ ۔۔
اسنکھ نندک سرِ کرہِ بھارُ ۔۔
نانکُ نیچُ کہےَ ویچارُ ۔۔
واریا ن جاوا ایک وار ۔۔
جو تدھُ بھاوے سائی بھلی کار ۔۔
تو سدا سلامتِ نرنکار ۔۔18۔۔
(مورکھ اندھ گھور=مہاں مورکھ،
حرام خور=پرایا مال کھان
والے، امر=حکم، زور=دھکے،
کرِ جاہِ=کر کے چلے جاندے ہن،
ہتیا کماہِ=دوجیاں دے گل
وڈھدے ہن، کوڑیار= جھوٹھ دے
سبھاؤ والے، کوڑے=کوڑ وچ ہی،
پھراہِ=رجھے ہوئے ہن، ملیچھ=
کھوٹی بدھ والے منکھ، بھکھ کھاہِ=
ہابڑیاں وانگ کھائی جاندے ہن،
سرِ کرہِ بھارُ=اپنے سر
اتے بھار چکدے ہن)
اسنکھ ناوَ اسنکھ تھاو ۔۔
اگمّ اگمّ اسنکھ لوء ۔۔
اسنکھ کہہہ سرِ بھارُ ہوئِ ۔۔
اکھری نامُ اکھری صالاح ۔۔
اکھری گیانُ گیت گن گاہ ۔۔
اکھری لکھنُ بولنُ بانِ ۔۔
اکھرا سرِ سنجوگُ وکھانِ ۔۔
جنِ ایہِ لکھے تسُ سرِ ناہِ ۔۔
جو فرمائے تو تو پاہِ ۔۔
جیتا کیتا تیتا ناؤ ۔۔
ونُ ناوے ناہی کو تھاؤ ۔۔
قدرتِ کون کہا ویچارُ ۔۔
واریا ن جاوا ایک وار ۔۔
جو تدھُ بھاوے سائی بھلی کار ۔۔
تو سدا سلامتِ نرنکار ۔۔19۔۔
(ناوَ=نام، اگمّ=جس تائیں
پہنچ ن ہو سکے، اسنکھ لوء=
انیکاں ہی بھون، اکھری=اکھراں
دی راہیں ہی، صالاح=صفتِ،
گن گاہ=گناں دے واقف، بانِ=
بانی،بولی، اکھرا سرِ=اکھراں
دی راہیں ہی، سنجوگُ=بھاگاں دا لیکھ،
وکھانِ=دسیا جا سکدا ہے، جنِ=
جس اکال پرکھ نے، ایہِ=سنجوگ دے
ایہہ اکھر، تسُ سرِ=اس دے متھے
اتے، ناہِ=نہیں ہے، جو=جس طرحاں،
تو تو=اسے طرحاں، پاہِ=پا لیندے
ہن، جیتا کیتا=ایہہ سارا سنسار جو
اکال پرکھ نے پیدا کیتا ہے، تیتا=
اوہ سارا، ناؤ=نام،روپ)
بھریئے ہتھُ پیرُ تنُ دیہہ ۔۔
پانی دھوتے اترسُ کھیہہ ۔۔
موت پلیتی کپڑُ ہوئِ ۔۔
دے صابونُ لئیٔے اوہُ دھوئ ۔۔
بھریئے متِ پاپا کے سنگِ ۔۔
اوہُ دھوپے ناوے کے رنگِ ۔۔
پنی پاپی آکھنُ ناہِ ۔۔
کرِ کرِ کرنا لکھ لے جاہُ ۔۔
آپے بیجِ آپے ہی کھاہُ ۔۔
نانک حکمی آوہُ جاہُ ۔۔20۔۔
(بھریئے=جے بھر جائے، تنُ=سریر،
دیہہ=سریر، اترس=اتر جاندی ہے،
موت پلیتی=موتر نال پلیت،کپڑُ=
کپڑا،دے صابونُ=صابن لا کے، لئیٔے
دھوئ=دھو لئیدا ہے، متِ=بدھ، دھوپے=
دھپدا ہے، ناوے کے رنگِ=اکال پرکھ
دے نام دے پریم نال)
تیرتھُ تپُ دئیا دتُ دانُ ۔۔
جے کو پاوے تل کا مانُ ۔۔
سنیا منیا منِ کیتا بھاؤ ۔۔
انترگتِ تیرتھِ ملِ ناؤ ۔۔
سبھِ گن تیرے مے ناہی کوئِ ۔۔
ونُ گن کیتے بھگتِ ن ہوئِ ۔۔
سواستِ آتھ بانی برماؤ ۔۔
ست سہانُ سدا منِ چاؤ ۔۔
کونُ سو ویلا وکھتُ کونُ کون تھتِ کونُ وارُ ۔۔
کونِ سِ رتی ماہُ کونُ جتُ ہوآ آکارُ ۔۔
ویل ن پائیا پنڈتی جِ ہووے لیکھ پرانُ ۔۔
وکھتُ ن پائیو قادیا جِ لکھنِ لیکھ قرانُ ۔۔
تھتِ وارُ نہ جوگی جانے رتِ ماہُ نہ کوئی ۔۔
جا کرتا سرٹھی کؤ ساجے آپے جانے سوئی ۔۔
کوَ کرِ آکھا کوَ صالاحی کیؤ ورنی کوَ جانا ۔۔
نانک آکھنِ سبھ کو آکھے اک دو اکُ سیانا ۔۔
وڈا صاحبُ وڈی نائی کیتا جا کا ہووے ۔۔
نانک جے کو آپو جانے اگے گیا ن سوہے ۔۔21۔۔
(جے کو پاوے=جے کوئی منکھ پراپت کرے، تل کا=
تل ماتر، دتُ=دتا ہویا، انترگتِ تیرتھِ=
اندرلے تیرتھ اتے، ملِ=مل مل کے، ناؤ=
اشنان، ونُ گنُ کیتے=گن پیدا کرن توں
بنا، ن ہوئِ=نہیں ہو سکدی، سواستِ=جےَ
ہووے تیری، برماؤ=برہما، ست=سدا=تھر،
سہانُ=سبحان،سوہنا، ویل ن پائیا=سماں
نہ لبھا، پنڈتی=پنڈتاں نے، جِ=نہیں تاں، لیکھ
پرانُ=پران-روپن لیکھ، قادیا=قاضیاں نے،
جِ=نہی تاں، لکھنِ=لکھ دیندے، لیکھ قرانُ=
قرآن ورگا لیکھ، جا کرتا=جہڑا کرتار،
سرٹھی کؤ=جگت نوں، ساجے=پیدا کردا ہے،
آپے سوئی=اوہ آپ ہی، کوَ کرِ=کس
طرحاں۔ آکھا=میں آکھاں، صالاحی=میں سالاہاں،
ورنی=میں ورنن کراں، سبھ کو=ہریک جیو،
آکھنِ آکھے=آکھن نوں تاں آکھدا ہے، اک
دو اکُ سیانا=اک دوجے توں سیانا بن
بن کے، دو=توں، صاحبُ=مالک، نائی=
وڈیائی، جا کا=جس دا، جے کو=جے کوئی
منکھ، آپو=اپنے آپ توں، ن سوہے=سوبھدا
نہیں، اگے گیا=اکال پرکھ دے در جا کے)
پاتالا پاتال لکھ آگاسا آگاس ۔۔
اوڑک اوڑک بھالِ تھکے وید کہنِ اک وات ۔۔
سہس اٹھارہ کہنِ کتیبا اصولُ اکُ دھاتُ ۔۔
لیکھا ہوئِ ت لکھیئے لیکھے ہوئِ وناسُ ۔۔
نانک وڈا آکھیئے آپے جانے آپُ ۔۔22۔۔
(پاتالا پاتال=پاتالاں دے ہیٹھ ہور پاتال
ہن، آگاسا آگاس=آکاشاں دے اتے ہور
آکاش ہن، اوڑک=اخیر، بھالِ تھکے=بھال
کے تھکّ گئے ہن، اک وات=اک گلّ، سہس
اٹھارہ=اٹھاراں ہزار (عالم)، کتیبا=
عیسائی مت تے اسلام آدک دیاں چار
کتاباں: قرآن، انجیل، توریت تے زمبور،
اصولُ=مڈھ، نوٹ=ایہہ عربی بولی دا لفظ
ہے، اکھر 'س' دا ہیٹھلا ( ُ ) عربی دا
اخر 'سواد' دسن واسطے ہے، اک دھاتُ=
اک اکال پرکھ، لیکھا ہوئِ=جے لیکھا ہو سکے،
لکھیئے=لکھ سکیدا ہے، لیکھے وناسُ=لیکھے دا
خاتمہ، آکھیئے=آکھیدا ہے، آپے=اوہ آپ
ہی، جانے=جاندا ہے، آپُ=اپنے آپ)
صالاحی سالاہِ ایتی سرتِ ن پائیا ۔۔
ندیا اتے واہ پوہِ سمندِ ن جانیئہِ ۔۔
سمند ساہ سلطان گرہا سیتی مالُ دھنُ ۔۔
کیڑی تلِ ن ہوونی جے تسُ منہُ ن ویسرہِ ۔۔23۔۔
(صالاحی=صلاحون-جوگہن پرماتما، سالاہِ=
صفتِ-صالاح کر کے، ایتی سرتِ=اتنی سمجھ،
ن پائیا=کسے نے نہیں پائی، اتے=اتے، واہ=
وہن، نالے، سمندِ=سمندر وچ، ن جانیئہِ=
نہیں جانے جاندے،تے سمندر دی تھاہ نہیں پا سکدے،
سمند ساہ سلطان=سمندراں دے پاتشاہ تے سلطان،
گرہا سیتی=پہاڑاں جیڈے، تلِ=برابر، ن ہوونی=
نہیں ہندے، تسُ منہُ=اوہ کیڑی دے من وچوں، جے ن
ویسرہِ=جے توں ناہ وسر جائیں)
انتُ ن صفتی کہنِ ن انتُ ۔۔
انتُ ن کرنے دینِ ن انتُ ۔۔
انتُ ن ویکھنِ سننِ ن انتُ ۔۔
انتُ ن جاپے کیا منِ منتُ ۔۔
انتُ ن جاپے کیتا آکارُ ۔۔
انتُ ن جاپے پاراوارُ ۔۔
انت کارنِ کیتے بل لاہِ ۔۔
تا کے انت ن پائے جاہِ ۔۔
ایہہ انتُ ن جانے کوئِ ۔۔
بہتا کہیٔے بہتا ہوئِ ۔۔
وڈا صاحبُ اوچا تھاؤ ۔۔
اوچے اپرِ اوچا ناؤ ۔۔
ایوڈُ اوچا ہووے کوئِ ۔۔
تسُ اوچے کؤ جانے سوئِ ۔۔
جیوڈُ آپِ جانے آپِ آپِ ۔۔
نانک ندری کرمی داتِ ۔۔24۔۔
(صفتی=صفتاں دا، کرنے=بنائی
ہوئی قدرت دا، دینِ=داتاں دین نال،
ن جاپے=نہیں جاپدا، منِ=(اکال
پرکھ دے) من وچ، منتُ=صلاحَ، کیتا=
بنایا ہویا، آکارُ=ایہہ جگت
جو دسّ رہا ہے، پاراوارُ=پارلا تے
ارلا بنا، انت کارنِ=حد-بنا
لبھن لئی، کیتے=کئی منکھ، بل لاہِ=
ولکدے ہن،ترلے لیندے ہن، تا کے انت=
اس اکال پرکھ دے حد-بنے، ن پائے
جاہِ=لبھے نہیں جا سکدے، ایہہ انت=
ایہہ حد=بنا، بہتا کہیٔے=جیوں
جیوں اکال پرکھ نوں وڈا آکھیئے،
بہتا ہوئِ=تؤں تؤں اوہ ہور وڈا،
تھاؤ=اکال پرکھ دے نواس دا ٹکانا،
اچے اپرِ اوچا=اچے توں اچا، ناؤ=
نامنا،وڈیائی، ایوڈُ=اتنا وڈا،
ہووے کوئِ=جے کوئی منکھ ہووے، تسُ اوچے
کؤ=اس اچے اکال پرکھ نوں، سوئِ=
اوہ منکھ ہی، جیوڈُ=جیڈا وڈا، جانے=
جاندا ہے، آپِ آپِ=کیول آپ ہی،
ندری=مہر دی نظر کرن والا ہری،
کرمی=کرم نال،بخشش نال، داتِ=
بخشش)
بہتا کرمُ لکھیا نہ جائ ۔۔
وڈا داتا تلُ ن تمائ ۔۔
کیتے منگہہ جودھ اپار ۔۔
کیتیا گنت نہی ویچارُ ۔۔
کیتے کھپِ تٹہہ ویکار ۔۔
کیتے لے لے مکرُ پاہِ ۔۔
کیتے مورکھ کھاہی کھاہِ ۔۔
کیتیا دوکھ بھوکھ صد مار ۔۔
ایہِ بھ داتِ تیری داتار ۔۔
بندِ خلاصی بھانے ہوئِ ۔۔
ہورُ آکھِ ن سکے کوئِ ۔۔
جے کو کھائکُ آکھنِ پائِ ۔۔
اوہُ جانے جیتیا موہِ کھائِ ۔۔
آپے جانے آپے دیئ ۔۔
آکھہہ سِ بھ کیئی کیئ ۔۔
جس نو بخسے صفتِ صالاح ۔۔
نانک پاتساہی پاتساہُ ۔۔25۔۔
(کرمُ=بخشش، تلُ=تل جتنی،
تمائ=لالچ، جودھ اپار=اپار جودھے،
کیتیا=کئیاں دی، ویکار=وکاراں وچ،
کھپِ تٹہہ=کھپ کھپ کے ناس ہندے ہن، کیتے=
بے انت جیو، مکرُ پاہِ=مکر پیندے ہن،
کھاہی کھاہِ=کھاندے ہن، صد=سدا، داتِ=
بخشش، داتار=ہے دینہار اکال پرکھ،
بندِ=بندی توں،مایہ دے موہ توں، خلاصی=
مکتی،چھٹکارا، بھانے=اکال پرکھ دی
رضا وچ تریاں، ہورُ=بھانے دے الٹ
کوئی ہور طریقہ، کوئِ=کوئی منکھ،
کھائکُ=کچا منکھ،مورکھ، جیتیا=
جتنیاں (چوٹاں)، موہِ=منہ اتے،
کھائِ=کھاندا ہے، سِ بھ=ایہہ گلّ بھی،
کیئی کیئ=کئی منکھ)
امل گن امل واپار ۔۔
امل واپاریئے امل بھنڈار ۔۔
امل آوہِ امل لے جاہِ ۔۔
امل بھائِ املا سماہِ ۔۔
املُ دھرمُ املُ دیبانُ ۔۔
املُ تلُ املُ پروانُ ۔۔
املُ بخسیس املُ نیسانُ ۔۔
املُ کرمُ املُ پھرمانُ ۔۔
املو املُ آکھیا ن جائ ۔۔
آکھِ آکھِ رہے لو لائِ ۔۔
آکھہہ وید پاٹھ پران ۔۔
آکھہہ پڑے کرہِ وکھیان ۔۔
آکھہہ برمے آکھہہ اند ۔۔
آکھہہ گوپی تے گووند ۔۔
آکھہہ ایسر آکھہہ سدھ ۔۔
آکھہہ کیتے کیتے بدھ ۔۔
آکھہہ دانوَ آکھہہ دیوَ ۔۔
آکھہہ سرِ نر منِ جن سیوَ ۔۔
کیتے آکھہہ آکھنِ پاہِ ۔۔
کیتے کہہ کہہ اٹھِ اٹھِ جاہِ ۔۔
ایتے کیتے ہورِ کریہِ ۔۔
تا آکھِ ن سکہہ کیئی کیئ ۔۔
جیوڈُ بھاوے تیوڈُ ہوئِ ۔۔
نانک جانے ساچا سوئِ ۔۔
جے کو آکھے بولوگاڑُ ۔۔
تا لکھیئے سرِ گاوارا گاوارُ ۔۔26۔۔
(ایسر=شو، کیتے=بے انت، بدھ=مہاتما بدھ،
دانوَ=راکھش، دیوَ=دیوتے، سرِ نر=سراں دے
سبھاؤ والے منکھ، منِ جن=منی لوک، کہہ
کہہ=آکھ آکھ کے، ایتے کیتے=اتنے جیو
پیدا کیتے ہوئے، جیوڈُ=جیڈا وڈا، بھاوے=چاہندا
ہے، تیوڈُ=اوڈا وڈا، ساچا سوئِ=اوہ سدا=تھر
رہن والا اکال پرکھ، بولُ وگاڑُ=بڑبولا)
سو درُ کیہا سو گھرُ کیہا جتُ بہہ سرب سمالے ۔۔
واجے ناد انیک اسنکھا کیتے واون ہارے ۔۔
کیتے راگ پری سیؤ کہیئنِ کیتے گاون ہارے ۔۔
گاوہِ تہنو پؤنُ پانی بیسنترُ گاوے راجا دھرمُ دوارے ۔۔
گاوہِ چتُ گپتُ لکھ جانہِ لکھ لکھ دھرمُ ویچارے ۔۔
گاوہِ ایسرُ برما دیوی سوہنِ سدا سوارے ۔۔
گاوہِ اند اداسنِ بیٹھے دیوتیا درِ نالے ۔۔
گاوہِ سدھ سمادھی اندرِ گاونِ سادھ وچارے ۔۔
گاونِ جتی ستی سنتوکھی گاوہِ ویر کرارے ۔۔
گاونِ پنڈت پڑنِ رکھیسر جگُ جگُ ویدا نالے ۔۔
گاوہِ موہنیا منُ موہنِ سرگا مچھ پٔیالے ۔۔
گاونِ رتن اپائے تیرے اٹھسٹھ تیرتھ نالے ۔۔
گاوہِ جودھ مہابل سورا گاوہِ کھانی چارے ۔۔
گاوہِ کھنڈ منڈل وربھنڈا کرِ کرِ رکھے دھارے ۔۔
سیئی تدھنو گاوہِ جو تدھُ بھاونِ رتے تیرے بھگت رسالے ۔۔
ہورِ کیتے گاونِ سے مے چتِ ن آونِ نانکُ کیا ویچارے ۔۔
سوئی سوئی سدا سچُ صاحبُ ساچا ساچی نائی ۔۔
ہے بھی ہوسی جائ ن جاسی رچنا جنِ رچائی ۔۔
رنگی رنگی بھاتی کرِ کرِ جنسی مایہ جنِ اپائی ۔۔
کرِ کرِ ویکھے کیتا اپنا جو تس دی وڈیائی ۔۔
جو تسُ بھاوے سوئی کرسی حکمُ ن کرنا جائی ۔۔
سو پاتساہُ صاحا پاتصاحبُ نانک رہنُ رجائی ۔۔27۔۔
(کیہا=کیہو جیہا، سمالے=توں سنبھال کیتی ہے، ناد=
آواز،شبد،راگ، واون ہارے=وجاؤن والے، پری=
راگنی، سیؤ=سمیت، کہیئنِ=کہیدے ہن، تہنو=
تینوں، راجا دھرمُ=دھرم=راج، چتُ گپتُ=اوہ لوک
جو جم-لوک وچ رہِ کے سنسار دے جیواں دے چنگے-مندے
کرماں دا لیکھا لکھدے ہن، بیسنترُ=اگّ، ایسرُ=شو،
برما=برہما، اند=اندر دیوت، اداسنِ=
(اد-آسنِ)، اندر دے آسن اتے، ستی=دانی،
ویر کرارے=تکڑے سورمے، رکھیسر=(رکھی ایسر)،
وڈے وڈے رکھی، مچھ=مات لوک وچ، پٔیالے=
پتال وچ، اٹھ سٹھِ=اٹھاہٹھ تیرتھ، جودھ=جودھ
مہا بل=وڈے بل والے، سورا=سورمے، کھانی چارے=
چارے کھانیاں، انڈج، جیرج، سویتج، اتبھج، کھنڈ=
ٹوٹا، منڈل=چکر، برہمنڈ دا اک چکر، وربھنڈا=
ساری سرشٹی، کرِ کرِ=بنا کے، دھارے=ٹکائے ہوئے،
سیئی=اوہی جیو، رتے=رنگے ہوئے، رسالے=(رس+آلی)
رس دے گھر،رسیے، کیا ویچارے=کیہ وچار کرے،
نائی=وڈیائی، ہوسی=ہووےگا، جائ ن=جمدا نہیں،
رنگی رنگی=رنگاں رنگاں دی، بھاتی=کئی قسماں دی،
جنسی=کئی جنساں دی، وڈیائی=رضا، صاحا
پاتِ صاحبُ=شاہاں دا پاتشاہ، رجائی=اکال
پرکھ دی رضا وچ)
مندا سنتوکھُ سرمُ پتُ جھولی دھیان کی کرہِ ببھوتِ ۔۔
کھنتھا کالُ کوآری کایا جگتِ ڈنڈا پرتیتِ ۔۔
آئی پنتھی سگل جماعتی منِ جیتے جگُ جیتُ ۔۔
آدیسُ تسے آدیسُ ۔۔
آدی انیلُ انادِ اناہتِ جگُ جگُ ایکو ویسُ ۔۔28۔۔
(مندا=مندراں، سرمُ=ادم،محنت، پتُ=پاتر،کھپر، کرہِ=
جے توں بنائیں، ببھوتِ=گوہیاں دی سواہ، کھنتھا=گودڑی، کالُ=
موت، کوآری کایا=کنوارہ سریر، وکاراں توں بچیا سریر،
جگتِ=جوگ متّ دی رہت، پرتیت=شردھا،یقین)
بھگتِ گیانُ دئیا بھنڈارنِ گھٹِ گھٹِ واجہہ ناد ۔۔
آپِ ناتھُ ناتھی سبھ جا کی ردھ سدھِ اورا صاد ۔۔
سنجوگُ وجوگُ دئِ کار چلاوہِ لیکھے آوہِ بھاگ ۔۔
آدیسُ تسے آدیسُ ۔۔
آدی انیلُ انادِ اناہتِ جگُ جگُ ایکو ویسُ ۔۔29۔۔
(بھگتِ=چورما، بھنڈارنِ=بھنڈارا ورتان والی، گھٹِ گھٹِ=
ہریک سریر وچ، ناد=شبد (جوگی بھنڈارا کھان ویلے اک
نادی وجاندے ہن، جو اوہناں اپنے گل وچ لٹکائی ہندی
ہے)، آپِ=اکال پرکھ آپ، ناتھی=نتھی ہوئی،وسّ وچ،
ردھ=پرتاپ،وڈیائی، سدھِ=جوگیاں وچ اٹھ وڈیاں
سدھیاں منیاں گئیاں ہن 'سدھِ دے اکھری ارتھ ہن
'سفلتا' کرامات (اٹھ سدھیاں ایہہ ہن:= 'انما،
لگھما، پراپتی، پراکامی، مہما، ایشتر، وشتر،
کاماوسائتا؛ انما=اک انو جنا چھوٹا بننا،
لگھما=بہت ہی ہولے بھار دا ہو جانا، پراپتی=ہریک
پدارتھ پراپت کرن دی سمرتھا، پراکامی=ستنتر
مرضی، مہما=اپنے آپ نوں جتنا چاہے اتنا
وڈا بناؤن دی طاقت، ایشتر=پربھتا، وشتر=دوجے
نوں اپنے وسّ وچ کر لینا، کاماواسائتا=کام
آدک وکاراں نوں قابو وچ رکھن دا بل)، اورا=
ہور، صاد=سواد،چسک، سنجوگُ=میل، وجوگُ=وچھوڑا،
چلاوہِ=چلا رہے ہن، لیکھے=کیتے کرماں دے لیکھے
انوسار، آوہِ=آؤندے ہن)
ایکا مائی جگتِ ویائی تنِ چیلے پروانُ ۔۔
اکُ سنساری اکُ بھنڈاری اکُ لائے دیبانُ ۔۔
جو تسُ بھاوے توے چلاوے جو ہووے پھرمانُ ۔۔
اوہُ ویکھے اونا ندرِ ن آوے بہتا ایہہ وڈانُ ۔۔
آدیسُ تسے آدیسُ ۔۔
آدی انیلُ انادِ اناہتِ جگُ جگُ ایکو ویسُ ۔۔30۔۔
(ایکا=اکلی مائی،مایہ، جگتِ=جگتی نال،
طریقے نال، ویائی=پرسوت ہوئی، تنِ= تنّ، پروانُ=
پرتکھّ، سنساری=گھرباری، بھنڈاری=بھنڈارے دا مالک،
لائے=لاؤندا ہے، دیبانُ=دربار،کچہری، جو=جویں،
تسُ=اس اکال پرکھ نوں، ندرِ ن آوے=دسدا نہیں
وڈانُ=اسچرج کوتک)
آسنُ لوئِ لوئِ بھنڈار ۔۔
جو کچھ پایا سو ایکا وار ۔۔
کرِ کرِ ویکھے سرجنہارُ ۔۔
نانک سچے کی ساچی کار ۔۔
آدیسُ تسے آدیسُ ۔۔
آدی انیلُ انادِ اناہتِ جگُ جگُ ایکو ویسُ ۔۔31۔۔
(آسنُ=ٹکانا، لوئِ لوئِ=ہریک بھون وچ، کرِ
کرِ=(جیواں نوں) پیدا کر ک، ویکھے=سنبھال کردا ہے،
سرجنہارُ=سرشٹی نوں پیدا کرن والا اکال پرکھ،
ساچی=سدا اٹلّ رہن والی)
اک دو جیبھو لکھ ہوہِ لکھ ہووہِ لکھ ویس ۔۔
لکھ لکھ گیڑا آکھیئہے ایکو نامُ جگدیس ۔۔
ایتُ راہِ پتِ پوڑیا چڑیئے ہوئِ اکیس ۔۔
سنِ گلا آکاس کی کیٹا آئی ریس ۔۔
نانک ندری پائیٔے کوڑی کوڑے ٹھیس ۔۔32۔۔
(اک دو جیبھو=اک جیبھ توں، ہوہِ=ہو جان،
گیڑا=پھیرے،چکر، آکھیئہے=آکھے جان، ایکو
نامُ جگدیس=جگدیس دا اک نام، جگدیس،
ایتُ راہِ=اس رستے وچ،پتِ پوڑیا=پتی
دیاں پؤڑیاں، چڑیئے=چڑھیدا ہے، ہوئِ اکیس=
اک روپ ہو کے، سنِ=سنِ ک، کیٹا=کیڑیاں نوں،
ندری=اکال پرکھ دی مہر دی نظر نال، کوڑے=
کوڑے منکھ دی، کوڑی ٹھسِ=جھوٹھی گپّ)
آکھنِ جورُ چپے نہ جورُ ۔۔
جورُ ن منگنِ دینِ ن جورُ ۔۔
جورُ ن جیونِ مرنِ نہ جورُ ۔۔
جورُ ن راجِ مالِ منِ سورُ ۔۔
جورُ ن سرتی گیانِ ویچارِ ۔۔
جورُ ن جگتی چھٹے سنسارُ ۔۔
جسُ ہتھِ جورُ کرِ ویکھے سوئِ ۔۔
نانک اتمُ نیچُ ن کوئِ ۔۔33۔۔
(آکھنِ=آکھن وچ، چپے=چپ وچ،
جورُ=سمرتھا، سورُ=رولا،پھوں=پھاں، سرتی=
سرت وچ،آتمک جاگ وچ، چھٹے=
مکت ہندا ہے، مکّ جاندا ہے، کرِ ویکھے=
(سرشٹی نوں) رچ کے سنبھال کر رہا ہے،
سوئِ=اوہی اکال پرکھ)
راتی رتی تھتی وار ۔۔
پون پانی اگنی پاتال ۔۔
تسُ وچِ دھرتی تھاپِ رکھی دھرم سال ۔۔
تسُ وچِ جی جگتِ کے رنگ ۔۔
تن کے نام انیک اننت ۔۔
کرمی کرمی ہوئِ ویچارُ ۔۔
سچا آپِ سچا دربارُ ۔۔
تتھے سوہنِ پنچ پروانُ ۔۔
ندری کرمِ پوے نیسانُ ۔۔
کچ پکائی اوتھے پائِ ۔۔
نانک گیا جاپے جائ ۔۔34۔۔
(راتی=راتاں، رتی=رتاں، تھتی=
تھتاں، وار=دہاڑے، پون=سبھ
پرکار دی ہوا، تسُ وچِ=ایہناں
ساریاں دے سمودائے وچ، تھاپِ رکھی=
تھاپ کے رکھ دتی ہے، دھرم سال=دھرم
کمان دا استھان، تسُ وچِ=اس
دھرتی اتے، جی جگتِ=جیواں دی
جگتی رہن دی جگتی، کے رنگ=
کئی رنگاں دے، کرمی کرمی=جیواں
دے کیتے کرماں انوسار، تتھے=اکال
پرکھ دے دربار وچ، سوہنِ=سوبھدے
ہن، پروانُ=پرتکھ طور 'تے، ندری
کرمِ=اکال پرکھ دی بخشش نال،
پوے نیسانُ=وڈیائی دا چہن چمک
پیندا ہے، کچ=کچیائی، پکائی=
پکیائی، اوتھے=اکال پرکھ دی
درگاہ وچ، پائِ=پائی جاندی ہے،
گیا=جا کے ہی، جاپے جائ=
جانیا جاندا ہے)
دھرم کھنڈ کا ایہو دھرمُ ۔۔
گیان کھنڈ کا آکھہُ کرمُ ۔۔
کیتے پون پانی ویسنتر کیتے قان مہیس ۔۔
کیتے برمے گھاڑتِ گھڑیئہہ روپ رنگ کے ویس ۔۔
کرم بھومی میر کیتے کیتے دھو اپدیس ۔۔
کیتے اند چند سور کیتے کیتے منڈل دیس ۔۔
کیتے سدھ بدھ ناتھ کیتے کیتے دیوی ویس ۔۔
کیتے دیوَ دانوَ منِ کیتے کیتے رتن سمند ۔۔
کیتیا کھانی کیتیا بانی کیتے پات نرند ۔۔
کیتیا سرتی سیوک کیتے نانک انتُ ن انتُ ۔۔35۔۔
(دھرمُ=منتوَ، آکھہُ=دسو، کرم=کم، ایہو=ایہی
جو اپر دسیا گیا ہے، کیتے=کئی، بے انت ویسنتر=
اگنیاں، مہیس=شو، برمے=کئی برہما، گھاڑتِ
گھڑیئہہ=گھاڑت وچ گھڑیدے ہن، کے ویس=کئی ویساں
دے، کیتیا=کئی، کرم بھومی=کم کرن دیاں بھومیاں،
میر=میرُ پربت، دھو=دھرو بھگت، اپدیش=اوہناں دھرو
بھگتاں دے اپدیش، اند=اندر دیوت، چند=چندرما،
سور=سورج منڈل، دیس=بھون-چکرّ، بدھ=بدھ اوتار،
دیوی ویس=دیویاں دے پہراوے، دانوَ=راکھش، منِ=
مون-دھاری رشی، رتن سمند=رتن اتے سمندر،
پات=پاتشاہ، نرند=راجے، سرتی=سرتاں، لو)
گیان کھنڈ مہہ گیانُ پرچنڈُ ۔۔
تتھے ناد بنود کوڈ انندُ ۔۔
سرم کھنڈ کی بانی روپُ ۔۔
تتھے گھاڑتِ گھڑیئے بہتُ انوپُ ۔۔
تا کیا گلا کتھیا نہ جاہِ ۔۔
جے کو کہےَ پچھے پچھتائ ۔۔
تتھے گھڑیئے سرتِ متِ منِ بدھ ۔۔
تتھے گھڑیئے سرا سدھا کی سدھِ ۔۔36۔۔
(مہہ=وچ، پرچنڈ=تیز، تتھے=اس
گیان کھنڈ وچ، ناد=راگ، بنود=
تماشے کوڈ=کوتک، انندُ=سواد،
سرم کھنڈ کی=ادم اوستھا دی،
بانی=بناوٹ، روپ=سندرتا، تتھے=
اس محنت والی اوستھا وچ،
گھاڑتِ گھڑیئے=گھاڑت وچ گھڑیا
جاندا ہے، بہتُ انوپُ=بہت سوہنا،
تا کیا=اس اوستھا دیاں،
کتھیا ن جاہِ=کہیناں نہیں جا
سکدیاں، کو=کوئی منکھ، کہےَ=آکھے،
پچھے=دسن توں پچھوں، پچھتائ=
پچھتاؤندا ہے، تتھے=اس کھنڈ وچ،
گھڑیئے=گھڑی جاندی ہے، منِ بدھ=
من وچ جاگرت، سرا کی سدھِ=
دیوتیاں دی سوجھ، سدھا کی سدھِ=
سدھاں والی عقل)
کرم کھنڈ کی بانی جورُ ۔۔
تتھے ہورُ ن کوئی ہورُ ۔۔
تتھے جودھ مہابل سور ۔۔
تن مہہ رامُ رہیا بھرپور ۔۔
تتھے سیتو سیتا مہما ماہِ ۔۔
تا کے روپ ن کتھنے جاہِ ۔۔
نہ اوہِ مرہِ ن ٹھاگے جاہِ ۔۔
جن کے رامُ وسے من ماہِ ۔۔
تتھے بھگت وسہہ کے لوء ۔۔
کرہِ انندُ سچا منِ سوئِ ۔۔
سچ کھنڈِ وسے نرنکارُ ۔۔
کرِ کرِ ویکھے ندرِ نہال ۔۔
تتھے کھنڈ منڈل وربھنڈ ۔۔
جے کو کتھے ت انت ن انت ۔۔
تتھے لوء لوء آکار ۔۔
جو جو حکمُ توے تو کار ۔۔
ویکھے وگسے کرِ ویچارُ ۔۔
نانک کتھنا کرڑا سارُ ۔۔37۔۔
(کرم=بخشش ، بانی=بناوٹ،
جورُ=بل، ہورُ ن کوئی ہورُ=اکال
پرکھ توں بنا دوجا اکا ہی کوئی
نہیں ہے، جودھ=جودھ، مہابل=وڈے
بل والے، سور=سورمے، تن مہہ=
اوہناں وچ، رہیا بھربھور=پورا
بھریا ہویا ہے، سیتو سیتا=
پورن طور 'تے سیتا ہویا ہے،
مہما=وڈیائی، ماہِ=وچ،
تا کے=اوہناں منکھاں دے، اوہِ=
اوہ بندے، نہ مرہِ=آتمک موت
مردے نہیں ہن، ن ٹھاگے جاہِ=ٹھگے
نہیں جا سکدے، کے لوء=کئی بھوناں
دے، سچا سوئِ=اوہ سچا ہری، سچِ
کھنڈِ=سچ کھنڈ وچ، کرِ کرِ=سرشٹی
رچ کے، ندرِ نہال=نہال کرن
والی نظر نال، ویکھے=ویکھدا ہے،سنبھال
کردا ہے، وربھنڈ= برہمنڈ، کو=کوئی
منکھ، کتھے=دسن لگے، ت انت ن انت=
ایہناں کھنڈاں منڈلاں تے برہمنڈاں دے انت
نہیں پے سکدے، لوء لوء=کئی لوک،
وگسے=وگسدا ہے،خوش ہندا ہے، کرِ
ویچارُ=ویچار کر کے، کتھنا=کتھن
کرنا، کرڑا سارُ=کرڑا جویں لوہا)
جتُ پاہارا دھیرجُ سنیارُ ۔۔
اہرنِ متِ ویدُ ہتھیارُ ۔۔
بھؤ کھلا اگنِ تپ تاؤ ۔۔
بھانڈا بھاؤ امرتُ تتُ ڈھالِ ۔۔
گھڑیئے سبدُ سچی ٹکسال ۔۔
جن کؤ ندرِ کرمُ تن کار ۔۔
نانک ندری ندرِ نہال ۔۔38۔۔
(جتُ=اپنے سریرک اندریاں نوں
وکاراں ولوں روک رکھنا پاہارا=
سنیارے دی دوکان، متِ=عقل،
وید=گیان، ہتھیارُ=ہتھوڑا،
بھؤ=اکال پرکھ دا ڈر، کھلا=
کھلاں،دھونکنی، تپتاؤ=تپاں نال
تپنا، بھانڈا=کٹھالی، بھاؤ=پریم،
امرتُ=اکال پرکھ دا امر
کرن والا نام، تتُ=اس بھانڈے
وچ، گھڑیئے سبدُ=شبد گھڑیا
جاندا ہے، سچی ٹکسال=اس سچی
ٹکسال وچ، جن کؤ=جنہاں
منکھاں اتے، ندرِ=مہر دی
نظر، کرمُ=بخشش، تن کار=
اوہناں منکھاں دی ہی ایہہ کار ہے،
نہال=پرسنّ، ندری=مہر دی
نظر والا پربھو)
سلوکُ ۔۔
پونُ گورو پانی پتا ماتا دھرتِ مہتُ ۔۔
دوسُ راتِ دئِ دائی دایا کھیلے سگل جگتُ ۔۔
چنگیائیا بریائیا واچے دھرمُ حدورِ ۔۔
کرمی آپو اپنی کے نیڑے کے دورِ ۔۔
جنی نامُ دھیایا گئے مسقتِ گھالِ ۔۔
نانک تے مکھ اجلے کیتی چھٹی نالِ ۔۔1۔۔8۔۔
(پونُ=ہوا،پران، مہتُ=وڈی، دئِ=دوویں،
دایا=دن کھڈاوا ہے، دائی=رات
کھڈاوی ہے، سگل=سارا، واچے=پرکھدا ہے،
پڑھدا ہے، حدورِ=اکال پرکھ دی حضوری
وچ، کرمی=کرماں انوسار، کے=کئی جیو،
نیڑے=اکال پرکھ دے نزدیک، جنی=جنہاں
منکھاں نے، تے=اوہ منکھ، مسقتِ=مشکتِ،
محنت، گھالِ=گھال کے، مکھ اجلے=اجل
مکھ والے، کیتی=کئی جیو، چھٹی=مکت ہو
گئی، نالِ=اوہناں دی سنگت وچ)
| |
| |
