پنجابی کافیاں گوال داس
1. کارنِ پیارے نی
کارنِ پیارے نی،
میں لوک علامے سہندی ۔1۔رہاؤ۔
لگا نیہں جیندے سیتی،
سہاں ن وتھ پلکاں جیتی،
عالم کیوں سمجھاوے ایتی،
میں ڈٹھے باجھ ن رہندی ۔1۔
تسیں نی سمجھاوو بھوری،
رانجھن میتھوں جاندا چوری،
جیندے عشقَ گھتی گلِ ڈوری،
کر آرام نہیں بہندی ۔2۔
برہُ آئِ وڑیا وچِ ویہڑے،
روز ہزار دیوے تن گھیرے،
دارو درد ن باجھہُ تیرے،
آؤ سجن میں ماندی ۔3۔
گوال سہاگ جے گھر آوے،
نال خوشی دے رینِ بہاوے،
غم اٹھی سبھ میتھوں جاوے،
توں صاحب میں باندی ۔1۔
(راگ جیجاونتی)
2. صاحبہ دل کاہل ہوئی
صاحبہ دل کاہل ہوئی،
میں نمانی سڈِ جی،
بے پرواہیاں توں چھڈِ جی ۔1۔رہاؤ۔
سمنُ بہنُ آرام ن آوے،
کھانا پینا مول ن بھاوے،
ظالم برہُ بہت سنتاوے،
سکھ گئے سبھ چھڈِ جی ۔1۔
ساڈے حالَ ن محرم کوئی،
سولاں مار بہو ترتُ روئی،
سکّ سانگ کرِ گھاؤ کیتو ای،
مرن پیاسے ہڈِ جی ۔2۔
پاندھی پچھاں واٹ نہاری،
ٹھنڈے ساسُ ن دیوے واری،
عشقَ دریاؤ بدی من دھاری،
لہریں دے وچ گڈِ جی ۔3۔
داس گوال میں صدقے جاواں،
پرگٹِ اودھو نوں آکھ سناواں،
آ ملِ پیارے میں جینودی بھاواں،
کرِ کرپا بدی چھڈِ جی ۔4۔
(راگ ڈھولا)
| |
