Punjabi Kavita
Ahmed

Punjabi Kavita
  

Kafian Ahmed

پنجابی کافیاں احمد

1

میں تن سکّ گھنی،
ساجن آؤ کداہیں ۔1۔رہاؤ۔

جے تینڈی دل میں نال ہوندی،
ملدوں سنجھ سباہیں ۔
ہن کیہی بے پرواہی چائیا،
ملے نہ پاکھی ماہی ۔1۔

چت چراون تے چھپ جاون،
ایہا بان تداہیں ۔2۔

پور تقصیر کیوں منہُ وسارے،
عذر نہ کجھ اسانہیں ۔
احمد سائیں دی پریت چروکی،
کوئی اج اجوکڑی ناہیں ۔3۔
(راگ آسا)

(سباہیں=صبح، پاکھی=پکھ،پندراں دن،
پور تقصیر=غلطیاں نال بھریا)

2

انننُ پھیرا مول نہ گھتدا ۔
سجن وچ گراویں دے وسدا ۔1۔رہاؤ۔

بے پرواہ سبھس دا سانجھا،
بھاگ تنھاں دے، جنہاں نال ہسدا ۔1۔

اکناں نوں دے گل باہیں ملدا،
سانوں دیکھِ پچھاہاں نسدا ۔2۔

احمد ایہہ دل وس کیتو سے،
دیکھن نوں میرا جیؤ ترسدا ۔3۔
(راگ کلیان)

3

من ترسے تے نین اڈیکن،
کچرک تائیں میں چھپ چھپ رہساں ۔
آپ نہ آوہِ لکھ لکھ بھیجہِ،
آساں دے نالِ نہ مٹن پیاساں ۔1۔رہاؤ۔

برہُ تہاڈے دیاں الیاں چھمکاں،
مڈھ کلیجے دے پؤندیاں لاساں ۔1۔

اہمدُ سائیں درس دکھائیں،
پجن مراداں من دیاں آساں ۔2۔
(راگ کلیان)

(الیاں=کچیاں)