دریا-اے-معرفت فرد فقیر

من-سمجھوتی (دریا-اے-معرفت)

یا جامہ اس دا نام ہے، سانوں نال اسے دے کام ہے؛
ساڈا ضامن نبی رسول ہے، جو اﷲ دا مقبول ہے؛
جو فردا صافی اساں دا، میں گولی اس سردار دی ۔

تینوں فرد فقیرا کہہ رہی، نت کہہ کہہ ہٹ کے بہہ رہی؛
کر طوبیٰ عشقَ مجاز تھیں، پڑھ سبق ہکانی راز تھیں؛
توں باز نہ آویں غافلا ! میں تھکی روز پکاردی ۔

ہن راہ شرئیئت چل توں، کر سیر طریقت ول نوں؛
کوئی سمجھ حقیقت گلّ توں، پھر معرفتوں لے پھل توں؛
کی کرنا ایں گلاں کچیاں، تینوں موت نہ پلک وساردی ۔

اس اشکے بہت ستایا، سانوں کجھ سر پیر نہ آیا؛
جو چاہے ربّ کراؤندا، سانوں انت نہ کوئی آؤندا؛
اوہ دلبر سچا قول دا، میں جھوٹھی لافاں ماردی ۔

رہو فرد فقیر افرد ہو، اس راہ سوہنے دی گرد ہو؛
کہو کلمہ نبی کریم دا، اوہ عالیشان عظیم دا؛
جس امت نوں بخشاؤنا، کر عرض جناب غفار دی ۔

('دریا-اے-معرفت' وچوں)