Sant Meera Bai ਸੰਤ ਮੀਰਾ ਬਾਈ
ਮੀਰਾ ਬਾਈ (੧੪੯੮-੧੫੪੭) ਇਕ ਸੰਤ ਕਵੀ ਤੇ ਗਾਇਕ ਸੀ ।ਉਨ੍ਹਾਂ ਦਾ ਨਾਂ ਭਗਤੀ ਧਾਰਾ ਦੇ ਮੁੱਖ ਸੰਤ ਭਗਤਾਂ ਵਿੱਚ ਆਉਂਦਾ ਹੈ । ਮੀਰਾ ਦਾ ਜਨਮ ਰਾਜਸਥਾਨ ਦੇ ਮੇਰਟਾ ਸ਼ਹਿਰ ਲਾਗਲੇ ਪਿੰਡ ਕੁੜਕੀ ਵਿੱਚ ਹੋਇਆ । ਬਚਪਨ ਵਿੱਚ ਮੀਰਾ ਆਪਣੇ ਪਿਤਾ ਜੀ ਦੀ ਕ੍ਰਿਸ਼ਣ ਭਗਤੀ ਤੋਂ ਬਹੁਤ ਪ੍ਰਭਾਵਿਤ ਹੋਈ । ਉਨ੍ਹਾਂ ਦੀ ਸ਼ਾਦੀ ਰਾਣਾ ਸਾਂਗਾ ਦੇ ਵੱਡੇ ਪੁੱਤਰ ਭੋਜ ਰਾਜ ਨਾਲ ਹੋਈ ।ਮੀਰਾ ਇਸ ਸ਼ਾਦੀ ਤੋਂ ਖ਼ੁਸ਼ ਨਹੀਂ ਸੀ ਕਿਉਂਕਿ ਉਹ ਕ੍ਰਿਸ਼ਣ ਨੂੰ ਹੀ ਆਪਣਾ ਸਭ ਕੁਝ ਮੰਨਦੀ ਸੀ । ਭੋਜ ਰਾਜ ੧੫੨੭ ਵਿੱਚ ਲੜਾਈ ਵਿੱਚ ਮਾਰੇ ਗਏ । ਉਸਤੋਂ ਬਾਦ ਉਸਨੂੰ ਆਪਣੇ ਸਹੁਰੇ ਪਰਿਵਾਰ ਵਿੱਚ ਬੜੀਆਂ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪਿਆ । ਸੰਤ ਰਵਿਦਾਸ ਜੀ ਉਨ੍ਹਾਂ ਦੇ ਗੁਰੂ ਸਨ । ਉਨ੍ਹਾਂ ਦੀਆਂ ਰਚਨਾਵਾਂ ਹਨ-ਬਰਸੀ ਕਾ ਮਾਯਰਾ, ਗੀਤ ਗੋਵਿੰਦ ਟੀਕਾ, ਰਾਗ ਗੋਵਿੰਦ ਅਤੇ ਰਾਗ ਸੋਰਠ ਕੇ ਪਦ ।