بھگتاں دی وار بھائی گرداس

1

دھرو ہسدا گھر آیا کر پیار پیو کچھڑ لیتا ۔۔
باہوں پکڑ اٹھالیا من وچ روس متریئی کیتا ۔۔
ڈڈہلکا ماں پچھے توں ساوانی ہے کہ سریتا ۔۔
ساوانی ہاں جنم دی نام ن بھگتی کرم درڑیتا ۔۔
کس ادمّ تے راج ملے سترو تے سبھ ہوون میتا ۔۔
پرمیشر آرادھیئے جندو ہوئیئے پتت پنیتا ۔۔
باہر چلیا کرن تپ من بیراگی ہوئِ اتیتا ۔۔
ناردمنِ اپدیشیا نام ندھان امیورس پیتا ۔۔
پچھہُ راجے سدیا ابچل راج کرہُ نت نیتا ۔۔
ہار چلے گرمکھ جگ جیتا ۔۔1۔۔

2

گھر ہرناکھس دینت دے کلر کول بھگت پرہلاد ۔۔
پڑھن پٹھایا چاٹسال پاندھے چت ہوآ اہلاد ۔۔
سمرے من وچ رام نام گاوے شبد اناہد ناد ۔۔
بھگتِ کرن سبھ چاٹڑے پاندھے ہوئِ رہے وسماد ۔۔
راجے پاس روآیا دوکھی دینت ودھایا واد ۔۔
جل اگنی وچ گھتیا جلے ن ڈبے گر پرساد ۔۔
کڈھ کھڑگ صد پچھیا کؤن سو تیرا ہے استاد ۔۔
تھم پاڑ پرگٹیا نر سنگھ روپ انوپ عناد ۔۔
بے مکھ پکڑ پچھاڑئن سنت سہائی آدی جگاد ۔۔
جےَ جےَ کار کرن برہماد ۔۔2۔۔

3

بلِ راجا گھرِ آپنے اندر بیٹھا جگ کراوے ۔۔
باون روپی آیا چار بید مکھ پاٹھ سناوے ۔۔
راجے اندر سدیا منگ سوآمی جو تدھ بھاوے ۔۔
اچھل چھلن تدھُ آیا شکر پروہت کہہ سمجھاوے ۔۔
کرو اڈھائی دھرتِ منگ پچھہں دے ترہو لوء ن ماوے ۔۔
دئِ کروا کر تنّ لوء بلراجا لے مگرُ مناوے ۔۔
بل چھل آپ چھلائین ہوئِ دیال ملے گل لاوے ۔۔
دتا راج پتال دا ہوئِ ادھین بھگت جس گاوے ۔۔
ہوئِ دروان مہاں سکھ پاوے ۔۔3۔۔

4

امبریک موہِ ورت ہے رات پئی درباشا آیا ۔۔
بھیڑا اوس اپارنا اوہ اٹھ نھاون ندی سدھایا ۔۔
چرنودک لے پوکھیا اوہ سراپ دین نوں دھایا ۔۔
چکر سدرشن کال روپ ہوئِ بھیہاول غرب گوایا ۔۔
براہمن بھنا جیؤ لے رکھ ن ہنگھن دیوَ سبایا ۔۔
اندرلوک شولوک تج برہم لوک بیکنٹھ تجایا ۔۔
دیوتیاں بھگوان سن سکھ دیئ سبھناں سمجھایا ۔۔
آئِ پیا سرناگتی ماریدا امبریک چھڈایا ۔۔
بھگت وچھل جگ برد سدایا ۔۔4۔۔

5

بھگت وڈا راجا جنک ہے گرمکھ مایا وچ اداسی ۔۔
دیوَ لوک نوں چلیا گن گندھرب سبھا سکھواسی ۔۔
جمپر گیا پکار سن وللاون جی نرک نواسی ۔۔
دھرمرائ نو آکھیونُ سبھنا دی کر بند خلاصی ۔۔
کرے بینتی دھرمرائ ہؤ سیوک ٹھاکر ابناسی ۔۔
گہنے دھرئنُ اک ناؤں پاپاں نال کرے نرجاسی ۔۔
پاسنگ پاپ ن پجنی گرمکھ ناؤں اتل ن تلاسی ۔۔
نرکہں چھٹے جیا جنت کٹی گلہُ سلک جمپھاسی ۔۔
مکتِ جگتِ ناویں کی داسی ۔۔5۔۔

6

سکھ راجے ہریچند گھر نعر سو تارہ لوچن رانی ۔۔
سادھ سنگتِ مل گانودے راتیں جائ سنے گربانی ۔۔
پچھوں راجا جاگیا ادھی رات نکھنڈ وہانی ۔۔
رانی دس ن آوئی من وچ ورت گئی ہیرانی ۔۔
ہورتُ راتیں اٹھکے چلیا پچھے ترل جوانی ۔۔
رانی پہتی سنگتیں راجے کھڑی کھڑانؤ نیسانی ۔۔
سادھ سنگتِ آرادھیا جوڑی جڑی کھڑاؤں پرانی ۔۔
راجے ڈٹھا چلت ایہہ کھڑانو ہے چوج وڈانی ۔۔
سادھ سنگت وٹہُ کربانی ۔۔6۔۔

7

آیا سنیا بدر دے بولے درجودھن ہوئِ رکھا ۔۔
گھر اساڈے چھڈکے گولے دے گھر جاہِ کہ سکھا ۔۔
بھیکھم درونا کرن تج سبھا سینگار وڈے مانکھا ۔۔
جگی جائ ولائیون سبناں دے جی اندر دھکھا ۔۔
ہس بولے بھگوان جی سنہو راجا ہوئِ سنمکھا ۔۔
تیرے بھاؤ ن دسئی میرے ناہیں اپدا دکھا ۔۔
بھاؤ جویہا بدر دے ہوری دے چت چاؤ ن چکھا ۔۔
گووند بھاؤ بھگت دا بھکھا ۔۔7۔۔

8

اندر سبھا دساسنے متھے وال دروپتی آندی ۔۔
دوتاں نو فرمایا ننگی کرہُ پنچالی باندی ۔۔
پنجے پانڈو ویکھدے اؤگھٹ ردھی نارِ جناں دی ۔۔
اکھیں میٹ دھیان دھر ہاہا کرشن کرے وللاندی ۔۔
کپڑ کوٹ اساریون تھکے دوت ن پار وساندی ۔۔
ہتھ مروڑن سر دھننِ پچھوتان کرن جاہ جاندی ۔۔
گھر آئی ٹھاکر ملے پیج رہی بولے شرماندی ۔۔
ناتھ اناتھاں بان دھراندی ۔۔8۔۔

9

بپ سداما دالدی بال سکھائی متر سدائے ۔۔
لاگوُ ہوئی بامھنی مل جگدیس دلدر گوائے ۔۔
چلیا گندا گٹیاں ک�وں کر جائیے کون ملائے ۔۔
پہتا نگر دوارکا سنگھ دوار کھلوتا جائے ۔۔
دورہں دیکھ ڈنڈؤت کر چھڈّ سنگھاسن ہرِ جی آئے ۔۔
پہلے دے پردکھنا پیریں پے کے لے گل لائے ۔۔
چرنودک لے پیر دھوئ شنگھاسن اپر بیٹھائے ۔۔
پچھے کسل پیار کر گر سیوا دی کتھا سنائے ۔۔
لیکے تندل چبیون وداع کرے اگے پہچائے ۔۔
چار پدارتھ سکچ پٹھائے ۔۔9۔۔

10

پریم بھگتِ جیدیؤ کر گیت گوبند سہج دھنِ گاوے ۔۔
لیلہ چلت وکھاندا انتر جامی ٹھاکر بھاوے ۔۔
اکھر اک ن آوڑے پستک بنّ سندھیا کر آوے ۔۔
گن ندھان گھر آئکے بھگت روپ لکھ لیکھ بناوے ۔۔
اکھر پڑھ پرتیت کر ہوئِ وسماد ن انگ سماوے ۔۔
ویکھے جائ اجاڑ وچ برکھ اک آچرج سہاوے ۔۔
گیت گوبند سپورنو پت پتُ لکھیا امتُ ن پاوے ۔۔
بھگت ہیتُ پرگاس کر ہوئِ دیال ملے گل لاوے ۔۔
سنت اننت ن بھید گناوے ۔۔10۔۔

11

کم کتے پیو چلیا نامدیو نوں آکھ سدھایا ۔۔
ٹھاکر دی سیوا کریں ددھ پیاون کہہ سمجھایا ۔۔
نامدیؤ اشنان کر کپل گائ دہکے لے آیا ۔۔
ٹھاکر نوں نھاوالکے چرنودک لے تلک چڑھایا ۔۔
ہتھ جوڑ بنتی کرے ددھ پیئہُ جی گوبند رایا ۔۔
نہچؤ کر آرادھیا ہوئِ دیال درس دکھلایا ۔۔
بھری کٹوری نامدیو لے ٹھاکر نوں ددھ پیایا ۔۔
گائ مئی جیوالیؤن نامدیؤ دا چھپر چھایا ۔۔
پھیر دیہرا رکھیون چار ورن لے پیریں پایا ۔۔
بھگت جناں دا کرے کرایا ۔۔11۔۔

12

درشن ویکھن نامدیو بھلکے اٹھ ترلوچن آوے ۔۔
بھگتِ کرن مل دئِ جنے نامدیؤ ہرِ چلت سناوے ۔۔
میری بھی کر بینتی درشن دیکھاں جے تس بھاوے ۔۔
ٹھاکر جی نوں پچھیوس درشن کویں ترلوچن پاوے ۔۔
ہسکے ٹھاکر بولیا نامدیؤ نوں کہہ سمجھاوے ۔۔
ہتھ ن آوے بھیٹ سو تس ترلوچن میں موہِ لاوے ۔۔
ہؤں ادھین ہاں بھگت دے پہنچ ن ہنگھاں بھگتی داوے ۔۔
ہوئِ وچولا آن ملاوے ۔۔12۔۔

13

بامھن پوجے دیوتے دھنا گٔو چراون آوے ۔۔
دھنے ڈٹھا چلت ایہہ پچھے بامھن آکھ سناوے ۔۔
ٹھاکر دی سیوا کرے جو اچھے سوئی پھل پاوے ۔۔
دھنا کردا جودڑی میں بھ دیہہ اک جو تدھ بھاوے ۔۔
پتھر اک لپیٹ کر دے دھنے نوں گیل چھڈاوے ۔۔
ٹھاکر نوں نھاوالکے چھاہِ روٹی لے بھوگ چڑھاوے ۔۔
ہتھ جوڑ منت کرے پیریں پے پے بہت مناوے ۔۔
ہؤں بی منہ ن جٹھالساں توں رٹھا میں کہُ ن سکھاوے ۔۔
گوسئیں پرتکھّ ہوئِ روٹی کھائِ چھاہِ موہِ لاوے ۔۔
بھولا بھاؤ گووند ملاوے ۔۔13۔۔

14

گرمکھ بینی بھگتِ کر جائ اکانت بہے لو لاوے ۔۔
کرم کرے ادھیاتمی ہورسُ کسےَ ن اجر لکھاوے ۔۔
گھر آیا جاں پچھیئے راج دوار گیا آلاوے ۔۔
گھر سبھ وتھوں منگیئن ول چھل کرکے جھت لنگھاوے ۔۔
وڈا سانگ ورتدا اوہ اک من پرمیشر دھ�اوے ۔۔
پیج سوارے بھگت دی راجا ہوئکے گھر چل آوے ۔۔
دیئ دلاسہ تسکے انگنتی خرچی پہچاوے ۔۔
اوتھہں آیا بھگت پاس ہوئِ دیال ہیت اپجاوے ۔۔
بھگت جنا جیکار کراوے ۔۔14۔۔

15

ہوئِ برکت بنارسی رہندا رامانند غصائی ۔۔
امرت ویلے اٹھکے جاندا گنگا نھاون تائی ۔۔
اگوں ہی دے ذائقے لما پیا کبیر تتھائی ۔۔
پیریں ٹمب اٹھالیا بولہُ رام سکھ سمجھائی ۔۔
جیوں لوہا پارس چھہے چندن واس نمّ مہکائی ۔۔
پسو پریتہں دیوَ کر پورے ستگور دی وڈیائی ۔۔
اچرج نو اچرج ملے وسمادے وسماد ملائی ۔۔
جھرنا جھردا نجھرہں گرمکھ بانی اگھڑ گھڑائی ۔۔
رام کبیرے بھید ن بھائی ۔۔15۔۔

16

سن پرتاپ کبیر دا دوجا سکھ ہوآ سین نائی ۔۔
پریم بھگتِ راتیں کرے بھلکے راج دوارے جائی ۔۔
آئے سنت پراہنے کیرتن ہوآ رین سبائی ۔۔
چھڈ ن سکے سنت جن راج دوار ن سیوَ کمائی ۔۔
سین روپ ہرِ ہوئکے آیا رانے نوں ریجھائی ۔۔
سادھ جناں نوں وداع کر راجدوار گیا شرمائی ۔۔
رانے دورہں صدقے گلہں کوائے کھولھ پینھائی ۔۔
وس کیتا ہؤں تدھ اج بولے راجا سنے لکائی ۔۔
پرگٹ کرے بھگت وڈیائی ۔۔16۔۔

17

بھگت بھگت جگ وجیا چہوں چکاں دے وچ چمریٹا ۔۔
پانا گنڈھے راہ وچ کلا دھرم ڈھوئ ڈھور سمیٹا ۔۔
جیوں کر میلے چیتھڑے ہیرا لال امول پلیٹا ۔۔
چہوں ورناں اپدیش دا گیان دھیان کر بھگت سہیٹا ۔۔
نھاون آیا سنگ مل بانارس کر گنگا تھیٹا ۔۔
کڈھ کسیرا سؤنپیا روداسے گنگا دی بھیٹا ۔۔
لگا پرب ابھیچ دا ڈٹھا چلت اچرج آمیٹا ۔۔
لئیا کسیرا ہتھ کڈھ سوت اک جیوں تانا پیٹا ۔۔
بھگت جناں ہرِ ماں پیو بیٹا ۔۔17۔۔

18

گوتم نعر اہلیا تسنوں دیکھ اندر لوبھانا ۔۔
پر گھر جائ سراپ لے ہوئِ سہس بھگ پچھوتانا ۔۔
سننجا ہوآ اندرلوک لکیا سرور من شرمانا ۔۔
سہس بھگہُ لوئن سہس لیندوئی اندرپری سدھانا ۔۔
ستی ستہں ٹل صلہ ہوئِ ندی کنارے باجھ پرانا ۔۔
رگھپتِ چرن چھہندیا چلی سرگپر بنے ببانا ۔۔
بھگت وچھل بھلیائیئہں پتت ادھارن پاپ کمانا ۔۔
گننوں گن سبھکو کرے اؤگن کیتے گن تس جانا ۔۔
اوگت گتِ کیا آکھ وکھانا ۔۔18۔۔

19

واٹے مانس ماردا بیٹھا بالمیک بٹواڑا ۔۔
پورا ستگور سیویا من وچ ہوآ کھنجوتاڑا ۔۔
مارن نوں لوچے گھنا کڈھ ن ہنگھے ہتھ اگھاڑا ۔۔
ستگور منوآ رکھیا ہوئِ ن آوے اچھوہاڑا ۔۔
اؤگن سبھ پرگاسئنُ روزگارُ ہے ایہہ اساڑا ۔۔
گھر وچ پچھن گھلیا انتکال ہے کوئِ اساڑا ۔۔
کوڑمڑا چؤکھنیئ کوئِ ن بیلی کردے جھاڑا ۔۔
سچ درڑائِ ادھاریئنُ ٹپ نکتھا اپر واڑا ۔۔
گرمکھ لنگھے پاپ پہاڑا ۔۔19۔۔

20

پتت اجامل پاپ کر جائ کلاوتنی دے رہیا ۔۔
گر تے بے مکھ ہوئکے پاپ کماوے درمتِ دہیا ۔۔
برتھا جنم گوائینُ بھوجل اندر پھردا وحیا ۔۔
چھٕ پت جائے ویسوا پاپاں دے پھل اچھے لہیا ۔۔
پتر اپنا ستواں ناؤں دھرن نوں چت امہیا ۔۔
گورو دوارے جائکے گرمکھ ناؤں نرائن کہیا ۔۔
انتکال جمدوت ویکھ پت نرائن بولے چھہیا ۔۔
جمگن مارے ہرجناں گیا سرگ جم ڈنڈ ن سہیا ۔۔
نائ لئے دکھ ڈیرہ ڈھہیا ۔۔20۔۔

21

گنکا پاپن ہوئکے پاپاں دا گل ہار پروتا ۔۔
مہاں پرکھ اچانچک گنکا واڑے آئِ کھلوتا ۔۔
درمتِ دیکھ دیال ہوئِ ہتھہں اسنوں دتوسُ طوطا ۔۔
رام نام اپدیس کر کھیل گیا دے ونج سؤتا ۔۔
لو لاگی تس توتئہں نت پڑھائے کرے اسوتا ۔۔
پتت ادھارن رام نام درمتِ پاپ کلیور دھوتا ۔۔
انتکال جم جال توڑ نرکے وچ ن کھادھس غوطہ ۔۔
گئی بیکنٹھ ببان چڑھ ناؤ نارائن چھوت اچھوتا ۔۔
تھاؤں نتھاویں مان منوتا ۔۔21۔۔

22

آئی پاپنِ پوتناں دہیں تھنیں وہُ لائِ وہیلی ۔۔
آئِ بیٹھی پروار وچ نیہں لائِ نوہانِ نویلی ۔۔
کچھڑ لئے گوبند رائے کرِ چیٹک چترنگ مہیلی ۔۔
موہن مومے پائیون باہر آئی غرب گہیلی ۔۔
دیہہ ودھائ اچائنُ تہ چریار نعر اٹھکھیلی ۔۔
تہ لوآں دا بھار دے چمڑیا گل ہوئِ دہیلی ۔۔
کھائِ پچھاڑ پہاڑ وانگ جائ پئی اوجاڑ دھکیلی ۔۔
کیتی ماؤُ طول سہیلی ۔۔22۔۔

23

جائ ستا پربھاس وچ گوڈے اتے پیر پسارے ۔۔
چرن کمل وچ پدم ہے جھلمل جھلکے وانگی تارے ۔۔
بدھک آیا بھالدا مرگے جان بان لے مارے ۔۔
درشن ڈٹھوسُ جائکے کرن پلاوَ کرے پوکارے ۔۔
گل وچ لیتا کرشن جی اوگن کیتے ہر ن چتارے ۔۔
کر کرپا سنتوکھیا پتت ادھارن بردھ بیچارے ۔۔
بھلے بھلے کر منیئنِ بریاں دے ہرِ کاج سوارے ۔۔
پاپ کرندے پتت ادھارے ۔۔23۔۔10۔۔