بابے نانک دیوَ جی دی وار بھائی گرداس

1

نمسکار گردیو کو ستنامُ جس منتر سنایا ۔۔
بھوجل وچوں کڈھکے مکتِ پدارتھ مانہِ سمایا ۔۔
جنم مرن بھؤ کٹیا سنسا روگ وجوگ مٹایا ۔۔
سنسا ایہہ سنسار ہے جنم مرن وچ دکھ سبایا ۔۔
جمدنڈ سروں ن اترے ساقط درجن جنم گوایا ۔۔
چرن گہے گردیو کے ست سبد دے مکتِ کرایا ۔۔
بھائِ بھگت گرپرب کر نام دان اشنان درڑایا ۔۔
جیہا بیؤ تیہا پھل پایا ۔۔1۔۔

2

پرتھمیں ساس ن ماس سن اندھ دھند کچھ خبر ن پائی ۔۔
رقت بند کی دیہہ رچ پانچ تت کی جڑت جڑائی ۔۔
پؤن پانی بیسنترو چوتھی دھرتی سنگ ملائی ۔۔
پنچ وچ آکاس کر کرتا چھٹم ادش سمائی ۔۔
پنچ تتّ پچیس گن شتر متر مل دیہہ بنائی ۔۔
کھانی بانی چلت کر آواگؤن چرت دکھائی ۔۔
چوراسیہ لکھ زون اپائی ۔۔2۔۔

3

چوراسیہ لکھ زون وچ اتم جنم سو مانس دیہی ۔۔
اکھی ویکھن کرن سنن مکھ شبھ بولن بچن سنیہی ۔۔
ہتھیں کار کماونی پیری چل ستسنگ ملیہی ۔۔
کرت ورت کر دھرم دی کھٹّ کھوالن کار کریہی ۔۔
گرمکھ جنم سکارتھا گربانی پڑھ سمجھ سنیہی ۔۔
گر بھائی سنتشٹ کر چرنامرت لے مکھ پویہی ۔۔
پیری پون ن چھوڈیئ کلی کال رہراس کریہی ۔۔
آپ ترے گر سکھ تریہی ۔۔3۔۔

4

اوانکار آکار کر ایک کواؤ پساؤ پسارا ۔۔
پنچ تتّ پروان کر گھٹ گھٹ اندر تربھون سارا ۔۔
قادر کنے ن لکھیا قدرت ساز کیا اوتارا ۔۔
اکدوں قدرت لکھ کر لکھ بے انت اسنکھ اپارا ۔۔
روم روم وچ رکھیون کر برہمنڈ کروڑ شمارا ۔۔
اکس اکس برہمنڈ وچ دس دس کر اؤتار اتارا ۔۔
کیتے بید بیاس کر کئی کتیب مہمد یارا ۔۔
قدرت اک ایتا پاسارا ۔۔4۔۔

5

چار جگ کر تھاپنا ستجگ تریتا دواپر ساجے ۔۔
چوتھا کلجگ تھاپیا چار ورن چاروں کے راجے ۔۔
بہمن چھتری ویش سودر جگ جگ ایکو ورن براجے ۔۔
ستجگ ہنس اؤتار دھر سوہمبرہم ن دوجا پاجے ۔۔
ایکو برہم وکھانیئے موہ مایہ تے بے محتاجے ۔۔
کرن تپسیا بن وکھے وکھت گزارن پنی ساگے ۔۔
لکھ ورھیاں دی آرجا کوٹھے کوٹ ن مندر ساجے ۔۔
اک بنسے اک استھر غازے ۔۔5۔۔

6

تریتے چھتری روپ دھر سورج بنسی بڈ اوتارا ۔۔
نؤں حصے گئی آرجا مایا موہ اہنکار پسارا ۔۔
دواپر جادو ویس کر جگ جگ اؤدھ گھٹے آچارا ۔۔
رگبید مہں برہمکرت پورب مکھ شبھ کرم بچارا ۔۔
کھتری تھاپے ججر وید دکھن مکھ بہو دان داتارا ۔۔
ویسوں تھاپیا سیام وید پچھم مکھ کر سیس نوارا ۔۔
رگ نیلمبر ججر پیت سویتمبر کر سیام سدھارا ۔۔
ترہو جگیں ترے دھرم اچارا ۔۔6۔۔

7

کلجگ چوتھا تھاپیا سودر برت جگ مہہ ورتائی ۔۔
کرم سو رگ ججر سیامدے کرے جگت رد بہو سکچائی ۔۔
مایا موہی میدنی کلِ کلھ والی سبھ بھرمائی ۔۔
اٹھی گلان جگت وچ ہؤمے اندر جلے لکائی ۔۔
کوئی ن کسے پوجدا اوچ نیچ سبھ گتِ بسرائی ۔۔
بھئے بئدلی پاتشاہ کلکاتی امراو قصائی ۔۔
رہیا تپاوس ترہو جگی چوتھے جگ جو دیئ سو پائی ۔۔
کرم بھرشٹ سبھ بھئی لکائی ۔۔7۔۔

8

چہوں بیداں کے دھرم متھ کھٹ شاستر متھ رکھی سناوے ۔۔
برہمادک سنکادکا جیو تہ کہا تویں جگ گاوے ۔۔
گاون پڑن بچار بہو کوٹِ مدھے ورلا گتِ پاوے ۔۔
ایہہ اچرج من آنودی پڑھت گڑھت کچھ بھید ن آوے ۔۔
جگ جگ ایکو ورن ہے کلجگ کویں بہت دکھلاوے ۔۔
جندرے وجے ترہو جگیں کتھ پڑھ رہے بھرم نہں جاوے ۔۔
جیوں کر کتھیا چار وید کھٹ شاستر سنگ سانکھ سناوے ۔۔
آپو اپنے سب مت گاوے ۔۔8۔۔

9

گوتم تپے بچار کے رگ وید کی کتھا سنائی ۔۔
نیائ شاستر کو متھ کر سبھ بدھ کرتے ہتھ جنائی ۔۔
سب کجھ کرتے وس ہے ہور بات وچ چلے ن کائی ۔۔
دہیں سریں کرتار ہے آپ نیارا کر دکھلائی ۔۔
کرتا کنے ن دیکھیا قدرت اندر بھرم بھلائی ۔۔
سوہں برہم چھپائکے پڑدا بھرم قطار سنائی ۔۔
رگ کہےَ سن گرمکھہُ آپے آپ ن دوجی رائی ۔۔
ستگورو بناں ن سوجھی پائی ۔۔9۔۔

10

پھر جیمن رکھ بولیا ججروید متھ کتھا سناوے ۔۔
کرماں اتے نبڑے دیہی مدھ کرے سو پاوے ۔۔
تھاپسِ کرم سنسار وچ کرم واس کر آوے جاوے ۔۔
سہسا منہُ ن چکئی کرماں اندر بھرم بھلاوے ۔۔
بھرم ورتن جگت کی اکو مایا برہم کہاوے ۔۔
ججر وید کو متھن کر تتّ برہم وچ بھرم بھلاوے ۔۔
کرم دڑائ جگت وچ کرم بندھ کر آوے جاوے ۔۔
ستگور بنا ن سہسا جاوے ۔۔10۔۔

11

سیام وید کؤ سودھ کر متھ ویدانت بیاس سنایا ۔۔
کتھنی بدنی باہرا آپے آپن برہم جنایا ۔۔
ندری کسے ن لیاوئی ہؤمیں اندر بھرم بھلایا ۔۔
آپ پجائ جگت وچ بھاؤ بھگت دا مرم ن پایا ۔۔
ترپتِ ن آوی وید متھ اگنی اندرِ تپت تپایا ۔۔
مایا دنڈ ن اترے جم دنڈے بہو دکھ روآیا ۔۔
نارد من اپدیسیا متھ بھگوت گن گیت کرایا ۔۔
بن سرنی نہِ کوئِ ترایا ۔۔11۔۔

12

دواپر جگ بیتت بھئے کلجگ کے سر چھتر پھرائی ۔۔
بید اتھربن تھاپیا اترّ مکھ گرمکھ گنگائی ۔۔
کپل رکھیشر سانکھ متھ اتھربن بید کی رچا سنائی ۔۔
گیانی مہارس پیئہ کے سمرے نت انت نیائی ۔۔
گیان بنا نہِ پائیٔے جے کئی کوٹ جتن کر دھائی ۔۔
کرم جوگ دیہی کرے سو انت کھن ٹکے ن رائی ۔۔
گیان متے سکھ اوپجے جنم مرن کا بھرم چکائی ۔۔
گرمکھ گیانی سہج سمائی ۔۔12۔۔

13

بید اتھربن متھن کر گرمکھ باشیکھک گن گاوے ۔۔
جیہا بیجے سو لنے سمیں بناں پھل ہتھِ ن آوے ۔۔
حکمے اندرِ سبھ کو منے حکم سو سہج سماوے ۔۔
آپہُ کچھو ن ہووئی برا بھلا نہِ منّ وساوے ۔۔
جیسا کرے تیسا لہے رکھی کنادک بھاکھ سناوے ۔۔
ستجگ کا انیاؤں سن اک پھیڑے سبھ جگت مراوے ۔۔
تریتے نگری پیڑیئے دواپر ونس کونس کہاوے ۔۔
کلجگ جو پھیڑے سو پاوے ۔۔13۔۔

14

سیکھناگ پاتنجل متھیا گرمکھ شاستر ناگ سنائی ۔۔
وید اتھرون بولیا جوگ بنا نہِ بھرم چکائی ۔۔
جیونکر میلی آرسی صقل بنا نہں مکھ دکھائی ۔۔
جوگ پدارتھ نرملا انحد دھن اندر لولائی ۔۔
اشدسا سدھِ نؤندھی گرمکھ جوگی چرن لگائی ۔۔
ترہو جگاں کی باشنا کلجگ وچ پاتنجل پائی ۔۔
ہتھو ہتھی پائیٔے بھگت جوگ کی پور کمائی ۔۔
نام دان اشنان سبھائی ۔۔14۔۔

15

جگ جگ میر سریر کا باشنا بدھا آوے جاوے ۔۔
پھر پھر پھیر وٹائیئ گیانی ہوئِ مرم کو پاوے ۔۔
ستجگ دوجا بھرم کر تریتے وچ جونی پھر آوے ۔۔
تریتے کرماں باندھتے دواپر پھر اوتار کراوے ۔۔
دواپر ممتا اہنکار ہؤمیں اندر گربِ گلاوے ۔۔
ترہو جگاں کے کرم کر جنم مرن سنسا ن چکاوے ۔۔
پھر کلجگ اندر دیہہ دھر کرماں اندر پھیر وساوے ۔۔
اؤسر چکا ہتھ ن آوے ۔۔15۔۔

16

کلجگ کی سدھ سادھنا کرم کرت کی چلے ن کائی ۔۔
بناں بھجن بھگوان کے بھاؤ بھگت بن ٹھور ن تھائی ۔۔
لہے کمانا ایت جگ پچھلیں جگیں کر کمائی ۔۔
پایا مانس دیہہ کؤ ایتھوں چکیا ٹھور ن ٹھائی ۔۔
کلجگ کے اپکار سن جیسے بید اتھربن گائی ۔۔
بھاؤ بھگتِ پروانُ ہے جگّ ہوم تے پرب کمائی ۔۔
کرکے نیچ سداونا تاں پربھ لیکھے اندر پائی ۔۔
کلجگ ناوے کی وڈیائی ۔۔16۔۔

17

جگگردی جب ہووہے الٹے جگ کیا ہوئِ ورتارا ۔۔
اٹھے گلان جگت وچ ورتے پاپ بھرشٹ سنسارا ۔۔
ورنہ ورن ن بھاونی کھہِ کھہِ جلن بانس انگیارا ۔۔
نندا چالے وید کی سمجھن نہِ اگیان غبارہ ۔۔
بید گرنتھ گر ہٹّ ہے جس لگ بھوجل پار اتارا ۔۔
ستگور باجھ ن بجھیئے جچرّ دھرے ن گر اوتارا ۔۔
گر پرمیشر اک ہے سچا شاہ جگت ونجارا ۔۔
چڑے سور مٹ جائ اندھارا ۔۔17۔۔

18

کلجگ بودھ اوتار ہے بودھ ابودھ ن درشٹی آوے ۔۔
کوئِ ن کسےَ ورجئی سوئی کرے جوئی من بھاوے ۔۔
کسےَ پجائی صلہ سنّ کوئی گوریں مڑھی پجاوے ۔۔
تنتر منتر پاکھنڈ کر کلہ کرودھ بہو وادھ ودھاوے ۔۔
آپو دھاپی ہوئکے نیارے نیارے دھرم چلاوے ۔۔
کوئی پوجے چندر سور کوئی دھرت اکاس مناوے ۔۔
پؤن پانی بیسنترو دھرمراج کوئی ترپتاوے ۔۔
پھوکٹ دھرمی بھرم بھلاوے ۔۔18۔۔

19

بھئی گلان جگت وچ چار ورن آشرم ایپائے ۔۔
دس نام سنیاسیاں جوگی بارہ پنتھ چلا ئے ۔۔
جنگم اتے سریوڑے دغے دگمبر واد کرائے ۔۔
برہمن بہو پرکار کر شاستر وید پران لڑائے ۔۔
کھٹ درشن بہو ویر کر نال چھتیس پاکھنڈ چلا ئے ۔۔
تنت منت راسائنا کرامات کالکھ لپٹائے ۔۔
ایکس تے بہو روپ کروپی گھنے دکھائے ۔۔
کلجگ اندر بھرم بھلائے ۔۔19۔۔

20

بہو واٹیں جگّ چلیاں جب ہی بھئے مہمد یارا ۔۔
قوم بہتر سنگ کر بہو بدھ بیر برودھ پسارا ۔۔
روجھے عید نماجھ کر کرمی بند کیا سنسارا ۔۔
پیر پکمبر اؤلیئ غوث قطب بہو بھیکھ سوارا ۔۔
ٹھاکر دوارے ڈھاہکے تہ ٹھؤڑیں مسیت اسارا ۔۔
مارن گؤ غریب دھرتی اپر پاپ بتھارا ۔۔
کافر ملہد ارمنی رومی جنگی دشمن دارا ۔۔
پاپے دا ورتیا ورتارا ۔۔20۔۔

21

چار ورن چار مجھہباں جگ وچ ہندو مسلمانے ۔۔
خودی بکیلی تکبری کھنچوتان کرین دھنانے ۔۔
گنگ بنارس ہندواں مکہ کعبہ مسلمانے ۔۔
سنت مسلمان دی تلک جننجو ہندو لوبھانے ۔۔
رام رحیم کہائندے اک نام دئِ راہ بھلانے ۔۔
بید کتیب بھلائکے موہے لالچ دنی شیتانے ۔۔
سچ کنارے رہِ گیا کھہِ مردے بامن مؤلانے ۔۔
سروں ن مٹے آون جانے ۔۔21۔۔

22

چارے جگے چہُ جگی پنچائن پربھ آپے ہوآ ۔۔
آپے پٹی قلم آپ آپے لکھنہارا ہوآ ۔۔
باجھ گورو اندھیر ہے کھہِ کھہِ مردے بہو بدھ لوآ ۔۔
ورتیا پاپ جگتر تے دھؤل اڈینا نسدن روآ ۔۔
باجھ دئیا بل ہین ہو نگھر چلے رساتل ٹوآ ۔۔
کھڑا اک تے پیر تے پاپ سنگ بہو بھارا ہوآ ۔۔
تھمے کوئِ ن سادھ بن سادھ ن دسے جگ وچ کوآ ۔۔
دھرم دھول پکارے طلے کھڑوآ ۔۔22۔۔

23

سنی پکار داتار پربھ گر نانک جگ ماہں پٹھایا ۔۔
چرن دھوئ رہراس کر چرنامرت سکھاں پیلایا ۔۔
پاربرہم پورن برہم کلجگ اندر اک دکھایا ۔۔
چارے پیر دھرمّ دے چار ورن اک ورن کرایا ۔۔
رانا رنک برابری پیریں پونا جگ ورتایا ۔۔
الٹا کھیل پرمّ دا پیراں اپر سیس نوایا ۔۔
کلجگ بابے تاریا ستنام پڑھ منتر سنایا ۔۔
کلِ تارن گر نانک آیا ۔۔23۔۔

24

پہلاں بابے پایا بخش در پچھوں دے پھر گھال کمائی ۔۔
ریت اکّ آہار کر روڑاں کی گر کری وچھائی ۔۔
بھاری کری تپسیا بڈے بھاگ ہرِ سیوں بنِ آئی ۔۔
بابا پیدھا سچ کھنڈ ناندھِ نام غریبی پائی ۔۔
بابا دیکھے دھیان دھر جلتی سبھ پرتھوی دس آئی ۔۔
باجھہُ گورو غبار ہے ہیہے کردی سنی لکائی ۔۔
بابے بھیکھ بنایا اداسی کی ریت چلائی ۔۔
چڑھیا سودھن دھرت لکائی ۔۔24۔۔

25

بابا آیا تیرتھیں تیرتھ پرب سبھے پھر دیکھے ۔۔
پورب دھرم بہو کرم کر بھاؤ بھگتِ بن کتے ن لیکھے ۔۔
بھاؤ ن برہمے لکھیا چار بید سمرتِ پڑھ دیکھے ۔۔
ڈھونڈی سگلی پرتھمی ستجگ آدی دواپر تریتے ۔۔
کلجگ دھندھوکار ہے بھرم بھلائی بہو بدھ بھیکھے ۔۔
بھیکھیں پربھو ن پائیٔے آپ گوائے روپ ن ریکھے ۔۔
گرمکھ ورن اورن ہوئِ نو چلے گرسکھ وسیکھے ۔۔
تاں کچھ گھال پوے در لیکھے ۔۔25۔۔

26

جت ستی چر جیونے سادھک سدھ ناتھ گر چیلے ۔۔
دیوی دیوَ رکھیشراں بھیروں کھیتر پال بہو میلے ۔۔
گن گندھرب اپشراں کنر جچھّ چلت بہو کھیلے ۔۔
راکش دانو دینت لکھ اندر دوجا بھاؤ دہیلے ۔۔
ہؤمیں اندر سبھکو ڈبے گورو سنیں بہو چیلے ۔۔
گرمکھ کوئِ ن دسئی ڈھونڈے تیرتھ جاتری میلے ۔۔
ڈھونڈے ہندو ترک سبھ پیر پیکمبر کؤمِ کتیلے ۔۔
اندھی اندھے کھوہے ٹھیلے ۔۔26۔۔

27

ستگور نانک پرگٹیا مٹی دھندھ جگ چانن ہوآ ۔۔
جیوں کر سورج نکلیا تارے چھپے اندھیر پلوآ ۔۔
سنگھ بکے مرگاولی بھنی جائے ن دھیر دھروآ ۔۔
جتھے بابا پیر دھرے پوجا آسن تھاپن سوآ ۔۔
سدھ آسن سبھ جگت دے نانک آد متے جے کوآ ۔۔
گھر گھر اندر دھرم سال ہووے کیرتن سدا وسوآ ۔۔
بابے تارے چار چک نوں کھنڈ پرتھمی سچا ڈھوآ ۔۔
گرمکھ کلِ وچ پرگٹ ہوآ ۔۔28۔۔

28

بابے ڈٹھی پرتھمی نوے کھنڈ جتھے تک آہی ۔۔
پھر جا چڑے سمیر پر سدھ منڈلی درشٹی آئی ۔۔
چوراسیہ سدھ گورکھادِ من اندر گنتی ورتائی ۔۔
سدھ پچھن سن بالیا کون شکت تہِ ایتھے لیائی ۔۔
ہؤں جپیا پرمیشرو بھاؤ بھگت سنگ تاڑی لائی ۔۔
آکھن سدھ سن بالیا اپنا ناں تم دیہُ بتائی ۔۔
بابا آکھے ناتھ جی نانک نام جپے گت پائی ۔۔
نیچ کہائ اوچ گھر آئی ۔۔28۔۔

29

پھر پچھن سدھ نانکا مات لوک وچ کیا ورتارا ۔۔
سبھ سدھیں ایہہ بجھیا کلِ تارن نانک اوتارا ۔۔
بابے کہیا ناتھ جی سچ چندرما کوڑ اندھارا ۔۔
کوڑ اماوس ورتیا ہؤں بھالن چڑھیا سنسارا ۔۔
پاپ گراسی پرتھمی دھول کھڑا دھر ہیٹھ پکارا ۔۔
سدھ چھپ بیٹھے پربتیں کون جگ کؤ پار اتارا ۔۔
جوگی گیان وہونیاں نسدن انگ لگائن چھارا ۔۔
باجھ گورو ڈبا جگ سارا ۔۔29۔۔

30

کلھ آئی کتے مہی کھاج ہوآ مردار غصائی ۔۔
راجے پاپ کمانودے الٹی واڑ کھیت کؤ کھائی ۔۔
پرجا اندھی گیان بن کوڑ کست مکھہُ الائی ۔۔
چیلے ساز وجائندے نچن گورو بہت بدھ بھائی ۔۔
سیوک بیٹھن گھراں وچ گر اٹھ گھریں تناڑے جائی ۔۔
قاضی ہوئے رشوتی وڈھی لیکے حق گوائی ۔۔
استری پرکھا دام ہت بھاویں آئِ کتھاؤں جائی ۔۔
ورتیا پاپ سبھس جگ مانہی ۔۔30۔۔

31

سدھیں منے بچاریا کوَ درشن ایہہ لیوے بالا ۔۔
ایسا جوگی کلی ماہِ ہمرے پنتھ کرے اجیالا ۔۔
کھپر دتا ناتھ جی پانی بھر لیون اٹھ چالا ۔۔
بابا آیا پانیئے ڈٹھے رتن جواہر لالا ۔۔
ستگور اگم اگادھ پرکھ کیہڑا جھلے گر دی جھالا ۔۔
پھر آیا گر ناتھ جی پانی ٹھؤڑ نہیں اس تالا ۔۔
شبد جتی سدھ منڈلی کیتوسُ اپنا پنتھ نرالا ۔۔
کلجگ نانک نام سکھالا ۔۔31۔۔

32

بابا پھر مکے گیا نیل بستر دھارے بنواری ۔۔
آسا ہتھ کتاب کچھّ کوجا بانگ مصلا دھاری ۔۔
بیٹھا جائ مسیت وچ جتھے حاجی حج گزاری ۔۔
جاں بابا ستا رات نوں ولّ مہرابے پاں ئِ پساری ۔۔
جیون ماری لط دی کیڑھا ستا کفر کفاری ۔۔
لتاں ول خدائ دے کیونکر پیا ہوئِ بجگاری ۔۔
ٹنگوں پکڑ گھسیٹیا پھریا مکہ کلا دکھاری ۔۔
ہوئِ حیران کرین جہاری ۔۔32۔۔

33

پچھن گل ایمان دی قاضی ملاں اکٹھے ہوئی ۔۔
وڈا سانگ ورتایا لکھ ن سکے قدرتِ کوئی ۔۔
پچھن کھولھ کتاب نوں وڈا ہندو کی مسلمانوئی ۔۔
بابا آکھے حاجیاں شبھ عملاں باجھو دوویں روئی ۔۔
ہندو مسلمان دوئ درگہہ اندر لین ن ڈھوئی ۔۔
کچا رنگ کسمبھ کا پانی دھوتے تھر ن رہوئی ۔۔
کرن بخیلی آپ وچ رام رحیم کتھائِ کھلوئی ۔۔
راہ شیطانی دنیا گوئی ۔۔33۔۔

34

دھری نشانی قوس دی مکے اندر پوج کرائی ۔۔
جتھے جائی جگت وچ بابے باجھ ن خالی جائی ۔۔
گھر گھر بابا پوجیے ہندو مسلمان گوائی ۔۔
چھپے نانہِ چھپایا چڑھیا سورج جگ رشنائی ۔۔
بکیا سنگھ اجاڑ وچ سب مرگاول بھنی جائی ۔۔
چڑھیا چند ن لکئی کڈھ کنالی جوت چھپائی ۔۔
اگونہُ تے آتھونہُ نؤ کھنڈ پرتھوی سبھ جھکائی ۔۔
جگ اندر قدرت ورتائی ۔۔34۔۔

35

بابا گیا بغداد نوں باہر جائ کیا استھانا ۔۔
اک بابا اکال روپ دوجا ربابی مردانہ ۔۔
دتی بانگ نماز کر سنّ سامان ہویا جہانا ۔۔
سنّ منّ نگری بھئی دیکھ پیر بھیا حیرانا ۔۔
ویکھے دھیان لگائِ کر اک فقیر وڈا مستانہ ۔۔
پچھیا فرقے دستگیر کون فقیر کس کا گھرانہ ۔۔
نانک کلِ وچ آیا رب فقیر اک پہچانا ۔۔
دھرت اکاش چہوں دس جانا ۔۔35۔۔

36

پچھے پیر تکرار کر ایہہ فقیر وڈا آتائی ۔۔
ایتھے وچ بغداد دے وڈی کرامات دکھلائی ۔۔
پاتالاں آکاش لکھ اوڑک بھالی خبر سو سائی ۔۔
پھیر درائن دستگیر اسیں بھ ویکھاں جو تہِ پائی ۔۔
نال لیتا بیٹا پیر دا اکھیں میٹ گیا ہوائی ۔۔
لکھ اکاش پتال لکھ اکھ پھرک وچ سبھ دکھلائی ۔۔
بھر کچکول پرشاد دا دھروں پتالوں لئی کڑائی ۔۔
ظاہر کلا ن چھپے چھپائی ۔۔36۔۔

37

گڑھ بغداد نوائکے مکا مدینہ سبھ نوایا ۔۔
سدھ چوراسیہ منڈلی کھٹ درشن پاکھنڈ جنایا ۔۔
پاتالاں آکاش لکھ جتی دھرتی جگت سبایا ۔۔
جتی نوکھنڈ میدنی ستنام کا چکر پھرایا ۔۔
دیودانو راکس دینت سبھ چتر گپت سبھ چرنی لایا ۔۔
اندراسن اپچھراں راگ راگنی منگل گایا ۔۔
ہندو مسلمان نوایا ۔۔37۔۔

38

بابا آیا کرتارپور بھیکھ اداسی سگل اتارا ۔۔
پہر سنساری کپڑے منجی بیٹھ کیا اوتارا ۔۔
الٹی گنگ وہائیؤن گر انگد سر اپر دھارا ۔۔
پتیں قول ن پالیا من کھوٹے عاقی نسیارا ۔۔
بانی مکھہُ اچاریئ ہوئِ رشنائی مٹے اندھارا ۔۔
گیان گوش چرچہ سدا انحد شبد اٹھے دھنکارا ۔۔
سودر آرتی گاویئ امرت ویلے جاپ اچارا ۔۔
گرمکھ بھار اتھربن دھارا ۔۔38۔۔

39

میلہ سن شورات دا بابا اچل وٹالے آئی ۔۔
درشن ویکھن کارنے سگلی الٹ پئی لوکائی ۔۔
لگی برسن لچھمی ردھ سدھ نؤ ندھِ سوائی ۔۔
جوگی ویکھ چلتر نوں من وچ رشک گھنیری کھائی ۔۔
بھگتیاں پائی بھگت آن لوٹا جوگی لئیا چھپائی ۔۔
بھگتیاں گئی بھگت بول لوٹے اندر سرت بھلائی ۔۔
بابا جانی جان پرکھ کڈھیا لوٹا جہاں لکائی ۔۔
ویکھ چلتر جوگی کھنسائی ۔۔39۔۔

40

کھادھی کھنس جوگیشراں گوسٹ کرن سبھے اٹھ آئی ۔۔
پچھے جوگی بھنگر ناتھ تہِ ددھ وچ کیوں کانجی پائی ۔۔
پھٹِ آ چاٹا ددھ دا رڑکیاں مکھن ہتھ ن آئی ۔۔
بھیکھ ااتر اداس دا وت کیوں سنساری ریت چلائی ۔۔
نانک آکھے بھنگر ناتھ تیری ماؤ کچجی آئی ۔۔
بھانڈا دھوئ ن جاتیون بھائِ کچجے پھل سڑائی ۔۔
ہوئِ اتیت گرہست تج پھر انہونکے گھر منگن جائی ۔۔
بن دتے کچھ ہتھ ن آئی ۔۔40۔۔

41

ایہہ سن بچن جگیسراں مار کلک بہو روپ اٹھائی ۔۔
کھٹ درشن کؤ کھیدیا کلجگ بیدی نانک آئی ۔۔
سدھ بولن سبھ اؤکھدھیاں تنتر منتر کی دھنو چڑھائی ۔۔
روپ وٹایا جوگیاں سنگھ باگھ بہو چلت دکھائی ۔۔
اک پر کرکے اڈرن پنکھی جویں رہے لیلائی ۔۔
اک ناگ ہوئِ پون چھوڈ اکنا ورکھا اگن وسائی ۔۔
تارے توڑے بھنگر ناتھ اک چڑ مرگانی جل تر جائی ۔۔
سدھاں اگن ن بجھے بجھائی ۔۔41۔۔

42

سدھ بولے سن نانکا تہِ جگ نوں کرامات دکھلائی ۔۔
کجھ دکھائیں اسانوں بھی توں کیوں ڈھل اجیہی لائی ۔۔
بابا بولے ناتھ جی اساں ویکھے جوگی وستُ ن کائی ۔۔
گر سنگت بانی بنا دوجی اوٹ نہیں ہے رائی ۔۔
سوَ روپی کرتا پرکھ چلے ناہیں دھرت چلائی ۔۔
سدھ تنتر منتر کر جھڑ پئے شبد گورو کے کلا چھپائی ۔۔
ددے داتا گورو ہے ککے قیمت کنے ن پائی ۔۔
سو دین نانک ستگور سرنائی ۔۔42۔۔

43

بابا بولے ناتھ جی شبد سنہُ سچ مکھہُ الائی ۔۔
باجہُ سچے نام دے ہور کرامات اساتھے ناہی ۔۔
بستر پہروں اگنِ کے برف ہمالے مندر چھائی ۔۔
کرو رسوئی سار دی سگلی دھرتی نتھّ چلائی ۔۔
ایوڈ کری وتھار کؤ سگلی دھرتی حقی جائی ۔۔
تولیں دھرتِ آکاش دئِ پچھے چھابے ٹنک چڑھائی ۔۔
ایہہ بل رکھاں آپ وچ جس آکھاں تس پار کرائی ۔۔
ستنام بن بادر چھائی ۔۔43۔۔

44

بابے کیتی سدھ گوشٹ شبد شانتِ سدھاں وچ آئی ۔۔
جن میلہ شورات دا کھٹ درشن آدیش کرائی ۔۔
سدھ بولن شبھ بچن دھنّ نانک تیری وڈی کمائی ۔۔
وڈا پرکھ پرگٹیا کلجگ اندر جوت جگائی ۔۔
میلیوں بابا اٹھیا ملتانے دی زیارت جائی ۔۔
اگوں پیر ملتان دے ددھ کٹورا بھر لے آئی ۔۔
بابے کڈھ کر بغل تے چمبیلی دودھ وچ ملائی ۔۔
جیوں ساگر وچ گنگ سمائی ۔۔44۔۔

45

زیارت کر ملتان دی پھر کرتارپرے نوں آیا ۔۔
چڑھے سوائی دہدہی کلجگ نانک نام دھیایا ۔۔
ون ناوے ہور منگنا سر دکھاں دے دکھ سبایا ۔۔
ماریا سکہ جگت وچ نانک نرمل پنتھ چلایا ۔۔
تھاپیا لہنا جینودے گریائی سر چھتر پھرایا ۔۔
جوتی جوت ملائکے ستگور نانک روپ وٹایا ۔۔
لکھ ن کوئی سکئی آچرجے آچرج دکھایا ۔۔
کایاں پلٹ سروپ بنایا ۔۔45۔۔

46

سو ٹکا سو چھتر سر سوئی سچا تخت ٹکائی ۔۔
گر نانک ہندی موہر ہتھ گر انگد دی دوہی پھرائی ۔۔
دتا چھڈّ کرتارپور بیٹھ کھڈورے جوتِ جگائی ۔۔
جمے پورب بیجیا وچ وچ ہور کوڑی چترائی ۔۔
لہنے پائی نانکوں دینی امرداس گھر آئی ۔۔
گر بیٹھا امر سروپ ہو گرمکھ پائی دات الٰہی ۔۔
پھیر وسایا گوندوال اچرج کھیل ن لکھیا جائی ۔۔
داتِ جوت خسمے وڈیائی ۔۔46۔۔

47

دچے پورب دیونا جس دی وسط تسے گھر آوے ۔۔
بیٹھا سوڈھی پاتشاہ رام داس ستگورو کہاوے ۔۔
پورن تال کھٹایا امرتسر وچ جوت جگاوے ۔۔
الٹا کھیل کھسمّ دا الٹی گنگ سمند سماوے ۔۔
دتا لئیے اپنا ان دتا کچھ ہتھ ن آوے ۔۔
پھر آئی گھر ارجنے پت سنساری گورو کہاوے ۔۔
جان ن دیساں سوڈھیؤں ہورس اجر ن جریا جاوے ۔۔
گھر ہی کی وتھّ گھرے رہاوے ۔۔47۔۔

48

پنج پیالے پنج پیر چھٹم پیر بیٹھا گر بھاری ۔۔
ارجن قعیاں پلٹ کے مورت ہرگوبند سواری ۔۔
چلی پیڑھی سوڈھیاں روپ دکھاون وارو واری ۔۔
دل بھنجن گر سورماں وڈ جودھا بہو پراپکاری ۔۔
پچھنّ سکھ ارداس کر چھ محلاں تک درس نہاری ۔۔
اگم اگوچر ستگورو بولے مکھ تے سنہُ سنساری ۔۔
کلجگ پیڑھی سوڈھیاں نہچل نین اسار کھلھاری ۔۔
جگ جگ ستگور دھرے اوتاری ۔۔48۔۔

49

ستجگ ستگور واسدیو واوا وشنا نام جپاوے ۔۔
دواپر ستگور ہریکرشن ہاہا ہرِ ہرِ نام دھیاوے ۔۔
تریتے ستگور رام جی رارا رام جپے سکھ پاوے ۔۔
کلجگ نانک گر گوبند گگا گووند نام جپاوے ۔۔
چارے جاگے چہُ جگی پنچائن وچ جائ سماوے ۔۔
چاروں اچھر اک کر واہگورو جپ منتر جپاوے ۔۔
جہاں تے اپجیا پھر تہاں سماوے ۔۔49۔۔1۔۔