پنجابی کافیاں ایسن
1
سہنسے سائت نہ ملے،
پل لکھیں ن آوے ۔
پدمے پہر ن پائیٔے،
پل ایویں جاوے،
سائی گھڑی سلکھنی،
سہُ نالِ وہاوے ۔1۔
ایہہ ویلا چھل جاسیا،
چھل گھنّ کواہی،
توڑے لکھ اپائے کرے،
پھرِ آونُ ناہیں ۔1۔رہاؤ۔
جاں جاں سور ن اگوے،
مکھ موندن کلیاں،
بھؤر رتا پھلواریئ،
مانیدا رلیاں،
جدوں سورج اگوے،
پھٹیسی تلیاں ۔2۔
متی دین بھلیریاں،
بلِ گئیاں سئیاں،
راہی دا گھرِ پھیرکے،
نالِ آپ ن گئیاں،
جو پر ویلی رتیاں،
سو تھائ ن پئیاں ۔3۔
توں سنِ سنِ اچیتیئے،
کدی تھیؤ سچیتی،
نتِ ن تھیسن پیئیڑے،
کمُ سسر سیتی،
تیں بھی لیکھا دیونا،
کرِ گربُ ن ایتی ۔4۔
توں سنِ مندھ اانیئے،
کدی تھیؤ سیانی،
صاحب لیکھا منگسی،
تلُ پیڑے گھانی،
جیسا سپنا رینِ کا،
جگِ ایویں جانی،
ایسن پیارے کی بینتی،
بھج سارگ پانی ۔5۔
(راگ گونڈ)
(سہنسے=ہزار سال، سائت=گھڑی،
پدمے=بہت وڈی سنکھیا، توڑے=بھاویں،
سور=سورج، سسر=سہرے، مندھ=استری،
سارگ=پپیہا)
| |
